أخطاء الحملات الأعلانية

أخطاء الحملات الأعلانية سبب من أسباب كتير تخليك تسأل نفسك.. أنا ليه إعلاني مش بيجيب مردود ؟؟

الحملات الإعلانية لازم خطواتك تكون محسوبة ومدروسة وعارف أنا بتتصرف ازاي

لإن كل خطوة بتعملها لو مش مدروسة هتأثر علي الحملة الإعلانية بتاعتك

تعالوا نتعرف على الأخطاء اللي لازم نتجنبها والخطوات اللي لازم نعملها

–  الأخطاء اللي لازم نتجنبها

✅ الاستهداف الخاطئ

أكتر من 50٪ من الحملات الإعلانية بتقع في فخ الاستهداف الخاطئ و للجمهور الغلط وديه تعتبر من أخطاء الحملات الأعلانية

في إحصائية في 2016 إن 47٪ من الحملات الإعلانية اللي في السعودية بتستهدف الجمهور المتهم فعلا بالمجال أياً كان هو إيه

في حين إن أكتر من نص الحملات الإعلانية بتفشل بسبب الاستهداف الخاطئ وبسبب إن الاستهداف بيروح للجمهور الغلط واللي مش مهتم فعلا بالمنتج

وممكن تستهدف الجمهور المناسب بس تغلط في الرسالة التسويقية للأسف

أو ممكن يكون الاستهداف غير دقيق 

وفي الاخر نتائج كل الأخطاء ديه في إنك مش هتحصل على المردود المناسب من الإعلانات الخاصة بيك 

ولا هتحصل على اهتمام من جمهورك والمتابعين 

أصل إيه اللي يخلي جمهور يهتم بإعلان مش هيستفيد منه بحاجة وده سبب كافي انه يكون في أخطاء في الحملات الأعلانية 

واللي أسوأ من كده فعلا إن يكون الإعلان مصروف عليه كويس جداً والـ Quality الخاص بالمنتج تكون ممتازة وأعداد الاعلان ناجح وكل حاجة فيه مظبوطة وفي الاخر يوصل للجمهور الغلط

علي سبيل المثال : لو إنت عملت أكلة ممتازة وطعمها حلو وفيها لحوم أو فراخ و قدمتها لناس نباتية مش بتاكل لحوم.. مع إن الاكل ممكن تكون جميلة جداً بس وصلت للناس الغلط 

عشان كده اهم حاجه لما تيجي تقرر تعمل حملة إعلانية لازم تعرف تختار الجمهور المهتم بمجالك وشغلك

✅ بيانات غير كافية 

طبعا أي شخص بيدير مشروع عارف كويس أوي اهمية البيانات في تحقيق حملات إعلانية ناجحة.. عاملة كده زي بيقولوا كده البترول 

مع توسع الأسواق وكترة المنافسة على المجال أيا كان إيه هو.. المستهلكين مايبقوش بيدوروا على إعلاناتك أو عن إيه اللي بتروج ليه 

إنت اللي المفروض تدور عليهم وتظهر لهم 

والبيانات هي العامل الأساسي في أي إعلان وهي اللي هتوصلك للفئة المهتمة بيك

 ومن غير بيانات كفاية مش هتعرف الطريق بنفسك وهتروح للوجهة الخطأ 

أو تستخدم الوسيلة الغلط بأنك توصلهم أو ماتعرفش جمهورك عايز إيه بالظبط وايه هي تطلعات مشروعك 

كل ده من الطبيعي و البديهي إنه يخلي إعلاناتك من غير مردود 

على العكس لو في بيانات كاملة وكافية هتساعدك علي معرفة جمهورك المستهدف بشكل كويس

وايه هي الخدمات اللي هو عايزها وبالتالي توفرها 

ومن خلال البيانات هتعرف جمهورك بيتواجد فين وايه هي الـ Platforms اللي بيتواجد عليها واللي لازم تعمل عليها إعلاناتك 

وساعتها تقدر تشتغل علي إعلاناتك بكفاءة أكبر وفاعلية أكتر وتحقق استثمار أفضل 

اما بقي عن طرق جمع البيانات ففي طرق كتير تقدر تستخدمها في كده 

زي إنك تدرس السوق كويس جدا وتدرس المنافسين والفئات المستهدفة من الجمهور 

✅ ماعملتش اختبارات تجريبية 

للأسف من الأخطاء المهمة واللي بيقع فيها أصحاب المشاريع واللي بيشتغلوا في التسويق عموماً هو انهم مش بيعملوا اختبارات للحملات الإعلانية ديه

وبالتالي احتمال كبير جداً تواجه مشاكل في الإعلان 

لإن اختبارك للإعلان حتي لو إنت شايف إنك مخطط صح وخطوات إعلانك كلها صح ممكن تتفاجئ بغلطة في الإعلان ماكنتش عامل حسابها 

في للأسف كتير بيقعوا في فخ عدم اختبار إعلاناتهم في إنهم يكتشفوا إن في غلطات ومكانوش هيعرفوها و بيخسروا بسببها

لأن الاعلان بيكون خلاص اتنفذ وظهر للناس بشكل مباشر 

وطبعا ده هيأثر على مدي قبول الجمهور المستهدف للإعلان وطبيعة استجابته ليه 

وعشان كده في حالة إن إعلانك مش بياخد الاهتمام المتوقع فإجراء الاختبارات عليه هيساعدك تعرف إيه هي الأخطاء اللي مش ظاهرة وبتأثر على إعلاناتك وتقدر تحلها 

✅ إنك مش بتعمل الـ CTA  

الـ Call To Action هي الجزء اللي بيوضح طلبك في الإعلان وايه اللي إنت عايزه من المستهلك  

بمجرد ما يشوف الاعلان وهو جزء ضروري جداً ومهم جداً عشان تحقق حملات إعلانية ناجحة ومن غيره من الصعب إن العميل يوصلك حتي لو مقتنع بشغلك 

الـ CTA مهمتها إنها بتحفز العميل إنه يتعامل معاك أو يزور موقعك 

ومن غير الـ CTA الإعلان بتاعك هيكون عبارة عن عبارة أو جملة تسويقية بدون هدف 

علي سبيل المثال.. لو لقيت شخص جيه واتكلم معاك على أهمية إنك لازم يكون عندك حيوان أليف وإنه بيساعد علي تقليل التوتر

وشرحلك مميزات كتير جداً عنه وفي الاخر سابك ومشي.. هتفهم إيه ؟؟ 

هتعرف إنه قالك معلومة مهمة وخلاص.. صح ؟ 

لكن لو جيه وشرحلك كل ده وفي الاخر قالك أنا عندي مكان ببيع فيه حيوانات أليفة وعرض عليك إنك تزوره في المكان.. هو ده الـ CTA

✅  هل الناس بتكره الإعلانات ؟؟ 

مافيش حد بيكره الإعلانات ولكن في أسباب كتير تخلي الشخص مش حابب الإعلان وده اللي بيخليه يتقفل من الشركة كلها صاحبة الإعلان 

لمجرد إن الإعلان مزعج 

في إحصائية اتعملت في 2019 بسبب إن الناس ليه بتكره الإعلانات اتضح 

_ 48٪ بسبب الإعلانات الكتير 

_  47٪ عشان الإعلانات المزعجة والغير ملائمة 

_ 44٪ من الناس بسبب الإعلانات المتطفلة 

_ 38٪ عشان الإعلانات علي فيروسات أو أخطاء برمجية 

والناس بتقول إن الإعلانات زادت بشكل ملحوظ ومزعج لدرجة إنهم بيظهروا للشخص في أي وقت وفي كل مكان وده اللي بيسبب مشاكل مع الناس 

ولو إنت شخص عايز تعمل اعلان مايكونش مزعج وتتقبله الناس راجع استراتيجيتك واختيار للناس المهتمة

واللي تسمح ليهم إنهم يشوفوا إعلاناتك وساعتها هيكون فيه قابلية كتير من الجمهور ليك

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing