أشهر الخرافات عن التسويق الالكتروني 

أشهر الخرافات عن التسويق الالكتروني

في الزمن ده .. اي حاجة مشهورة لازم يطلع عليها كمية خرافات كتير جداً .. وعشان التسويق الالكتروني هو الاهم والاشهر

لازم يطلع عليه خرافات هو كمان وللاسف الخرافات ديه بتأثر على بعض رجال الأعمال وتخليهم ما ياخدوش الريسك ويتعاملوا

مع التسويق الالكتروني ويرجعوا يتعاملوا مع أساليبهم القديمة في التسويق

وفي المقالة ديه هنعرف ايه هي أشهر الخرافات عن التسويق الالكتروني

✅ الخرافة الأولى : التسويق الالكترونى مخصص لأصحاب الشركات الكبيرة

من أكبر الخرافات انك تصدق ان التسويق الالكترونى لأصحاب الشركات الكبيرة بس .. بالعكس

التسويق الالكترونى بيخصص اختيارات كتير جداً لأصحاب الشركات الصغيرة من حيث  الميزانية واستراتيجيات التسويق

✅ الخرافة الثانية : التسويق الالكترونى مش مهم

مع تقدم الزمن وتقدم التكنولوجيا التسويق بقي ابسط واسهل من الطرق القديمة وعشان كده التسويق الالكترونى

بقي العامل الأساسي والمهم وفي أي عملية تسويق لأن أصبح العالم كله بيستخدم السوشيال ميديا حاليا وعشان يواكب الجيل

لازم يستخدمه

✅ الخرافة الثالثة : امتلاكك لـ Website ده كفاية

اكيد طبعا انك يكون عندك Website ديه حاجة كويسة جداً طبعا عشان تقدر تعرض فيه شغلك للناس والناس تشوفه

ولكن ده لوحده مش كفاية  .. لازم يكون عندك تواجد علي جميع الـ Platforms كلها ولازم تعمل إعلانات بشكل منتظم عشان تنجح

✅ الخرافة الرابعة : مش شرط تكتب Content قوي

يعتبر الـ Content من أهم خطوات نجاح أي إعلان عشان هو اللي بيشرح الاعلان للعميل

وطبعا الـ Content اللي بيخاطب الجمهور لازم يكون مختلف ومتنوع من جمهور لجمهور

بمعني اصح لازم تختار الـ Content المناسب لكل جمهور

✅ الخرافة الخامسة : وقتي ضيق ومش فاضي اني استخدم التسويق الاكترونى

ديه مشكلة كبيرة جداً لما تكون انت صاحب شركة وماعندكش وقت انك تسوق لشغلك فى اكتر مكان يقدر يجيب لك الربح اللي انت عايزه

حتي لو انت ماعندكش وقت لازم تخصص الشخص المناسب للخطوة ديه

لان الموضوع مش بس مهم الموضوع بقي اساسي في اي عملية تسويق وعشان كده انت لازم تخصص وقت للتسويق الالكترونى

✅ الخرافة السادسة : الـ Platforms علي السوشيال ميديا بتخدم ناس معينة

الـ Platforms كل دقيقة بتتطور يوم عن يوم عشان تقدر تخدم جميع الشركات اياً كانت كبيرة او صغيرة

بس الاهم من كل ده واللي يقدر يخسر شركتك انك تقول ان مردود التسويق الالكترونى ضعيفاً ومش زي الطرق القديمة

بس الأهم انك تختار الـ Platform المناسبة ليك ولشركتك

✅ الخرافة السابعة : اكتب دايما عناوين فضولية كتير

استخدام الفضول في حد ذاته شئ مهم ولكن استخدامه كتير مضر وممكن يمل منه جمهورك وينفر منك

احنا قولنا ان الفضول مهم ومفيد ولكن باستخدام محدود

غير كمان ان الافراط فيه ممكن يفسد مصداقيتك

✅ الخرافة الثامنة : انك تكتب عناوين مستفزة وبذيئة ده هيجيب مع الناس

خطوة زي ديه ممكن برضو تضايق جمهورك .. مش معني اني قولتلك اكتب حاجة مثيرة يبقي اي كلام وخلاص

حاول تختار كلماتك بحرص وتكون في نفس الوقت ملفتة للإنتباه عشان تزود عدد جمهورك من خلال الكلمات البسيطة ديه

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing