أفضل 4 طرق تختار بيهم الـ Blogs

 الـ Blogs

كلنا بنحب وبندور علي ايه أفضل حاجة نقدر نقدمها لجمهورنا 

عشان نفضل في أحسن صورة من وجهة نظر الجمهور 

وده مايمنعش انه بيكون هدفنا برضو الربح ( الصراحة مش وحشة ) 😂 

بس الأهم والسبب الأول هو إرضاء العميل 

وعشان كده .. في الـ Article ديه هنعرف مع بعض أفضل 4 طرق تختار بيهم الـ Blogs

✅ اعرف جمهورك المستهدف 

الطبيعي والبديهي اننا بنختار الجمهور المستهدف بطريقة صحيحة عشان الربح 

بس هنا انا بختار جمهور من جمهوري المستهدف .. اتلغبط صح ؟؟ 😂 

انا هفهمك .. طبيعي انك تختار الجمهور المستهدف لإعلاناتك ولصفحتك في العموم 

مش معقول يعني أي حد يكون علي صفحتك لازم يكون جمهور مهتم باللي انت بتنزله 

بس انا هنا بتكلم على جمهور من جمهورك انت .. اكيد جمهورك كله زوقه مش زي بعض 

يعني جمهورك ازواقه مختلفة في أمور كتير 

وعشان كده انت لازم تكون حريص وانت بتنزل Posts تكون عارف انت بتخاطب مين بالظبط 

وده مايمنعش انك تنوع من الـ Posts الخاصة بيك عشان جمهورك يحس بالتقدير 

ويحس انك بتخاطب كل شخص عندك علي الصفحة 

وعشان كده انت لازم تختار جمهورك المستهدف من جمهورك الأصلي لما تيجي تعمل Blog 

✅ تكون على صلة مع جمهورك 

التقدير ثم التقدير ثم التقدير يا عزيزي … 

انت لازم تكون شخص محتوي .. بمعني انك لازم تكون متواصل دائماً مع جمهورك في كل كبيرة وصغيرة 

عشان بعد كده .. يبلعولك الظلط 

لازم تركز علي ايه اكتر حاجة بيهتموا بيها وتعملها 

ايه هي المشاكل اللي بتواجههم وتحلها 

طب ايه علاقة الصلة بالكلام ده ؟؟ 

انت لما تتواصل مع جمهورك بشكل دورى مستمر 

جمهورك هيحس بالتقدير وزي ماقولتلك .. هيبلعولك الظلط 

وساعتها أي BLog تقدر تنزله ممكن يكون في تأثير على جمهورك 

✅ اسرق بلوجات 

قولنا قبل كده انك ممكن تعمل اي حاجة عشان تسعد عميلك حتي لو هتسرق 😂 

بس هنا انا اقصد السرقة في حاجة تخص شغلك 

معني انك تقدر تشوف الـ Blogs المناسبة لجمهورك .. ( ده لو انت خلاص عطلت ومش عارف تعمل حاجة ) 

من المنافسين وتقدر تطلع بفكرة تعرضها على جمهورك 

وده مش هيقلل منك بالعكس .. ده في مقولة بتقول ” الفنانون الجيدون ينسخون. الفنانون العظماء يسرقون. ” 

✅ تستفيد من Content tools مفيدة 

عندك مثلاً BuzzSumo وديه تعتبر من الـ Tools اللي تقدر من خلالها تحدد من خلالها المواضيع اللي هتتكلم عليها مع جمهورك

وفي Tool تانية تقدر تستخدمها برضو وهي Alltop 

وتعتبر الـ Tool ديه مهمة جداً عشان بتجمع مواضيع ومقالات عن مواضيع معينة انت بتختارها 

حتي لو كانت مقالات قديمة 

بدل ما تروح وتدور انت بنفسك هي بتجبهالك لحد عندك 

وده بيكون عن طريق تسجيلك بحساب مجاني 

الطرق كتير وكلها مفيدة ليك .. ده لو انت كنت عايز تفيد جمهورك فعلاً 

ومايكونش سببك الأول والأخير هو الربح 

انا معاك ان الربح يعتبر الحاجة الأساسية ليك لما تيجي تفتح مجال 

بس صدقني المصدر الوحيد لربحك هو جمهورك 

وعشان كده انت لازم تهتم بيه عشان توصل للي انت عايزه 

وعشان تهتم بيه لازم يكون عندك الـ Ways اللي تقدر تستخدمها في جذب انتباهه ليك 

وكل ما أنت بتجذب انتباهه اكتر .. كل ما هتكون ناجح اكتر 

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing