Blog
أنواع الـ Call To Action
كلنا عارفين طبعا ان الـ Post البيع بيتكون من أكتر من طريقة عشان تقدر توصل للعميل
يعني مثلا انك لازم تبدأ كلامك بجمل ملفتة للانتباه عشان تقدر تشد بيها انتباه جمهورك
وماتوقفش علي كده .. لازم كل كلامك يكون ملقت وانك تحاول ماتطولش علي العميل
وتحاول تظهر مميزاتك بأسلوب كويس
وفي الأخر تعمل الـ CTA عشان تقدر توصل العميل ليك بكل سهولة
وفي المقالة ديه هنتعرف على أفضل أنواع الـ Call To Action
1- كلمة ( حاول ) مهمة جدا
في الـ CTA طبعا كلنا عارفين اننا بنكون حريصين على أن الكلام يكون دقيق وكل كلمة مهمة عشان تقنع بيها العميل
وعشان كده .. كلمة ( حاول ) تعتبر كلمة خفيفة علي العميل بحيث انك ماديتلوش أمر بأنه يتصل بيك وفي نفس الوقت
مأهملتش العميل .. وكمان الكلمة ديه فيها جزء من التقدير للعميل عشان لو العميل مشغول او ملزم بحاجة
مايحسش منك بالإلحاح انك لازم تتواصل معانا دلوقتي حالا
2- ابدأ دلوقتي
الكلمة ممكن تبان قدامك انها بتأمر العميل انه ياخد Action لكن في الحقيقة هي كلمة بسيطة وخفيفة
بتلفت الانتباه عشان لو العميل بيقرأ المحتوى ياخد باله انه ممكن ياخد قرار ويتواصل معاك
3- اطلب المنتج النهاردة
كلمة مشابهة لكلمة ابدأ دلوقتي ولكن هي أدق شوية بحيث انك بتوجه الميعاد للعميل انه ممكن ياخد الـ Action النهارده
وديه تعتبر جملة تحفيزية للعميل
4- اعرف المزيد
الكلمة ديه فيها كمية تحفيز كبيرة للعميل اللي بيكون بيقرأ مقالة او قصة كبيرة ويكون عنده الفضول انه يقرأ اكتر
لما تكتب له اعرف المزيد في آخر الكلام
5- سجل عشان تحصل علي … مجاناً
كلمة وجملة تحفيزية وبتثير شغف العميل انه ياخد Action معاك عشان يستفيد من العرض
6- سجل ( دلوقتي ) عشان تحصل علي … مجاناً
الفرق بينها وبين اللي قبلها ان ديه بتثير الفضول اكتر للعميل وبيكون عنده رغبه في الإشباع الفوري
اتجاه المنتج بتاعك والعرض اللي انت بتقدمه
7-ابعتلي المنتج دلوقتي
طبعا انت توهت .. بس هنا انت بتتكلم من منظور العميل نفسه والكلمة ديه بيحس بيها العميل وبيحس بالتقدير
انك بتتكلم بلسانه هو
8- احصل علي فايدة الخدمة (انهارده بس )
الكلمة ديه محفزة جدا وتخلي العميل ياخد Action معاك عشان هو حس من الكلمة ديه ان المنتج نادر ومتحدد له وقت
9- كلمة ( Subscribe now )
الكلمة الأكثر شهرة في كل اللي ذكرناهم وبيستخدموها كل الـ youtubers لزيادة التفاعل على صفحاتهم
وهي كلمة مؤثرة جداً
10- انظر كيف تعمل
كلمة بتسهل على العميل خطوات وقرارات كان ممكن ياخدها .. وكمان بتحتوي العميل بحيث انك وفرت له كل حاجة
11- جرب المنتج
كلمة بتدي ثقة للعميل بجودة المنتج وبتديله الثقة في التواصل معاك في اقصي سرعة
12- احصل على المنتج قبل نفاذ الكمية
الكلمة دي شوفتها في اكيد فى Posts بيعية كتير والكلمة ديه بتزود نسبة التحفيز عند العميل بطريقة مش طبيعية
عشان برضو ساعتها العميل بيحس انه ممكن ما يلحقش المنتج وعلي فكره أكبر الشركات بتستخدم الجملة ديه حتي لو الكمية مش هتخلص ولا حاجة
بس هى بتحفز العميل بنسبة كبيرة جدا
13- احصل على المنتج النهارده وهتحصل عليه .. مجاناً
كلمة مجاناً بتلفت انتباه الناس بسرعة جداً لما تيجي تربطها بميعاد معين انت كده بتقفل علي العميل بتاعك
14- يتوفر فقط .. كذا وكذا
لما بتحدد منتجاتك المتاحة انت كده بتعمل Close علي العميل وده اللي ممكن يخليه يتفاعل معاك بسرعة
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing