أهمية الـ Emojis في الـ Marketing 

أهمية الـ Emojis في الـ Marketing 

معظم الرسائل اللي بنبعتها لبعض سواء كانت على الـ whats أو الـ Messenger بتتفهم غلط ساعات

وده بيكون بسبب انها مش بيكون فيها مشاعر

مقارنة بالحديث اللي بيدور بين اتنين قدام بعض .. عشان ساعتها تعبيرات الوجه والـ context اللي بيكونوا خارجين

بتوضح معاني الكلام اللي خارج .. والموضوع ده مهم جداً في الـ Marketing 

عشان من الأساسيات انك توصل للعميل كل اللي انت عايز تقوله والأهم من ده يكون فاهم كل اللي انت عايز توصلهوله

وفي المقالة ديه هنعرف مع بعض أهمية الـ Emojis في الـ Marketing 

مع تطور الـ Social Media وغياب تعبيرات الوجه اللي كانت مهمة جداً في المحادثات عشان كانت بتوصل

المعلومة 100% كان لازم يكون في بديل في الـ Social Media 

وعشان كده تم ابتكار اختراع جديد يعبر عن الكلام وهو الـ Emojis والخطوة دى وفرت علي ناس كتير حاجات كتير

والأفضل من كده انها خطوة أفادت الـ Marketing كتير جداً

✅ أهمية الـ Emojis في التواصل مع الجمهور 

في عالم كبير اسمه Alpert قال إن 55% من التواصل بيكون غير لفظي

بمعني انه بيكون عن طريق تعابير الوجه والـ context وتون الصوت

غير أنه أكد أن الشخص محتاج 7% بس من الكلمات و 55% تعبيرات غير لفظية

وهنا بيجي دور الـ Emojis في حل مشكلة التواصل

وبالنسبة للـ Emojis فأكدت Lara kim ان الـ Emojis مهمة جداً في الـ Marketing 

لانه بيخليك تقرب من جمهورك اكتر ويقدر يتفاعل معاك بكل سهولة

لانه وصله احساسك واسلوبك في التعبير عن المنتج بتاعك او خدمتك

✅ ازاى بنستخدم الـ Emojis في نجاح الحملة التسويقية 

في شوية خطوات هنعرفها من بعض تقدر من خلالها تنجح حملتك التسويقية من خلال الـ Emojis 

1- تعزيز الـ Post الخاص بيك 

الـ Emojis بيساعد بنسبة كبيرة جداً في نجاح الـ Posts بتاعتك لو انت بتسخدمهم في التوقيت الصح

ومش بس كده .. انت كمان لازم تكون عارف وواخد بالك تختار انهي Emoji بالظبط في كلامك

ومش أي Emoji ينفع تستخدمه مع كل الشرائح

2- لما بتتواصل مع العملاء 

لما بتتكلم مع عملائك او بتشرحلهم المنتج او الخدمة اللي انت بتقدمها وبتحط في كلامك Emoji ده بيخلي العميل

يقرب منك اكتر عشان بيكون وصله كل كلامك .. وعشان كده هي بتساعد في حملاتك الاعلانية

3- توصيل الأفكار بسهولة 

في كتابتك للمحتوي واضافتك للـ Emojis انت بتسهل على جمهورك فهمه للمحتوى

تخيل بمجرد اضافتك للـ Emojis انت وصلت لجمهورك كل اللي انت عايز توصله بنسبة 100%

4- التسويق عن طريق الـ Mail 

استخدام الـ Emojis في الـ Mail بيساعدك في نجاح حملتك التسويقية من خلال الـ Mail 

في تجربة اثبتت ان الناس بتحب تقرأ المحتوى البسيط واللي بيكون فيه Emojis 

علي عكس المحتوي اللي مابيكونش فيه اي Emojis بيكون مافيهوش روح

ومش بيحسسك انك بتتكلم مع شخص

بيتم مشاركة اكتر من 6 مليار Emoji كل يوم .. وده بيعكس اهمية وجوده في كل محتوي

وكمان مش بيقتصر علي الأنشطة التجارية بس .. ده كمان على الشركات والمشاريع

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing