Blog
أهم الخطوات إللي تمشي عليها علشان تبقي Freelancer مهم و مطلوب
- January 7, 2022
- Posted by: admin
- Category: Uncategorized
ناس كتير مابتحبش تشتغل تحت إيد حد ولا بتحب الصحيان بدري و إنها تروح و تيجي من الشغل
هم دول الناس إللي بيفضلوا يشتغلوا كـ Freelancer
بس إنك تشتغل كـ Freelancer دي حاجة مش سهلة و مش من يوم و ليلة بتحصل … خصوصاً لو إنت زيرو خبرة
بتحتاج خطوات تمشي عليها و حاجات تعملها في الأول علشان تبقي مؤهل إنك تبقي Freelancer
علشان كده أنا جي النهارده أسهلها عليك و أقولك علي أهم الخطوات إللي تمشي عليها علشان تبقي Freelancer مهم و مطلوب … حتي لو خبرتك قليلة جداً
1- إعمل Website
أول حاجة لازم تعملها هي الـ Website … مش لازم يبقي Website كبير و مكلف … خصوصاً إن إنت لسة بتبتدي
بس لازم تعمله علشان تحط فيه خدماتك و شغلك و تعرضه للناس
و الأهم إنه حاجة Professional إنك تكون عندك Website
و مش لازم تكون Web Designer علشان تعمله … دلوقتي الكلام ده بقي سهل و بسيط … كل إللي هتحتاجه إنك تدخل الـ Host و الـ Domain بتوعك علي الـ WordPress و هتقدر من خلاله تظبط الـ Website بتاعك بطريقة سهلة و سريعة
2- شوف Freelancing Websites
بعد ما خلاص عملت الـ Website الخاص بيك و روقت عليه … خش و دور علي مواقع خاصة بالـ Freelancing … سواء كانت عربية أو أجنبية
و المواقع دي موجودة كتير زي مثلاً : ( Freelancer و Fiver و FlexJobs ) و مواقع كتير
خش عليهم و هتلاقي ناس كتير طالبة ناس Freelancer يعملولهم شغلهم و في جميع المجالات و بتتحاسب باليوم و ساعات بالساعة كمان
3- إعرض شغلك
لازم تفرج الناس شغلك و جميع أعمالك إللي عملتها قبل كده
علشان كده المفروض تعمل Portfolio و تبقي لامم فيه كل شغلك و سابقة أعمالك و تثبته في الـ Website بتاعك و تعرضها علي عملاء كتير
لإن ده إللي هيحدد إنت مطلوب ولا لأ و ده إللي هيعرف الناس عليك و علي شغلك
و مش لازم تبقي Graphic Designer علشان تعمل الكلام ده
دلوقتي بقي الكلام ده سهل و في Tools كتير تقدر من خلالها تعمل كل حاجة ليها علاقة بالـ Graphics .. زي Canva مثلاً … تقدر من خلاله تعمل Designs كتير لكل الـ Platforms و للـ Website بكل سهولة و For Free
4- إعرض خدمة من خدماتك ببلاش
بص … هو فكرة إنك تقدم خدمة من خدماتك دي مش محبوبة بالنسبة لناس كتير
بس ده مش عيب علي فكرة لما تكون راسي و متمكن من شغلك إنك تعمل عروض أو تقدم خدمتك لأشخاص معينة ببلاش … لإن ده أكيد هيكون محبوب لعملائك و هيزود ثقتهم فيك و حبهم ليك … و بالتالي هتكون Data كتيرة و عملاء كتيرة .. و ده المطلوب
5- إعمل Connect مع الناس إللي في مجالك
تابع الناس إللي في مجالك و إتعلم منهم و إعرف المجال رايح علي فين و إيه الجديد و إيه الأسعار
ممكن تخش علي LinkedIn و تعمل Follow لناس كتير في مجالك و تعرف الكلام ده كله
و برضو تخش علي الـ Facebook و تعرف الناس بعروضك و خدماتك و أسعارك
6- إستخدم الـ Social Media Platforms
كل Platform و ليها جمهورها و ليها الـ Content الخاص بيها و ليها إستهدافها
علشان كده إنت محتاج تشوف عملائك المطلوبين في أنهي Platform بالظبط
و كل ده بيتوقف علي مجالك … لإن كل مجال و ليه الـ Platform بتاعته
بس أنا أنصحك بإنك كمبتدئ تستخدم كل الـ Platforms لإنك لسة بتجمع عملاء و لسة بتجمع Data و محتاج لكل دول
7- إعمل Fake Client Projects
هقولك إزاي
يعني مثلاً تخيل إن في عميل في مجال معين طلب منك تعمله شغل معين
إعمله و حطه في الـ Portfolio بتاعك و إعرضه علي صفحاتك علي الـ Social Media
و ده مش عيب ولا غش … إنت فعلاً بتوري الناس شغلك و إللي تقدر تعمله
و غير كده إنت مش هتقول للناس إن ده شغل عميل حقيقي و فعلاً طلبه منك … إنت هتعرفهم إن ده من خيالك و إن إنت إللي عامله … لإن المصدقية مهمة جداً طبعاً
8- طور من نفسك
شوف إنت كويس في إيه و ماتكتفيش بإنك تبقي بس كويس فيه … خليك مبدع فيه
يعني طور من نفسك فيه و إشتغل عليه كتير و إبتكر كمان فيه
و خلي خدماتك قائمة عليه
سواء كان الكتابة أو الـ Graphic أو الـ Blogging أو الـ SEO أو أياً كان إيه هو
دايماً إطمع في النجاح … النجاح بيحب كده
دول كانوا أهم الخطوات إللي من خلالها تقدر تقدر تبقي Freelancer مهم و مطلوب حتي لو ماعندكش خبرة
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing