Blog
الـ Marketing Plan من أهم الحاجات ده إذا ماكانتش أهم حاجة لازم تتقنها علشان تبقي Professional Marketer
إللي هيميزك عن غيرك من الـ Marketers و إللي هيعرف العميل إنك Professional هو إنك تعمل Marketing Plan ماتخرش المياه و تمشي عليها
علشان كده أنا هكلمك النهارده عن أهم Model ممكن تعرفه و تتعلمه … و هو ” SOSTAC Model “
و SOSTAC هي إختصار لـ ( Situation Analysis و Objectives و Strategy و Tactics و Action و Control )
6 خطوات مهمين لازم تمشي عليهم و كل خطوة مرتبطة باللي قبليها
1- تحليل الموقف ( Situation Analysis )
في الخطوة دي إنت بتحلل موقفك أو موقف العميل بتاعك من السوق … هو مين … بيقدم إيه … هو بالنسبة للسوق إيه .. و مين هم جمهوره … و هيتفاعلوا معاه و مع منتجه أو خدمته إزاي ..
و بتدرسه و بتدرس موقفه بدقة
و طالما جبنا سيرة التحليل … يبقي أكيد لازم نتكلم علي أهم Model في التحليل و هو SWOT Model
و إللي متقسم لـ 4 حاجات مهمين و أساسيين في التحليل و هم ( Strengths و Weaknesses و Opportunities و Threats )
و إللي بيدرس نقاط القوة إللي عند العميل و إللي مش موجودة عند غيره
و برضو نقاط الضعف إللي عند العميل و إزاي نعالجها
و إيه الفرص إللي ممكن تيجي و تبقي في صالحه
و إيه التهديدات إللي بتهدده و بتهدد شغله
2-الأهداف ( Objectives )
خلاص حللت موقف عميلك من السوق و جمعت كل بياناتك إللي محتاجها
لازم بقي تحدد الأهداف إللي مطلوبة علشان تتحقق … و علشان تحددها محتاج تدرسها و تعرفها بدقة
لإنها لازم تكون واقعية … و Achievable مش مستحيلة و في زمن قياسي تقدر تحققها فيه .. مش زمن مستحيل تحققها فيه
و فيه قاعدة إسمها 5S بتعرفك إيه هي أهم 5 أهداف أساسيين .. و هم
1- Sell
2- Serve
3- Speak
4- Save
5- Sizzle
3- الإسترتيجية ( Strategy )
هنا إنت بتبقي مدير فني … بتبتدي تخطط و ترتب و تتوقع
لإن في الخطوة دي إنت بتبتدي تعمل خطة مناسبة ليك علشان تحقق الأهداف إللي إنت حددتها فوق
و تبتدي تجمع بيانات و تشوف أكتر من طريقة علشان تحقق الأهداف دي
و لو في حاجة مش نافعة في الـ Strategy يبقي في مشكلة في الأهداف من الأول .. لإن زي ما قولتلك كل خطوة مترتبة علي إللي قبلها
4- التكتيكات ( Tactics )
و في الخطوة دي إنت بتبتدي تشوف إيه هي الـ Tools إللي معاك إللي تساعدك في عمل الـ Strategy إللي مطلوبة
زي مثلاً العميل ده إي هي المميزات إللي فيه إللي ممكن تلعب عليها و تنميها و تظهرها لعملائه
و إيه هي العيوب إللي فيه إللي محتاج تعالجها و تبعدها عن عيون عملائه بمميزات تانية أهم و أحسن
5- الخطوة ( Action )
هنا بقي بتبدأ إنك تنفذ كل حاجة من إللي إنت حددتها فوق
و تبتدي تطبق كل خطوة في الـ Tactics إللي رسمتها و تخيلتها و توقعتها بدقة بمجهود
6- التحكم ( Control )
الخطوة الأخيرة و الأهم هي الـ Control
لإنك فيها بتراقب و بتشرف علي كل الخطوات والمراحل إللي إنت عملتها قبل كده
و بتشوف فين الغلط و تعالجه و بتشوف هل المستوي إرتفع ولا زي ما هو و بتبتدي تاخد الإجراء اللازم
6 مراحل مهمين بيقدمهالنا SOTSAC Model .. واحد من أهم الـ Models إللي لازم تعرفهم و تمشي عليهم علشان تعرف تعمل Professional Marketing Plan و تبقي Professional Marketer