إزاي تعمل Marketing Team ناجح

لو إنت صاحب شركة و تحت إيدك Marketing Team 

 إزاي تخلي الـ Team بتاعك ناجح 

و إزاي تشتغل أقل بـ Quality عالية و توفر مجهود و وقت و في نفس الوقت يجيلك مردود عالي ؟

بص ، الـ Article دي إعتبرها فضفضة بيني و بينك 

يعني إعتبر إن في عندي شوية كلام محشورين في صدري هقولهملك 

– الـ Content Creation ( الـ Content Creator )

بص يا سيدي ، قولنا في Post قبل كده إن أي حد ممكن يكتب Posts بس مش أي حد ممكن يكون Content Creator 

هقولك بقي ليه

لأن ببساطة يا سيدي الغلطة إللي بنقع فيها هي إننا بنقول طالما إنت بتعرف تتكلم في الحقيقة و طريقتك مقنعة يبقي هتعرف تعمل إللي بيعمله الـ Content Creator

فبالتالي بنخلي أي حد في الـ Marketing Team يكتب الـ Posts 

و ده أكبر غلط ، لأنها مالهاش علاقة بالحقيقة ، و غير كده الـ Content Creator ده راجل عارف هيقول إيه و هيقوله لمين 

و عارف إللي هيقوله ده فيه إضافة للناس و هيفيد الناس ولا ده مجرد كلام و هدفه شوية Likes و خلاص 

عارف إللي بيقوله ده زي ما هيفرق مع الناس هيفرق معاه هو شخصياً ولا لأ

و عارف إللي بيقوله للناس كويس جداً لأنه بيبقي مجربه بإيده كذا مرة قبل كده فبيتكلم عن تجربه من Just For كلام و خلاص يعني

أهي دي أول حاجة يعملها الـ Marketing Team علشان يبقي ناجح

إن كل واحد في الـ Team ليه دوره و ماحدش يجي علي دور التاني ( مش ناقصة هبد والله )

الـ Designs ( الـ Graphic Designer )

نيجي بقي لجزء مهم جداً في الـ Team و هو الـ Graphic Designer 

و إللي بيبقي عليه مسؤولية مهمة جداً و هي جذب إنتباه الجمهور من الـ First look 

لازم شغل الـ Designer لما العميل عينه تقع عليه يوقف Scrooling و يتنح شوية في الـ Design و يجبره يطلع يقرأ الكلام إللي مكتوب فوقيه 

علشان كده لازم تكون أفكاره مختلفة و تشد إنتباه العميل بسرعة 

– الـ Ads ( الـ Marketer ) 

نيجي بقي لأكتر حاجة بتخوف أي Marketer و خصوصاً لو لسة بيبدأ 

الموضوع عليه ضجة كبيرة مع إنه لو ركزنا فيه حبتين هنلاقيه سهل 

المشكلة إللي بتخوف ناس كتير هي عدد الجمهور إللي هيوصله الإعلان 

دايماً السؤال إللي بيجي ، حلو عدد الجمهور ده و لا أزوده حبتين ؟

الفكرة مش في عدد إللي هيوصله الإعلان ، الفكرة في إللي هيتفاعل مع إعلانك أصلاً 

يعني لو إعلانك وصل لـ 10000 واحد و تفاعل منهم 5000 أحسن بكتير من إنه يوصل لمليون واحد و يتفاعل منهم نفس الـ 5000 

علشان كده أنا بقولك مش بالعدد 

– الـ Response Rate ( الـ Moderator )

من أهم الحاجات إللي لازم تاخد بالك منها في الـ Social Media هي الـ Response Rate علي الـ Engagement إللي بيجيلك و إللي بيبقي مسؤول عنه الـ Moderator 

لأن ده إللي بيبين للناس و للـ Facebook كمان العلاقة بينك و بين جمهورك 

زي ما قولتلك قبل كده هرجع أقولك تاني ، إنت لو جيت تنادي عليا و أنا شايفك و سامعك و مابردش عليك 

أكيد هتزعل مني و مش هتتعامل معايا تاني 

نفس الكلام بالنسبة لجمهورك

لو عملك Comments أو باعتلك رسائل و إنت ماردتش يبقي إنت بتقوله بشياكة ( ماتتعاملش معايا تاني و إتكل علي الله من هنا ) 

طيب و بالنسبة للـ Facebook ؟

بالنسبة للـ Facebook هيقلل الـ Reach بتاعك و بالتالي هتواجه صعوبة في إنك تجيب جمهور جديد 

لأنه شايف إن الـ Response Rate بتاعك في الأرض 

فبالتالي إنت واحد مش بيقدر جمهوره يبقي ليه أوصلك بجمهور تاني أصلاً ؟! 

بس كده ، طبق الكام حاجة دول مع الـ Team بتاعك و شوف الإختلاف إللي هيحصل و إدعيلي 

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing