إيه هي أخطاء التسويق ؟؟

إيه هي أخطاء التسويق ؟؟

في كتير من أخطاء التسويق من خلال الـ Social Media

اللي بيرتكبها البعض من متخصصي التسويق الإلكتروني أو اصحاب

الأنشطه والعلامات التجاريه المختلفه, واللي بتسبب فشل العملية التسويقيه.

وفي المقالة ديه هنتعرف مع بعض علي إيه هي أخطاء التسويق ؟؟

تتمثل الأخطاء في:

1_ عدم وضع استراتيجة واضحه للتسويق من خلال الـ Social Media :

من أكبر اخطاء التسويق من خلال الـ Social Media ان كتير من الأنشطه التجارية و خاصة الناشئه ما بتحطش إستراتيجة

و أهداف واضحه ومحددة من البداية للتواجد علي منصات التواصل الاجتماعي .

وده يعتبر من أسباب فشل التسويق من خلال الـ سوشيال ميديا.

عشان كدا لازم تحط أهداف واضحه ومحددة من البداية.

للتواجد علي منصات التواصل الاجتماعي والتسويق من خلالها زي مثلاً :

1_ عايز تزود الوعي بنشاطك وعلامتك التجاريه.

2_ عايز تجذب أكبر عدد من عملائك المحتملين.

3_الوصول لأسواق متعددة.

4_زيادة مبيعاتك وأرباحك.

5_التواصل مع عملائك وتحسين مستوي خدمة العملاء او غير ذلك من الأهداف.

وده علشان ما تعملش إعلان بشكل عشوائي

يؤدي الي فشل كبير نتيجة عدم تحديدك لأهدافك بشكل واضح.

2_ عدم معرفة جمهورك المستهدف جيداً :

من أشهر الأخطاء اللي بتحصل ان البعض ما بيحددش بشكل جيد مين الجمهور.

اللي عايز بيخاطبه من خلال المنصات ويروج لخدماته ومنتجاته.

1_مين هو جمهورك المستهدف وتقسمهم إلي

( الإهتمامات التحديات, المشاكل اللي بتواجهه المستوي التعليمي\الوظيفي العمرالجنس الحالة الأجتماعية مواقعهم الجغرافي).

عدم معرفتك بالمعلومات الكافيه عن جمهورك بيخليك مش عارف الجمهور.

عايز ايه منك او ايه هي تطلعاته من مشروعك وكل ده بيؤدي الي إعلانات بدون جدوي بدون اهتمام او تفاعل.

عشان كدا قبل ما تبدأ في التسويق من خلال الـ Social Media لازم تسأل نفسك:

2_المنصات اللي بيتواجد عليها جمهورك المستهدف وبيقضي عليها أطول وقت.

3_المبالغه في الترويج لنشاطك التجاري:

البعض بيقوم بالمبالغه في الترويج او الإعلان عن منتجاته أو خدماته.

ظناً منه ان الطريقة دي بتخلي جمهورك يحس بالملل من كثرة الإعلانات عن منتجاتك أو خدماتك ويفر منك.

عشان تخلي جمهورك المستهدف مهتمين باللي بتقدمه طوال الوقت, ممكن تطبق قاعدة 20\80.

بحيث يكون 20% من المحتوي الخاص بك عن الإعلانات.

ويكون 80% من المحتوي الخاص بك يجب أن يكون مفيد وبيقدم قيمة مضافه لجمهورك المستهدف أو حلول لمشاكلهم.

عشان يتفاعلوا معاك ويبقوا دايماً مستنين المزيد منك.

4_ عدم التفكير في كل منصة لوحدها.

من أكبر الأخطاء هي نشر نفس المحتوي علي جميع منصات التواصل الأجتماعي

الخاصة بها بدون مراعاة نقاط القوة التأثيرية فيها والقواعد الخاصه بها.

لأن لكل منصة مميزاتها و أدواتها التسويقيه والجمهور الخاص بيها.

عشان كدا لازم تعرف القواعد الخاصة لكل منصه وتختار الأنسب لأهدافك وجمهورك.

5_ تقليد الأخرين:

من أكبر الأخطاء اللي ممكن تخلي إعلاناتك تفشل, هو أنك تقلد أفكار المنافسين في نفس مجالك.

وتقدم إعلانات مكرره بشكل مستمر لنفس الجمهور. وبالتالي عدم الابتكار والتجديد بيؤدي لـ فشل إعلاناتك.

6_ عدم تتبع نتائج حملاتك التسويقية:

من الأخطاء بردو اللي بيغفلها البعض هو عدم تتبع نتائج الحملات الإعلانيه

اللي نزلتها علي منصات التواصل الإجتماعي علي إختلافها.

وبالتالي ما بيعرفش اذا كانت الحمله حققت الهدف أو لا او ايه الاخطاء اللي ممكن تتفادها في الحمله الجايه.

ولحسن الحظ ان التسويق الإلكتروني بيحققلك أدوات

تستخدمها لمعرفة أداء حملاتك الإعلانيه زي (Facebook Insights_ Google Analytics)

7_تجاهل ردود أفعال جمهورك حول علامتك التجارية :

وسائل التواصل الأجتماعي من أفضل الطرق للدخول في حوار مع عملائك المحتملين.

عشان كدا أنك تتجاهل ردود أفعالهم والشكاوي هضيع عليك فرص كتير قدام نجاح علامتك التجاريه.

عشان كدا لازم تظهر الإهتمام لعملائك طوال الوقت.

وترد بسرعة علي تعليقاتهم عشات تنال رضاهم وولائهم تجاه علامتك التجارية.

8_عدم متابعة الأحداث الرائجة Trends :

من أكبر الأخطاء بردو عدم متابعة الأحداث الرائجة الـ Trends .

وبالتالي بتضيع كتير من فرص التفاعل الجمهور مع العلامة التجارية.

عشان كدا لازم تكون علي إطلاع دايم علي الاحداث اللي بتحصل حواليك

وتحاول تستغل الاحداث لصالح نشاطك أو علامتك التجارية.

ويمكنك استخدام ” Google Trends” في متابعة الأحداث الرائجة في بلد أو مكان معين.

9_عدم تتبع منافسيك :

تجاهل المنافسين وعدم تتبع سلوكهم علي منصات التواصل الأجتماعي والاستراتيجة

اللي بيستخدموها في إعلاناتهم علي المنصات المختلفه وطريقة تفاعلهم مع الجمهور

من الأخطاء الشائعه والمنتشره واللي بتأثر سلباً علي العلامة التجارية.

عشان كدا من المهم أنك تعرف مين منافسيك اللي ليهم تواجد علي منصات التواصل الأجتماعي

وبيسوقوا لمنتجاتهم من خلالها.وتعرف ايه هي نقاط قوتهم وازاي تستفيد منها وايه نقاط الضعف

اللي تتجنبها كل الأمور دي بتساعدك بشكل كبير لما تيجي تحط استراتيجية تسويقيه.

10_عدم حث جمهورك علي إتخاذ إجراء:

بعض الناس بتغفل عن تضمين CTA واضح داخل إعلاناته

علي منصات التواصل الإجتماعي وهو الإجراء

اللي انت عايز جمهورك ياخدوه بعد ما يشوف إعلانك او المحتوي بتاعك.

عشان كدا لازم تهتم بوضع CTA لأن غيابه هيؤدي لفشل إعلانك.

في النهاية:

دي كانت من أبرز الأخطاء الشائعه في التسويق من خلال الـ Social Media

ومعرفتك للأخطاء دي هيساعدك بشكل كبير أنك تتجنبها لتحقيق أهدافك التسويقيه

ونجاح مشروعك أو علامتك التجاريه علي الـ Social Media.