اختيار الالوان في التسويق

اختيار الالوان في التسويق

✅ ما هو فن أختيار الألوان في التسويق:

تفتكر كام مرة اشتريت ملابس أو منتجات من السوبر ماركت أو اي حاجة من غير ما تحس لمجرد أن شكلها

أو ألوانها عجبتك و أشتريتها عشان حسيت براحه نفسيه؟

والسبب هنا بيرجع لسيكولوجية الألوان.

✅يعني إيه سيكولوجية الألوان ؟

هي التأثيرات النفسيه والذهنية والعاطفيه اللي بتسببها الألوان علي عقلك. وأثبتت الدراسات النفسية لعلماء في مجال علم النفس

أن الألوان مش مجرد حاجات بتشوفها وخلاص. ولكن تأثيرها كبير جداً وبتوصل لأعماق النفس البشرية .

ففي منها ألوان إيجابيه بتأثر عليك بالإيجاب وبتعبر عن الراحه والفرح والبهجه. وفي منها ألوان سلبيه بتأثر عليك بالسلب

وعلي مشاعرك وبتسببلك قلق وتوتر واضطرابات نفسيه وحزن. كمان بتأثر بشكل واضح علي حالاتك المزاجية والصحيه .

يعني تقدر تقول ان لما بتستخدم لون معين في التواصل مع عملائك فأنت يتوصل رساله معينه عن طريق اللون ده.

عشان كدا لازم انت كمسوق تكون علي درايه كاملة بسيكولوجية الألوان

عشان تقدر تطبقها بشكل صحيح في العملية التسويقيه بتاعتك .

✅إيه هي بقي سيكولوجية الألوان دي وعلاقتها بالتسويق والإعلان:

أنت عارف ان الألوان من أهم الجوانب التسويقيه المهمه والمؤثرة في عالم التسويق؟

و ده بناءاً علي أبحاث ودراسات اثبتت ان الالوان هي أول حاجة

بتلفت نظر العميل للبراند بتاعك وأن اكتر من 90% من المستهلكين بيركزوا

علي الشكل البصري قبل ما ياخدوا قرار بالشراء و 70%

بياخدوا القرار بناءاً علي اسم البراند نفسه ووجودة وثقتهم في.

العميل اللي بيقرر يختار البراند بتاعك أنت دوناً عن كل منافسيك,

ده لأنه بيثق فيك وفي المنتج أو الخدمة اللي بتقدمها له.

وبياخد قرار الشراء بناءاً علي كدا. عشان كدا استخدام لون معين

في التسويق لمنتجاتك له تأثير كبير علي اسمك وعلي الـ Prand

بتاعك ومدي انتشارك وان الناس تعرف الـ Prand ايه وبيتكلم عن ايه.

والالوان هي السبب الرئيسي اللي بيخلينا نربط منتجات كتير في عقولنا بألوانها,

أو مثلا لما نشوف اللون ده تفتكر الـ Prand ده.

حتي لو الشعار مش موجود مجرد رؤية الألوان بيفكرك بالـ Prand ,

او تفتكر شركة او مصنع او حتي موقع الكتروني بيستخدم اللون ده.

ازاي بقي تختار لون يناسب البراند بتاعك؟

أولاً:

لازم تفهم الاحساس اللي عايز توصله لعميلك اوان الجمهور المستهدف يحس بيه او يشوف البيدج بتاعتك دي ازاي او موقعك او علامتك التجارية ازاي.

ثانياً:

لازم تاخد وقتك في الاختيار بين الالوان اللي انت عايزها توصل لعميلك

ثالثاً:

ما تفضلش تغير لون علامتك التجاريه كل شويه لأن ده هيقلل من احتمال وصولك لعميلك المستهدف.

رابعاً:

لازم تتعلم دلالات بعض الألوان في التسويق وتأثيرها عشان تقدر تعرف هتعمل ايه ومحتاج انهي لون اكتر .

لسه في تفاصيل كتير محتاج تتعلمها وتعرفها عن اختيار الالوان في التسويق.