ازاي تخلي الناس تقرأ مقالتك كاملة 

ازاي تخلي الناس تقرأ مقالتك كاملة 

مع مرور الزمن بتكتشف ان الناس كلها على مستوى العالم بقيت مشغولة انا مشغول وانت كمان مشغول 

تخيل انك بعد ما تكتب مقالة طويلة عريضة و تبذل فيها مجهود كبير وتختار كلامك بعناية 

وفي الأخر ماتلاقيش في تفاعل على المقالة اللي انت كتبتها 

وتستغرب ياتري ليه ؟؟ 

في احصائيات بتقول انك هتلاقي قلة قليلة جداً اللي هتلاقيها ممكن تتفاعل مع مقالاتك 

وعشان كدة .. تعالي أقولك ازاي تخلي الناس تقرأ مقالتك كاملة 

وجمهورك علي الصفحة هتلاقيه نوعين 

1- نوع بيشوف عنوان المقالة وبيقلب

2- نوع بيشوف أول جملة وبعدين يروح على نهاية المقالة عشان يعرف بس بتتكلم عن ايه

الناس مع مرور الزمن بقيت بتشعر بالملل في قراءة أي شيء طويل وعشان كده مش هتلاقي مردود علي مقالاتك 

طب ايه خلاص نيأس كده ؟؟ لا ماتيأسش تعالي أقولك تعمل ايه 

خلينا نعرف الأول .. ايه سر تفاعل القراء ؟؟ 

خلينا عارفين ان مش كل جمهورك مهتم بمقالاتك وأنهم قلة زي ماقولنا فوق 

طب عشان تحافظ على القلة ديه وكمان تزودهم تعمل ايه ؟؟ 

لازم تكون مهتم باكتر حاجة هما بيدوروا عليها وتبدأ تتكلم عنها 

والمشكلة مش هنا .. المشكلة في انك ازاي تتكلم عنها 

✅ اختصر كلامك 

لما تيجي تكتب مقالة .. حاول تختصر السطور وفي كلامك في المقالة 

عشان زي ما قولتلك القراء مع تقدم التكنولوجيا خلق عندهم عدم التعمق في معظم الـ Posts الطويلة 

لو عرفت تخلي الجمهور يقدر يقرأ أول 3 أو 4 جمل هيقدر يكمل الباقي 

✅ احكي لهم قصة 

اكتشف Alex Turnbull ان المقالة اللي بتحتوي علي سرد قصص بيكون عليها اقبال كبير من الجمهور 

لانه ببساطة بيدور علي الحاجات المختلفة اللي تشده وتلفت انتباهه وكمان تكون جديدة 

عشان كده انت لازم كل فترة توصل المعلومة عن طريق سرد قصة وتكون مشوقة 

✅ حافظ على تنظيم المقالة 

الناس فجأة ممكن تتقفل من المقالة بتاعتك بمجرد انك مش عارف تنظم كتابتك للمقالة 

لازم تكون عارف ازاي تنظم المقالة بتاعتك بحيث انك تكون حريص على أن كل جملة تشد انتباه جمهورك 

وبحيث انهم كل ما يقرأوا جملة يكون عندهم الفضول يكملوا قراءة لغاية مايخصلوا المقالة 

✅ لازم جمهورك يفهم انت بتقول ايه 

وهنا انا بقصد اقولك انك تحاول تتواصل معاهم كأنهم أطفال صغيرة .. حاول تبسط لهم المعلومة او القصة 

عشان متخليش الجمهور يبذل مجهود أنه يقرأ مقالة هو في غنى عنها او مش مجبر انه يكملها 

عشان تخليه يكمل ويقرأ المقالة لازم تبسط له كل جملة انت بتكتبها عشان يكون بيقرأ المقالة وهو مرتاح 

مش محتاج يرجع يشوف جملة فاتته أو جملة مافهمهاش 

حاول تكون مترقب كل خطوة بتعملها 

✅ طول المقالة 

في ناس تقولك لازم تبقي المقالة قصيرة عشان ماتطولش علي الجمهور بتاعك 

لا مش شرط .. طول مانت ماشي علي خطوات انك ماتخليش العميل يتقفل منك 

لو اتكلمت من هنا لتاني يوم هيكون مستمتع باللي انت بتكتبه 

عشان هو كل غرضه انه يستمتع بالحاجة اللي بيتعامل معاها

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing