ازاي تعرف المواعيد اللي تنزل فيها شغلك 

ازاي تعرف المواعيد اللي تنزل فيها شغلك 

أي Marketer بيكون دايماً حريص على انه ينزل شغله أول بأول

وكمان بيكون عايز يستغل كل منتج أو كل معلومة جديدة عشان ينزلها لجمهوره

بس ياتري .. ازاي تعرف المواعيد اللي تنزل فيها شغلك ؟؟

سؤال زي ده مهم جداً عشان تعرف توصل لجمهورك

مش معني انك بتنزل شغلك أول بأول وخلاص يبقي جمهورك كله بيشوفه

في مواعيد لازم تكون عارفها وتستغلها عشان تقرب اكتر واكتر لجمهورك

✅ ياتري .. كام مرة بينزلوا الـ Marketers شغلهم ؟؟ 

في إحصائية بتقول إن 34% من الـ Marketers بينزلوا شغلهم كذا مره في الأسبوع

و33% بينزلوا مرة  واحدة بس في اليوم و13% بس اللي بينزلوا شغلهم اكتر من مرة في اليوم

و 10% بينزلوا مرة في الأسبوع و 6% بينزلوا كذا مرة في الشهر و 4% شغلهم بينزل بس مرة كل شهر

بس ياتري بقي .. ايه اللي بيكون اكتر فاعلية وبيجيب مردود كويس ؟؟

بيقولك يا سيدي ان الناس اللي بتنزل شغلها مرة واحدة بس في اليوم ان المردود بيكون اكتر فاعلية

بس الغريب ان الناس الي بتنزل شغلها كذا مرة في الاسبوع بيكون برضو اكتر فاعلية

وفي جزء منهم قال انه غير فعال

ومع ذلك عدد المرات بيختلف علي تواجد جمهورك في الوقت ده وهل ياتري يسمح او لا

✅ كام مرة هتحتاج تنزل شغلك ؟؟ 

عشان تعرف كام مرة هتحتاج تنزل فيها شغلك امتي .. اول حاجة لازم تكون دقيق في شغلك

وعارف كويس اوي ايه اللي ينزل وايه ماينزلش

عشان تعرف أداء المحتوي بتاعك وايه هو سلوك جمهورك

ولما تعرف ده هيكون عندك تحليل شامل عن جمهورك وساعتها هتعرف تنزل شغلك امتى بالتحديد

✅ كام مرة بيحتاجوا ينزلوا الـ Marketers الـ Blogs ؟؟ 

عدد المرات اللي الـ Marketers بينزلوا فيها الـ Blogs ده يترتب على أهدافهم هما

علي سبيل المثال .. لو هدفك الرئيسي هو انك تزود عدد الـ Traffic 

فلازم يكون الـ Blogs بتاعتك تنزل علي قدر الإمكان

وبالنسبة للـ Blogs الصغيرة ممكن تنزل من 3 لـ 4 مرات في الإسبوع

والـ Blogs الكبيرة من 4 لـ 5 مرات في الإسبوع

ولو هدفك زيادة الوعي بالـ Brand بتاعك فأنت مش هتحتاج انك تنزل Blogs كتير

هتحتاج بس تقدم حاجة كويسة ومفيدة للجمهور وانك تركز على ده اكتر

✅ كام مرة بيحتاجوا ينزلوا الـ Marketers شغلهم علي الـ Social Media  ؟؟ 

الشغل اللي بينزل علي الـ Social Media بيعتمد علي شغلك الأساسي

بمعني Twitter بيحتاج منك انك تنزل شغلك بإستمرار عشان بيكون تسلسلي

وبالنسبة للـ Facebook فاكتشفوا انك لما بتنزل شغلك اكتر من خمس مرات في الأسبوع

ده بيقلل عائد الإستثمار عندك بشكل كبير جداً

وعشان لكل قاعدة شواذ في Platform زي الـ TikTok بتحتاج انك تنزل من 3 لـ 4 مرات في اليوم

✅ كام مرة بيحتاجوا ينزلوا الـ Marketers الـ Videos ؟؟ 

بالنسبة للـ Videos ده بيعتمد اعتماد اساسي على نظامك الأساسي

ولكن لازم تنتبه كويس اوي للمحتوى اللي هتنزله في الفيديو

عشان الفيديو أسرع وسيلة توصل بيها لجمهورك

فلازم تركز كويس اوي في المحتوي اللي هتوصله لجمهورك

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing