العرض والطلب

العرض والطلب من أهم الحاجات اللي بتأثر في اقتصاد السوق

عشان سعر أي سلعة بيتأثر بشكل مباشر بالعرض والطلب

طب إيه هو العرض وايه هو الطلب ؟؟

 – الطلب هو كمية المواد والسلع اللي بيستخدمها المستهلكين وبيشتروها بسعر معين خلال فترة زمنية معينة

– العرض بيكون الكمية اللي بيعرضوها المنتجين للمستهلكين وبيكون علي حسب رغبة المنتجين بيعرضوا قد إيه من المنتج وبسعر معين

ونظرية العرض والطلب بتقوم علي إن كل ما العرض كان منخفض والطلب كبير بيزيد من سعر السلعة والعكس صحيح لو كان العرض كبير سعر السلعة بيقل

وسعر السلعة بيتحدد من خلال التوازن بين الكمية المطلوبة من السلعة واللي بيطلبها المستهلكين و الكمية المعروضة من التجار

وطبعا بيتأثر العرض والطلب بعوامل زي مثلا الطلب بيتأثر بجودة وتكلفة المنتج

والعرض بيتأثر بقدرة الإنتاج نفسها وتكاليفه والعمالة وعدد وقوة إنتاج المنافسين

و التأثير ده بيكون واضح جداً في ارتفاع في سوريا علي سبيل المثال

في السنوات الأخيرة بسبب الحروب

وعلى سبيل المثال تآني على حركة الـ Social Media وارتفاع سعر الدولار واللي أثر بشكل كبير عليها من حيث الإعلانات

✅ منحنى العرض والطلب 

في نظرية العرض والطلب بيتم توزيع الموارد على الأسواق بأحسن طريقة بحيث إنها تناسب الطرفين المنتجين و المستهلكين 

وبيتم التحكم فيه  من خلال قانوني بيوضحوا المنحنى 

1- قانون الطلب  : وده بينص علي إنه لما سعر المنتج يرتفع بيقل الطلب عليه

 عشان المستهلك بيكون شايف السعر كبير على المنتج وغالي وبالتالي بيروح يدور على منتج مشابه بسعر قليل

والقانون ده بيوضح إن منحنى الطلب بيميل لتحت وده بيوضح لنا في حالة زيادة السعر بيقل الطلب والعكس صحيح وجع معناه إن العلاقة بين الطلب والسعر عكسية

2- قانون العرض  : وده بيوضح كميات المواد والخدمات المطلوبة في السوق لما بتتوفر بسعر معين

وقانون العرض بيكون عكس الطلب وبيميل لفوق وكل ما سعر المواد أو الخدمة في السوق يرتفع الطلب بيقل وبالتالي بترتفع الكمية المتوفرة فى السوق

وده بيوضح لنا إن الشركة المنتجة بتعرض كمية أكبر من البضائع في السوق لما السعر بيعلي بحيث إن من وجهة نظرهم إن البيع بسعر اعلى بيزود أرباحهم

✅ العلاقة بين العرض والطلب تجارياً

بعد لما وضحنا منحنى العرض والطلب هندي مثال بسيط يوضح إزاي العرض والطلب بيأثر على السلعة في السوق

لو فرضنا إن في شركة موبايلات نزلت موبايل جديد بسعر 1000 دولار والشركة عارفة كويس جداً إن الناس مش بتفضل إنها تشتري موبايلات بسعر عالي

وعشان كده نزلت 30 قطعة بس في السوق.. طب لو فرضاً الـ 30 قطعة اتباعوا.. فنظرياً سعر الموبايل هيزيد ” لأن زيادة الطلب معناه زيادة السعر و إنخفاض الكمية في السوق “

وانخفاض الكمية في السوق ده معناه إن السلعة مطلوبة وده اللي بيشجع الشركة إنها تنزل تاني وده حسب القانون ما بيقول ” ارتفاع السعر معناه ارتفاع كمية السلعة “

✅ ممكن يحصل حالة توازن في السوق ؟

ممكن تحصل حالة توازن لو منحني الطلب تقاطع مع منحنى العرض بمعنى إيه ؟؟

بمعني إن لو الشركة نزلت منتجاتها بسعر يلائم المستهلك يبقى للشركة هتبيع كل منتجاتها و و المستهلكين هياخدوا اللي هما عايزينه والطرفين هيكونوا في حالة رضا تام

وعشان كده لازم يحصل توازن بين العرض والطلب عشان يحصل استفادة بين المستهلك والمنتج وعشان حركة التجارة تحصل سواء Online أو Offline

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing