الـ Content و نجوميته

الـ Content يعتبر هو أهم جزء في الـ Post كله 

لأن هو اللغة إللي بينك و بين جمهورك و هو إللي جمهورك بيعرفك و بيعرف شخصيتك من خلاله 

أي حد لما تيجي تكلمه بتكون طريقة كلامه معاك و كلامه نفسه هو إللي هيحدد الشخص ده هيبقي فين من حياتك 

و هي إللي بتحدد هتكمل كلامك معاه أصلاً ولا لأ 

نفس الكلام بالنسبة للـ Content إللي بتقدمه لجمهورك 

لأن الـ Content إللي بتقدمه لجمهورك لازم يخلي جمهورك مؤمن بيك و يثق فيك و يستني ميعاد الـ Posts بتاعتك بفارغ الصبر 

كأنك نجم مشهور و ليك معجبينك و متابعينك كتير جداً و كلهم مستنينك تنزل ألبومك الجديد بفارغ الصبر 

أهو شايف التخيل ده ، ماتستبعدهوش ، لأنك لازم فعلاً تبقي نجم جمهورك المفضل في مجالك 

و ده مش مستحيل علي فكرة ولا حاجة ، ده بس عايز شوية حاجات تعملها في الـ Content و هتبقي نجم جمهورك مرة و التانية

لحد ماتفضل نجم و ماتنزلش من المكانة دي خالص 

بس إللي تعمله في الـ Content مايكونش بس في الـ Content 

لا ده لازم تطبقه و يبقي في الحقيقة كمان ، يعني ماينفعش تبقي بتقول حاجة و بتعمل عكسها 

المهم ، تعالي أقولك علي الحاجات إللي محتاجها في الـ Content بتاعك علشان تبقي نجم جمهورك 

1- ماتترجمش و خلاص 

ماينفعش تعلم جمهورك حاجة أو تقولهم حاجة إنت نفسك مش عارفها 

يعني مثلاً ماتجيش تقولهم النهارده هنتكلم عن إزاي تعمل ( كذا )  ، و إنت أصلاً مابتعرفش تعمل ( كذا ) دي  

هتقولي طيب ما أروح أترجم من مقالة تانية ، هقولك لأ 

لأنك لازم تبقي عارف و فاهم إنت بتعلم جمهورك إيه 

و الحاجة إللي بتقولها ليهم تبقي عارفها و عملتها كذا مرة لحد ما تتحفر في دماغك علشان تعرف تحفرها في دماغ جمهورك 

لأنك لو ترجمتها أو جبتها من حد تاني و جيت نقلتها لجمهورك هيبان و ثقتهم فيك هتقل جامد ، و لو خسرت ثقة جمهورك هتخسر كل حاجة 

و يا حبذا بقي لو عرفتها من مكان تاني و درستها و إتعلمتها و زودت عليها ، بس طبعاً في نطاق الصح ( ما أفتيتش يعني ) ، و جيت علمتها لجمهورك 

كده إنت صح و صح جداً كمان 

2- إعرف إنت بتخاطب مين 

جمهورك كله مش نفس الـ Type و مش نفس الشخصية 

علشان كده لازم الـ Content إللي بتكتبه مايبقاش عام و شامل كل الناس 

لأن كل واحد فيهم هيبقي حابب إنه يحس إنك بتكلمه هو بشخصه 

و ده بيقودنا إنك لازم تعرف جمهورك كويس جداً و تعرف شخصيتهم عاملة إزاي علشان تعرف تقدملهم Content في الجول 

3- حل مشاكل جمهورك 

تأكد قبل ما تكتب أي حاجة لجمهورك إن إللي هتكتبه ليهم ده هيحللهم مشكلة واقفة قدامهم 

يعني لازم تكون عارف إيه المشاكل إللي بيواجهها جمهورك و تعرف حلها و تحلها ليهم 

لأن ده إللي هيكسبك ثقة جمهورك إللي إتكلمنا عليها من شوية 

4- نوع من شكل الـ Content 

التنوع مطلوب علي فكرة و ليه فائدتين 

الأولي إن الموضوع هيبقي أسهل عليك إنت لأن في أشكال للـ Content هتبقي أسهل عليك و أوفر و مؤثرة أكتر ، زي الـ Video Content مثلاً 

و التانية علشان جمهورك نفسه مايزهقش و يمل من الطريقة إللي بتقدمله بيها الـ Content 

و التالتة دي بقي من عندي ، إن زي ما قولتلك من شوية إن جمهورك مش كله واحد .. جمهورك مختلف 

علشان كده مش كله هيحب الطريقة إللي بتقدم بيها الـ Content ، هتلاقي شوية يحبوها و شوية تانيين لأ 

فإنت كده ضامن إنك ترضي جميع الأطراف 

خطوات بسيطة تعملها ، بس تأثيرها عليك و علي جمهورك هيكون مختلف و إيجابي 

و لو في حاجات صعبة شوية معلش .. لأن النجومية مش ببلاش برضو 

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing