الـ Engagement و نجاحك

الـ Engagement 

هو هدف من الأهداف إللي كل الصحفات بتسعي وراه 

تلاقيه مافيش حد علي الصفحة عنده و لسة عامل Create للصفحة حالاً و أول حاجة يعملها إنه يدور علي الـ Engagement و مستغرب ليه مافيش تفاعل علي الصفحة … طيب إزاي .. عايز حضرتك تقنعني إزاي ؟؟ 

مانت مافيش حد عندك علي الصفحة أصلاً 

المهم مش ده إللي جي أكلمك فيه أصلاً ، أنا جي أقولك إزاي تزود التفاعل علي صفحتك من غير ما تعمل إعلانات و تدفع فلوس ( Paid ) ، إزاي تزوده طبيعي من غير فلوس ( Organic ) 

– أول حاجة … إيه هو التفاعل ( Engagement ) 

من الآخر هو أي Action بياخدها الشخص إللي بيشوف الـ Post بتاعك أو الإعلان 

سواء كانت ( Like , Comment , Share , Save Post , و أي Click بيدوسها علي الـ Post ) 

و الـ Engagement هو الهدف إللي كل الصفحات بتسعي وراه 

و ده بسبب إن مقياس نجاح صفحة علي الـ Social Media هو الـ Engagement مش الـ Followers 

لأن ممكن أعمل Create لصفحة و أملاها Fake Followers و يبقي عندي عدد كبير جداً من الـ Followers 

بس مافيش أي تفاعل ، علشان كده زيادة عدد الـ Followers مش هو مقياس النجاح 

علشان كده الـ Engagement هو مقياس النجاح لأي صفحة … و علشان كده هو الهدف إللي بتسعي وراه كل الصفحات 

– طيب إزاي تزود الـ Engagement في الصفحة الخاصة بيك ؟

في أكتر من حاجة ممكن تعملها علي الـ Social Media علشان تزود بيها الـ Engagement علي الصفحة الخاصة بيك 

1- حلل التفاعل الخاص بيك دلوقتي 

أول حاجة لازم تعرفها هي معدل التفاعل الخاص بيك حالياً قد إيه بالظبط 

لأن ماينفعش تبدأ و إنت أصلاً ماتعرفش إنت بيتفاعل معاك قد إيه من الجمهور 

شوف إنت عندك كام Follower و متوسط التفاعل علي الصفحة كام و إكتب كل ده و خليه معاك 

خش علي الـ Insights الخاصة بالصفح بتاعتك و هتعرف كل ده

2- إختار الـ Strategy إللي هتمشي عليها 

الـ Strategy دي بتختلف من مجال لمجال 

يعني علي حسب مجالك هتكون الخطة إللي هتمشيي عليها علشان تزود الـ Engagement 

بس أياً كان مجالك ، لازم تعمل حاجة من الـ 4 حاجات دول :

– إنك تغير من شكل الـ Brand الخاص بيك في عين جمهورك للأحسن ، إعمله Refreash كده

– أو تطور من الـ New Customer Leads

– أو إنك تجمع ملاحظات عن المنتجات الجديدة إللي بتقدمها أو الخدمات 

– و في الآخر ، إنك تضيف Value لجمهورك و تثقفهم بمعلومات كتير في مجالك ، و هنا إنت هدفك مش البيع 

3- إعرف جمهورك كويس 

بالعقل كده ، هل ينفع تكون إنت عايز تزود الـ Engagement علي الصفحة و إنت أصلاً مش عارف مين جمهورك ولا تعرف أي حاجة تخصه ؟! 

أكيد لأ 

زي بالظبط كده لما قرر تشتري عربية ، قبل ما تشتريها لازم تتفرج علي Reviews الدنيا و الآخرة علشان تعرف كل حاجة عنها قبل ما تشتريها 

نفس الكلام مع جمهورك ، ماينفعش تبقي طالب من جمهورك إنهم يتفاعلوا معاك و إنت أصلاً ماتعرفهمش 

و معرفتك بجمهورك هيسهل عليك حاجات كتير زي مثلاً :

– إنك تعرف هم موجودين علي أنهي Platform و تبتدي تشتغل عليها 

– تعرف هم بيبقوا Active في أنهي وقت و تبتدي تنزل فيه Posts 

– هتعرف إيه نوع الـ Content المفضل ليهم فبالتالي هتبتدي تشتغل علي النوع ده 

دول كانوا شوية خطوات سهلة ، إعملها و طبقها هتلاقي التفاعل علي صفحتك في تزايد مستمر … و بكده أقدر أقولك مبروك علي نجاح صفحتك 

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing