Blog
الـ Infographics
دايماً الناس بتعتمد على الوسيلة الأسرع في توصيل المعلومة
وعشان كده بيحاولوا دايما بشتي الطرق إنهم يوصلوا للعميل أو الجمهور
بطريقة Simple وسهلة
فلو إنت بتفكر إزاي توصل لجمهورك أو إزاي توصل المعلومة أسرع لجمهورك
فهيكون الـ Infographics هي وسيلتك الأسرع
✅ إيه هو الـ Infographics. ؟؟
معنى كلمة Infographics جايه من كلمتين وهما Information و Graphics يعني من خلال صورة أو رسمة تقدر توصل معلومة بشكل مبسط وجذاب في نفس الوقت وهما دول الكلمتين اللي اشتقت منهم الكلمة
أكيد صادفت معاك إنك شوفت صورة وقدرت تفهم المقصود منها أو فهمت منها المعلومة اللي عايزة توصلها لك
والصورة ديه ممكن تكون لمنتج أو خدمة أو موضوع معين في مكان معين
بس الأهم من ده ساعتها ماخدتش بالك إن ده Infographics
العنصر الجذاب في الانفوجرافيك واللي بيميزه عن أي صورة تقليدية هو اختيار الألوان والتصاميم والعبارات والأساليب المميزة
عشان تقدر تجذب انتباه الجمهور المستهدف
✅ تاريخ الـ Infographics
يعتبر وجود الانفوجرافيك بمفهومه العام موجود من أكثر من 25 ألف سنة
وده عن طريق إنهم اكتشفوا نقوش ورسومات في كهوف ” Sara Da Capivara “ في البرازيل
فكل الترسيمات والنقوش و الحفريات اللي رسمها أسلاف البشر
واللي كانت بتوضح معالم تاريخية أو أحداث أو قصص قديمة وديه تعتبر شكل من أشكال الانفوجرافيك
اما بقي عن المفهوم العصري واللي إحنا نعرفه كان سنة 1979 وعلى أيد المصمم البريطاني” Nigel Holmes “ واللي وظف الرسومات التوضيحية في منشوراته العلمية التسويقية
وفي مطلع التسعينات في القرن اللي فات مصطلح الانفوجرافيك اتوسع بطريقة ملحوظة جداً عشان يقدروا يعبروا عن رسومات التوضيحية
ومن أوائل الكتب اللي اتكلمت في شرح وتفصيل تصميم الانفوجرافيك كان الكتاب” The Power Of Visual Storytelling “ للمؤلف ” جايسون لانكو – و روس كروكس – وجوش ريتشي” واللي نزل سنة 2012
وفي الكتاب ده أكدوا فيه إن أي صورة بتشرح فكرة معينة مهما كانت بسيطة بتعتبر شكل من أشكال الانفوجرافيك
✅ لمين وأمتي هتحتاج تستخدمه
ليه بنستخدم الانفوجرافيك في التسويق . ؟ وإيه هي المزايا اللي هتقدر تكتسبها من الاستثمار في المجال ده في مشروعك ؟
في الحقيقة الموضوع مش محتاج تفكير إطلاقاً.. عشان التسويق يعتبر هو أساس نجاح أي مشروع تجاري
وأي استراتيجية تسويقية بيكون ليها عاملين أساسيين هما الإعلام و جذب الانتباه
وعامل الإعلام فهو بيتعلق بأخبار العميل بالمعلومات والتفاصيل الفنية عن المنتج
اما بقي الجذب فهو عامل اللي بيخلي العميل يكمل قراية إعلانك أو يتابعه
نقدر نلخصه في كام نقطة كده
– تقدر مثلا تستعرض مشكلة معينة بتواجه العميل عن طريق قصة مصورة وتقدر ساعتها تحط المنتج بتاعك في القصة ديه ساعتها كبطل بيحل المشكلة ديه
– بيقولك في 90٪ من المعلومات في دماغنا بتصنف معلومات مرئية حاول تشتغل على الحته ديه بأنك توثق شغلك في ذهن العميل
– تقدر تقدم لمحة عامة عن موضوع معين
– تعزز الـ Brand الخاص بيك
– توظيف الانفوجرافيك في زيادة الوعي على موضوع معين
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing