الفرق بين السلعة والخدمة

ايه الفرق بين السلعة والخدمة ؟؟

ناس كتير أوي بتسأل عن الفرق بينهم وناس كتير للأسف ماتعرفش الفرق بين السلعة والخدمة

الخدمة بتكون شئ غير ملموس وغير مادي عكس السلعة اللي بتعبر عن منتج ملموس وبيلبي كل من السلعة والخدمة احتياجات الناس

✅ مفهوم السلعة 

في علم الإقتصاد قالوا على مفهوم السلعة إنه شئ ملموس تقدر تحصل عليه بمقابل مادي 

غير إن السلعة منتج مفيد للإنسان وبيتم تصنيعها في الشركات والمحلات و بتتباع كسلع استهلاكية في السوق و بتنقسم لنوعين

1- السلعة الحرة : وهي من السلع إللي بتكون مجانية ومش بتحتاج إنك تبذل مجهود أو وقت عشان تحصل عليها وغير إنها بتتوفر في الاماكن العامة

زي الشمس والهوا والماية

2- سلع اقتصادية : وتعتبر سلع بتكون بتكلفة سواء كانت عالية أو منخفضة وده عشان بتتصنع بمواد خام وممكن تندمج مع مواد تانية عشان تخرج في الاخر سلعة مؤهلة إنها تكون سلع بتتداول بمقابل مادي

✅  مفهوم الخدمات

بيتم تعريف مفهوم الخدمات بأنها مهارمة غير ملموس واللي بتساعد الناس علي تلبية احتياجاتهم

غير إنها بتتنوع الخدمات بشكل واسع وهدفها بيكون إشباع رغبات المستهلكين

علي سبيل المثال.. العمليات الجراحية واللي بيقدمها الدكتور.. العملية بتكون بشكل غير ملموس لكن هي بتلبي احتياج المريض

علي سبيل المثال تآني.. خدمات التسويق الإلكتروني ” Digital Marketing.” واللي هدفها تسويق المنتجات وكذلك برضو المحاماة وغيره 

كل دول خدمات بتقدم بمقابل مادي 

وساعات بيتم الخلط بين السلع والخدمات في أوقات كتير زي مثلا 

الوجبات اللي بتتقدم في المطعم فبيدفع الزبون تمن الوجبه مع تمن الخدمة 

✅ الفرق بين السلع والخدمات 

زي ما قولنا إن الفرق إن السلعة شئ ملموس وتقدر تستخدمه عكس الخدمة إنها شئ غير ملموس بس برضو بتستفيد منه 

وتقدر تميز بين السلعة والخدمة بأنك تقدر تقدر تفصل بين السلعة وصانع السلعة بس ماتقدرش تفرق بين الخدمة وصاحب الخدمة لإنه بيكون عنصر أساسي في الخدمة اللي بتتقدم ليك كمستهلك 

غير اننا نقدر نخزن السلع ونحفظها في أماكن معينة عكس الخدمة 

منقدرش نخزن الخدمة في مكان 

غير كمان إنك تقدر تقيم جودة السلعة بس صعب تقدر تقيم جودة الخدمة 

ونقل الخدمات بيتم ولكن بخطوات غير واضحة عكس السلع اللي بيتم نقلها بكل سهولة وخطوات واضحة

والأهم من ده هو عامل الوقت في السلع بتحتاج وقت كبير عشان تجمع المواد الخام وبعد كده بيتم التصنيع وبعد كده الإنتاج و التقييم والتخزين

ونقل الاستهلاك 

لكن الخدمات فهي بتتميز بسرعتها في تقديمها علي طول 

وميزة السلعة إنها قايلة للتغيير والإستبدال لكن الخدمة ماينفعش 

وكمان تقدر تنتج بشكل زيادة في السلع وانك تقدر تحتفظ بيها وتوزعها 

لكن الخدمة بيتم تقديمها بشكل مباشر ووقت ما تحتاجها بس

✅ عناصر الحاجة أو الرغبة

عشان تكون ناجح في تقديم السلع والخدمات المناسبة لازم تعرف عناصر الحاجة و الرغبة وانك تستغلها صح ولصالحك

علي سبيل المثال.. شعور أو غريزة في الإنسان زي الجوع والعطش ده اللي بيخلي السلع الغذائية في إنتشار واللي ماينفعش تقف أبدا لأحتياج المستهلك المستمر ليها وماينفعش يستغني عنها

وكذلك الشعور بالوجع اللي بينبهنا اننا محتاجين نكشف أو نتعالج فبنضطر نروح المستشفى وعشان كده برضو الخدمات في إنتشار لأحتياج المستهلك المستمر ليها وماينفعش يستغني عنها

✅ الموارد الاقتصادية

مهم جدا نعرف إيه هو مفهوم الموارد الإقتصادية عشان نقدر نشتغل بشكل صح على زيادة السلع والخدمات.. بتتمثل في

1- الموارد البشرية : زي الموظفين و العاملين و العنصر ده بيكون مهم في أي عملية بتساهم في التنمية الاقتصادية

2- المواد الخام : وهي موارد طبيعية وبتبقي عبارة عن المادة بشكلها الأساسي من قبل ما يتم إعادة تصنيعها وتحويلها لشكل تآني 

3- الموارد المصنعة : وهي باختصار الشكل التاني للمادة بعد التصنيع

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing