تأثير جودة المنتج علي التسويق 

كلنا عارفين طبعاً ان جودة المنتج عامل مهم جداً بل يعتبر من أساسيات نجاح أي حملة تسويقية 

عشان بيأثر بشكل كبير جداً علي العميل وبيخليه مقبل انه يشتري المنتج 

وعشان كده بتلاقي هدف أي عميل انه يحصل علي جودة منتجة كبيره أهم من أي شئ 

وعشان كده تأثير جودة المنتج علي التسويق بيكون مهم جداً 

طب ياتري بتأثرعلي التسويق ازاي ؟؟ 

يعني مثلاَ لما المنتج الخاص بيك بيكون الـ Quality بتاعة عالي ده بيعزز من ثقة الجمهور فيك 

وبيخلي بعد ما اتعامل معاك مرة .. هيتعامل معاك مرة واتنين وتلاتة 

وكمان بيخليه يشعر بالرضا والراحة لما يتعامل معاك 

وده ممكن يخليه يصرف النظر عن سعر المنتج بتاعك حتي لو كان غالي 

وديه خطوة مهمة جداً في التعامل مع الجمهور 

لان في ناس كتير بيكون فارق معاها سعر المنتج نفسه 

لكن ممكن يتغاضوا عن سعر المنتج لو لقوا ان الـ Quality نفسها كويسة ومناسبة ليهم 

كمان جودة المنتج بتأثر علي المنافسين وبتخليك متميز عنهم 

يعني لو انت بتنافس ناس كتير في سوق العمل ولو هما متفوقين عليك في السعر 

تقدر بكل سهولة تتفوق عليهم لو Quality الحاجة اللي انت بتقدمها أعلي منهم 

وديه هي اللي بتكون الحلقة الفاصلة بينك وبين منافسين 

تخيل ان حاجة زي ديه ممكن تخلي العميل يتعامل معاك حتي لو انت بعيد عنه

رغم ان ممكن يكون في منافس ليك قريب منه . إلا انه فضلك عنه لمجرد ان جودة المنتج بتاعك أقوي منه 

طب هل ياتري الموضوع ده بيكون بس لأصحاب السلع ؟؟ 

لا طبعاً ومهم جداً لأصحاب الخدمات كمان 

يعني مثلاً لو انت صاحب مستشفي وحواليك منافسين متفوقين عنك في أسعار الخدمة نفسها 

تقدر تكون مختلف ومتميز عنهم .. ازاااي ؟؟

1- اهتمامك بالحالات اللي بتجيلك 

2- أسلوبك مع الحالة عامل ازاي 

3- المكان اللي هتكون فيه الحالة عامل ازاي 

4- الـ Quality بتاع الدكاترة لازم يكون قوي  

كل ديه خدمات تخلي العميل وهو بيتعامل معاك يكون مبسوط ويكون حابب يتعامل معاك اكتر من مرة 

ومش بس كده ده كمان ممكن يعمل معاك الـ WOM Marketing – Word Of Mouth Marketing 

وهي انه ممكن يرشحك لأي شخص من قرايبه 

وديه من أقوي عمليات التسويق تقدر تتعامل بيها .. تعالي أقولك ليه 

عشان ببساطة أي شخص لما يجي يتعامل مع صاحب مجال ولأول مرة بيكون مقلق ومش مطمن ليه بحكم انه أول مرة يتعامل معاه 

وده أمر طبيعي جداً 

لكن لو في حد كان قايله عليك ان خدمتك ممتازة .. مش هيفكر ولا يقلق انه يتعامل معاك 

وهيتعامل معاك وكأنه يعرفك من سنين 

تخيل بقي ان كل ده ممكن يحصل بسبب جودة المنتج 

علشان تعرف كل إللي يفيدك في مجال الـFacebook تقدر تتابعنا علي مدونتنا أو علي صفحتنا علي الـ Digital Marketing