ما لا تعرفه عن الـ Permission Marketing

ما لا تعرفه عن الـ Permission Marketing

الـ Permission Marketing يعتبر نوع من انواع التسويق ويعتبر الأفضل للجمهور 

لان الفترة اللي فاتت ديه الجمهور بقي يعاني من وجود الاعلانات في كل مكان بيروحه 

بسبب استحواذ فكرة الانتشار وجذب الجمهور لصاحب العمل بأي طريقة 

وده في حد ذاته مش الطف حاجة لأن الجمهور ممكن يمل منك ويبعد 

والـ Permission Marketing ( التسويق بالإذن ) يعتبر من انواع التسويق المريحة للعميل

لان التسويق ده بيعتمد على أخذ إذن العميل الاول وده اللي بيلفت انتباه العميل وبيخليه يدي الاحترام لصاحب العمل 

وده اللي هنتكلم عليه انهارده ونعرف ما لا تعرفه عن الـ Permission Marketing

في نوعين من التسويق بالإذن وهو 

1– التسويق بالإذن الصريح : وهنا بيبعت العميل الـ Mail بتاعه لأي جهة تجارية عشان يتبعتله الرسائل التسويقية والاعلانات 

2- التسويق الإذن الضمني : وفيها بيقدم المستهل الـ Mail بتاعه أثناء المعاملات التجارية لغرض التواصل المستمر 

طب ياتري ايه هي الفوائد من الـ Permission Marketing ؟؟ 

✅ التركيز أكثر على العملاء المتفاعلة 

ودول الجمهور اللي بعتلك الـ Mail بتاعه وهو كده يعتبر من الجمهور المتفاعل معاك ومهتم بمجالك وده اللي هيساعدك أكتر انك تتواصل معاهم 

✅ التقليل من الإنفاق 

التسويق العشوائي بيحتاج إنفاق كبير على الإعلان عشان مش بتكون محدد ( بالظبط ) مين اللي بتوجهله اعلانك غير انه بيستهلك وقت كبير 

عشان تعرف عميلك بالظبط وسط حشد كبير من الناس 

✅ الدقة التسويقية 

الـ Permission Marketing بيساعدك علي اختيارك للعميل بدقة مقارنة بباقي أنواع التسويق 

✅ بناء السمعة 

التسويق بالإذن بيخلي العميل يحس بالتقدير والاحترام منك وبيخليه يتعامل معاك بأريحية وده اللي بيخلق سمعة كويسة بين منافسيك 

✅ الفرق بين التسويق بالإذن والتسويق المتقطّع 

التسويق المتقطّع بيكون تسويق عشوائي زي الإعلانات اللي بتكون على التلفزيونات والإعلانات الإذاعية واللوحات اللي بتتحط في الشوارع 

على عكس التسويق بالإذن اللي بيحترم خصوصية العميل ومش بيزعجهم لانه بيكون هدفه الأساسي خدمة العميل وتقديم المساعدة ليه  

أمثلة على التسويق بالإذن 

✅ التسويق على الـ Mail 

يعتبر الإشتراك على الـ Mail مقبل العميل ومن تلقاء نفسه في المجال التجاري هو الإختيار الأمثل والأكثر ثقة

وده اللي بيأكد ان الشركة بتبعت محتوى لعملاء حقيقيين وبيتفاعلوا مع الشركة 

 ✅ التسويق بالردود الآلية 

الردود الالية في التسويق في العموم تعتبر خطوة مهمة جداً عشان بتحسس العميل بالتقدير وبتعرفه انك متواجد الـ 24 ساعة

وتقدر ترد عليه في اي وقت وكمان تقدر توفر وتسهل عليه الأسئلة اللي ممكن يسألها عن طريق انك تحط نفسك مكان العميل

وتشوف ممكن يسأل ويقول ايه ومن خلال السؤال اكيد هيكون عندك الإجابة

عشان لما يدخل العميل يكلمك يلاقي انك بتوفر له كل الاسئلة اللي ممكن تخطر في باله ومش في باله

بس ده ممكن تخطر في بال اي عميل حتي ممكن كمان يتفاجئ باسئلة ماخطرتش علي باله .. ساعتها هيحس انك بتوفر له كل حاجة حرفياً 

ده هيخليه يثق فيك أكتر وهتكون في مكانة عالية عنده 

✅ التسويق عن طريق الـ SMS 

النوع ده بيكون مطلوب اينعم مش كتير بس برضو مهم لعملاء كتير و جمهوره مش قليل وده بيتم عن طريق الموبايل 

✅ افضل انواع المحتوى للتسويق بالإذن 

التسويق بالإذن لوحده مش كفاية علي فكره .. لازم يكون عندك محتوي قوي تقدر تتواصل بيه مع جمهورك ولازم تراعى المواعيد اللي هتنزل فيها المحتوي للناس 

1- العروض الترويجية : يعتبر إرسال المحتوى التسويقي للجمهور اللي بيتناسب مع اهتماماتهم من افضل الطرق للفت الإنتباه 

2- إمتيازات عضوية : توفير خصومات وجوائز للجمهور المتفاعل معاك من اهم وافضل الخطوات اللي بتعزز وجود جمهورك معاك 

3- الرسائل الإخبارية :  تعتبر الرسائل الإخبارية مهمة جداً للعميل وبتخليه دايماً علي دراية كاملة بكل جديد 

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing