Blog
مجال الطب إرتبط بالـ Social Media بشكل كبير و كمان بقي التسويق و الترويج ليه أسهل بكتير و أسرع
علشان كده هنعرف النهارده ليه الـ Digital Marketing و الـ Social Media بقوا جزء أساسي من مجال الطب
أهمية مجال الطب في حياتنا اليومية ؟
مجال الطب من المجالات المهمة و إللي ماينفعش نستغني عنه في حياتنا اليومية
يعني فترة زي فترة جائحة كورونا كان العالم كلة واقف و مافيش حد عارف يخرج من بيته و مافيش حد ماخسرش في الفترة دي بسبب إن الشغل في العالم كله وقف أو حصل له ضرر كبير
بس الفضل بعد ربنا طبعاً كان لمجال الطب إللي عرف يتوصل لعلاج لفيروس كورونا و إللي من بعدها العالم كله رجع لحالته الطبيعية من تاني
مجال الطب و الـ Inbound Marketing
بما إن مجال الطب زي أي مجال في الـ Business محتاج ترويج و تمويل علشان ينتشر و يربح
بس زمان كان التسويق في مجال الطب و معظم المجالات تقليدي
بمعني إن التسويق ليهم كان بيبقي في صورة إعلانات في الشوارع أو في المجلات أو في التلفزيونات أو كمان في صورة Banners أو Flyers
يعني زمان كانوا بيعتمدوا أكتر علي الـ Outbound Marketing لإنه ماكانش فيه غيره في التسويق وقتها
لكن دلوقتي في ظل وجود الـ Social Media و توسعها الكبير .. إرتبط مجال الطب بالـ Social Media بشكل كبير و في صور كتير
لإن زي ما قولنا إن الـ Social Media مافيش حد مابيستخدمهاش
سواء كانت عيادات أو مستشفيات هي بتحتاج ترويج علشان تشتغل
و بتحتاج Identity كاملة علشان تبقي معروفة و ثابتة في عقل العميل و كل ده بيحصل أسرع و أوفر من خلال الـ Social Media
و غير كده الـ Inbound Marketing أحسن و أسرع و أرخص بكتير كتمويل من الـ Outbound Marketing
ده لإن Social Media سهلت التعامل و التواصل علي الناس و مجالات كتير
أمثلة عن أهمية الـ Social Media في المجال
يعني زي مثلاً برنامج زي Vezeeta واحد من وسائل الـ Social Media إللي بسببها في عيادات كتير و دكاترة كتير إتعرفوا
و ده لإنه بيعرفك علي الدكتور إللي هتحجز معاه و بيعرفك تقييمه و كمان آراء الناس فيه
مثال كمان … إعلانات المستشفيات إللي قائمة علي التبرعات بتتعرض في التلفزيون .. بس بنسبة كبيرة إللي بيخليها تنتشر و توصل لعدد أكبر هي الـ Social Media
و ده إللي خلي مجال الطب و غيره من المجالات الكتيرة ماكانش ليهم علاقة بالـ Social Media قبل كده و دلوقتي بيستخدموها بشكل أساسي في شغلهم و الترويج لمنتجاتهم و خدماتهم
الإستهداف في مجال الطب
بس إستهداف الجمهور في المجال ده علي الـ Social Media بيبقي مختلف شوية
و ده لإن الإستهداف بيبقي عن طريق حاجات كتير زي الـ Location و الـ Demographics عامةً
كمان من أهم الحاجات إللي بنستخدمها في الإستهدافات هي الـ Interests … لإن الإهتمامات هي إللي من خلالها تعرف توصل للجمهور الصح إللي مهتم بمجالك
بس في مجال الطب هيكون إستهدافك للناس إللي مهتمة بمستشفيات كبيرة مثلاً و بعيادات لدكاترة كبيرة
كمان علي حسب سعرك هيكون إستهدافك للـ Job Titles .. لإن لو سعرك عالي هيكون إستهدافك للناس إللي شغالة شغلانة عالية زي المديرين و الـ Owners و هكذا .. و طبعاً العكس صحيح لو سعرك في المتوسط أو أرخص
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing