Blog
مراحل دورة حياة المنتج الـ 6
من المهم جداً كصاحب شركة انك تعرف المنتج بتاعك بيتكون ازاي وازاي دورة حياته
مايفنعش تكون صاحب شركه ومش على درايه كاملة بدورة حياتة المنتج بتاعك
وعشان كده هنتكلم مع بعض على مراحل دورة حياة المنتج الـ 6
✅مرحلة التنميه
وديه تعتبر اول مراحل دورة حياة المنتج وبتبقي هي مرحلة البحث قبل مابتطرح المنتج بتاعك في السوق
وفي المرحلة ديه في الغالب الشركات بتصرف فلوس من غير تحقيق اي إيرادات عشان المنتج بيكون لسه ماتباعش
والمرحلة ديه ممكن تستمر فترة طويلة عشان بيتم تحديد مدى تعقيد ومدي منافسة المنتج مع المنافسين
✅مرحلة المقدمة
والمرحلة ديه بتحصل لما بيتم نزول المنتج في السوق
لما التيم يبدأ في مرحلة بناء الوعي بالمنتج ويبدأوا يستهدفوا العملاء المحتملين وساعتها بتكون المبيعات منخفضة ويبدأ بتزايد الطلب ببطئ عشان لسه في البداية
في المرحلة ديه بيركزوا الـ Marketers على الحملات الإعلانية والتسويقية اكتر
وفي استراتيجية التسويق انت هنا لما بيتك إطلاق المنتج بتاعك بتبدأ ساعتها بالترويج له عن طريق التسويق الداخلي وتسويق المحتوى نفسه
✅ مرحلة النمو
مرحلة النمو ديه بتحصل لما تبدأ تتوسع وتبدأ المنافسة تتطور معاك ساعتها هيشوفوا المنافسين نجاحك
خلال المرحلة ديه غالباً بتبدأ تشتغل الحملات التسويقية في انها تجذب انتباه العملاء للـ Brand بتاعك
بحيث يختاروك المستهلكين عن المنافسين
✅ مرحلة النضج
في مرحلة النضج هنا لما المبيعات بتبدأ تستقر من فترة النمو السريع
وهنا بقي بتبدأ تخفض في أسعارك عشان تقدر توصل للجمهور بسهولة
وعشان تقدر تنافس في السوق بكل قوة
وهنا الشركة بتبقي اكتر كفائة وبتتعلم من الاخطاء اللي عملتها في الاول
في مرحلة النضج بتبدأ الشركة تخش في المرحلة الربحية
وبتخفض تكلفة الانتاج مع زيادة المبيعات
لما توصل للمرحلة دي مبيعاتك
✅ مرحلة التشبع
خلال مرحلة تشبع المنتج ، هتبدأ المنافسين في أخذ جزء من السوق وفي المرحلة ديه هتلاقي زيك كتير من المنافسين
ولما توصل للمرحلة ديه .. هيكون عندك الوقت في التفكير في الشركة بتاعتك وانك ازاي تطور وتعمل عروض للمنتج بتاعك
الوقت ده خلي بالك مهم جداً وبيتبني عليه اساس شركتك من نجاحها أو سقوطها وعشان كده لازم تكون دماغك شغاله
في انك تدور علي أفكار وعروض وخصومات تظهر بيها لجمهورك عشان يكون ليك وضعك في السوق
✅ مرحلة الرفض
وهنا انت لو وصلت للمرحله ديه فده معناه ان المنتج بتاعك في حالة تراجع ولازم ساعتها تعرف ايه السبب وتشتغل عليه
وفي حالة انك اكيد بتكون مش عايز توصل للمرحلة ديه في وقت هتلاقي فيه السوق كله واقع وكل الناس بتخسر
وده بيكون خارج إرادتك في انك متقدرش تتدخل في الموضوع وتحله
وعشان كدة .. انت لازم تكون واثق من كل خطوة انت بتعملها في المنتج قبل تصديره للناس لازم تكون دارس السوق كويس
وتكون دارس المنافس بتاعك كويس جداً عشان تقدر توصل لمكانة كبيرة بين منافسيك
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing