Blog
مرحلة الـ Branding مرحلة مهمة لأي Business
خلينا متفقين إنك مش هتروح تشتري حاجة أياً كانت إيه هي من Brand أياً كان إيه هو برضو من غير ماتكون بتثق في الـ Brand ده
طيب الثقة إللي إنت واثقها في الـ Brand ده جت منين ؟!
هو ده إللي هكلمك فيه في المقالة دي
إزاي تقدر تكسب ثقة عملائك و تبقي Brand موثوق فيه و مرجع ليهم
الثقة بتيجي من حاجات كتيرة بيقدمها الـ Brand ده … زي مثلاً إهتمامه بمشاكلك و حلها بكل الطرق الممكنة … و زي إنه بيقدملك إللي غيره مابيقدمهوش ليك سواء كانت عروض أو أسعار أو قيمة أو خدمات و مميزات
تعالي مثلاً ناخد شركة Amazon كمثال للـ Branding
شركة Amazon شركة عالمية و ليها جمهور من جميع أنحاء العالم .. و ده هدف الـ Branding
طيب إيه إللي خلي الجمهور ده كله بإختلاف جنسيتهم و إختلاف أرائهم و تفكيرهم يتفقوا علي شركة Amazon و يتعاملوا معاها مش مع أي شركة تانية
ده لإنها قدمتلهم كل إللي محتاجينه بحكم إنها بتقدم أكتر من منتج و خدمة
و غير كده كسبت ثقتهم بالأمان إللي بتقدمه ليهم في التعامل و البيع و الشراء
و علي فكرة ماتستبعدش تبقي زي Amazon .. لإنها ماعملتش غير الصح و إللي لازم يتعمل علشان تبقي في المستوي إللي هي فيه دلوقتي
طيب إيه هو الصح و إللي المفروض يتعمل علشان توصل للمستوي ده من الـ Branding ؟
تعالي أعرفك علي الخطوات الصح إللي تمشي عليها
1- خليك مميز مع عملائك في التعامل
كل Brand و ليه الحاجة إللي بتميزه عن غيره
و أكتر حاجة مهمة لازم تكون مميز فيها هي التعامل مع العملاء
و بما إن الناس بتحب التعامل Face to Face أكتر من التعامل في التليفون
علشان كده لازم تحسسه من مكالمته ليك إنه مهم و إنه بيكلمك Face to Face مش بس Chat أو في التليفون
إفهم مشلكته كويس جداً و إدرسها و جيبله أكتر من حل ليها … ساعتها هتبقي الـ Brand الأول بالنسباله … لإن إحنا بطبعنا بنحب إللي يهتم بينا و يحللنا مشاكلنا
2- ماتتجاهلش جمهورك
في الطبيعي لما تكلم حد و مايردش عليك أولاً هتتحرج ثانياً مش هتثق فيه ولا هتحب تتعامل ولا تتكلم معاه تاني
كذلك جمهورك .. لما يبعتلك رسالة أو يعلق بـ Comment أو يعمل Share لـ Post من عندك ده معناه إنك أثرت فيه و دي حاجة حلوة .. علشان كده لازم ترد عليه و تشكره أو تجاوب علي أسئلته
لازم جمهورك يعرف إن إللي بيكلموه ده إنسان مش آلة .. لإن الناس بتثق في الإنسان إللي زيهم … مش الآلة
3- إحفظ عملائك
طبعاً الموضوع هيبقي صعب إنك تحفظ أو تفتكر كل عميل إتعامل معاك … بس صدقني لو عرفت تحفظ كل عميل إتعامل معاك و تفتكره بالإسم هيفرق جداً معاهم و معاك كمان
و حتي لو صعب عليك و ذاكرتك خانتك و ده طبيعي … إعمل List بكل عميل إتعامل معاك بإسمه و التاريخ إللي إتعامل معاك فيه كمان
و ماتستغربش .. لإن ده بيأكدله إنه مهم عندك و ده المطلوب .. علشان ساعتها ثقته فيك هتزيد بصورة كبية جداً
ده حتي لو إنت لو ماشي في الشارع و حد وقفك و سلم عليك و إفتكرك بإسمك .. حتي لو إنت مش فاكره هتفرح و هتحس إنك أثرت في حد بأي طريقة مهما كانت بسيطة … كذلك عملائك
يعني لو لاقيت حد من جمهورك بيتابعك دايماً و بيستني أي Post منك و بيشارك برأيه .. من الآخر Top Fan ليك … إشكره بالإسم و كافئه علي ده
4- شارك جمهورك قصة نجاحك
شارك جمهورك كل تفصيلة في قصتك .. علمهم منها و إتعلم إنت كمان منهم
قولهم إن إنت إبتديت من الصفر و إن إنت غلطت كتير و ده طبيعي و إن إنت إتعلمت من غلطاتك علشان تبقي ناجح و تبقي في المستوي ده
شجعهم يعملوا زيك و إكسبهم
لإن المشاركة مبنية علي الثقة …علشان كده لازم تثق فيهم زي ما عايزهم يثقوا فيك
5- إعمل Giveaway Content لجمهورك
جمهورك إللي تعب علشان يجيب الفلوس إللي بعدين بيديهاك… محتاج يعرف و يتأكد إن في مقابل ليها هيستفاد منه
علشان كده لازم تقدملهم حاجة قيمة .. و مش شرط تكون بفلوس
يعني مثلاً شوف موضوع شاغلهم أو بالنسبالهم مشكلة و إتكلم فيه و حاول تحله ليهم .. شوف هم مهتمين بإيه و إديهم معلومات فيه .. ضيفلهم و زودهم بالمعلومات .. لإن ده مهم جداً و صدقني ثقتهم فيك هترتفع
6- إستثمر في جمهورك
حاجة من الحاجات إللي هتزود ثقة جمهورك فيك و تبقي متابعاك أول بأول .. الأسئلة
إسأل جمهورك .. في أي حاجة .. إسألهم يحبوا تقدملهم المحتوي في أنهي صورة
إسألهم تحب تتكلم عن إيه في الـ Blog Post إللي جاية .. إسأل عن أي حاجة
ده هيزود ثقتهم فيك و هيحسسهم بإن رأيهم مهم عندك و إنك مهتم بيهم … و ده إللي إنت محتاجه
7- خليك صادق
عامةً … الناس بتحب الشخص الصادق .. إلليصريح معاهم
علشان كده لازم تبقي صادق مع نفسك قبل جمهورك
يعني لما تغلط تعترف بغلطك و تصلحه .. و لو وعدت جمهورك بحاجة توفي بوعدك معاهم .. ده مش هيعيبك في حاجة ولا هيقلل منك خالص .. بالعكس .. صورتك هتكبر في عين جمهورك و هيثقوا فيك أكتر
بس كده … طولت عليك عارف .. بس صدقني كل كلمة و كل خطوة من الخطوات دول هيخلوا ثقة جمهورك فيك في حتة تانية خالص و هيفرقوا معاك جداً كمان في مرحلة الـ Branding بالنسبة ليك و للـ Brand بتاعك
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing