Blog
إزاي تنهي مقالتك بشكل صحيح
أي شخص بيكتب مقالة بيكون همه ازاي يبدأ بجملة يلفت بيها الانتباه عشان يخلي الجمهور يقدر يقرأ المقالة
وناس تانية يكون همها بعد ما يقرأ المقالة هو ازاي يكملها ويكون حريص ازاى ياخد باله من كل كلمة بيكتبها
عشان يثير فضول الجمهور أنه يكملها
كل ده جميل جداً وفعلاً مطلوب .. بس انت اهتميت في مره انك إزاي تنهي مقالتك بشكل صحيح
نهاية المقالة مهمة جداً وديه اللي من خلالها الجمهور هياخد انطباع عنك ازاي حتي لو كان منبهر بالمقالة
لو انت قفلتها بشكل مش كويس يبقي على الله حكايتك 😂
نهاية مقالتك ممكن يكون أهم من مقالتك نفسها
تعالي نتعرف مع بعض علي طرق تنهي بيها مقالتك بشكل صحيح
✅ اكتب ملخص
لما تيجي تخلص المقالة خليك عارف كويس اوي ان اللي بيقرأ المقالة انه مش بيقرأ كلمتين او تلاته .. ده بيقرأ مقااالة كبيرة
وبسبب ده ممكن يكون نسي معلومات بسبب طول المقالة وعشان كده .. لازم تكتب ملخص للمقالة بحيث ان اللي بيقرأ لو نسي
يقدر يفتكر تاني المعلومات .. وكمان عشان تثبت المعلومات في دماغه
ومن خلال الخطوة ديه الجمهور هيحس انك عارف وحاسس بيهم و هيحسوا بالتقدير من نحيتك
✅ اطرح سؤال
لما تخلص كتابتك للمقالة عشان الجمهور مايتوهش منك جرب اسأله في اخر المقالة
جرب مثلاً تسأله ايه رايه في المقالة او تحب نتكلم عن ايه تاني
برضو هنا هيحس بالتقدير و يتابعك أول بأول
وده طبعاً هيرجع لطريقة كتابتك لو عجبت جمهورك مع الأسئلة هتكون مفضل عنده
✅ اهمية الـ CTA
انت لما بتيجي تعمل Content بيع في الأخر بتحط الـ CTA عشان العميل بتفاعل معاك
واللي مايعرفش ايه هو الـ CTA ديه اختصار لكلمة Call To Action اللي بتحط
فيها أرقامك وعنوانك عشان العميل يتفاعل معاك
بس انا هنا مش بتكلم علي النوع ده من الـ CTA انا هنا بتكلم علي انك تقول للعميل على سبيل المثال .. استني باقي المقالات
او جرب تزور موقعنا الخاص .. او ادخل صفحتنا على الـ Facebook أو اياً كان
✅ دور علي انك ازاي تلهم جمهورك
في نهاية كل مقالة خليك مختلف وحاول كل مرة تفاجئ جمهورك بأي حاجة
على سبيل المثال حاول تقدم عروض لو انت صاحب منتج وبتعمل مقالات او مسابقات
من الاخر حاول تلهم وتفاجئ جمهورك كل مره
✅ وجه جمهورك انهم يعملوا حاجة معينة
لما تيجي تخلص المقالة ماتحاولش تسيب جمهورك كده وخلاص .. لازم في نهاية المقالة تقولهم يعملوا حاجة معينة
هنا جمهورك بيحس انك مش بتوريهم مقالة وخلاص .. لا انت بتتفاعل معاهم وبتطلب منهم يعملوا حاجة
هنا برضو بيحسوا بالاهتمام والتقدير
✅ حط لينك مقالة تانية
اول ماتخلص المقالة وتكون عارف انها هتعجب الجمهور لازم اول حاجة تفكر فيها انك تحط لينك لمقالة تانية في اخر المقالة
عشان العميل لو عجبه المقالة بتاعتك هيبقي حابب يشوف شغلك من تاني عشان كده ان ممكن توفره له ده في اخر مقالاتك
عشان يدخل عندك مايخرجش تاني
✅ تقدر تثير فضولهم
اول ماتخلص كتابتك للمقالة في الاخر عرف جمهورك ايه اللي ممكن يعملوا بعد كده
وديه هتبقي خطوة مهمة جداً لجمهورك عشان في منهم بيكونوا مش عارفين يعملوا ايه
فانت بالنسبالهم زي ماتقول بطل كده تقدر توفرلهم حلول 😂
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing