Blog
إيجابيات وسلبيات الـ Social Media
- March 29, 2022
- Posted by: admin
- Category: Uncategorized
كلنا عارفين أهمية الـ Social media في حياتنا وقد إيه بنعتمد عليها بشكل كبير جداً في حياتنا سواء كانت الشخصية أو العملية
طب ليه بنعتمد عليها اعتماد كبير أوي كدة ؟؟
طبعاً عارفين إن كل جيل بيختلف عن التاني وإن زمان ” ما قبل الـ Social Media ” كانوا بيتواصلوا مع بعض عن طريق التليفون الأرضي أو إنهم يقرروا يتقابلوا بقي في أي مكان 😅
لكن دلوقتي ومع قدوم مواقع التواصل الإجتماعي الموضوع بقي أسهل وأريح بكتير عن زمان
بس الـ Social Media زي ماهي مريحة و مفيدة في حياتنا
برضو الـ Social Media مضرة في بعض الأوقات
وهنا هنتكلم مع بعض عن إيجابيات وسلبيات الـ Social Media
إيجابيات الـ Social Media
يعتبر إيجابيات مواقع التواصل الإجتماعي في مجالات كتير وده لو الشخص أحسن استخدامها زي مثلا
1- توسيع دائرة العلاقات الإجتماعية
من فوائد مواقع التواصل الإجتماعي إنها شئ فعال ومفيد في إنك تعمل أصدقاء جدد أو تتواصل مع أصدقائك المعروفين
وكمان هتسهل عليك تتواصل مع الناس إللي بقالك فترة مش بتكلمهم
2- تقليل الحواجز إللي بتعيق التواصل
ممكن تستخدم مواقع التواصل الإجتماعي عشان تنقل الأفكار والاراء إللي بتبقي ليها علاقة بموضوع معين مثلا ولعدد كبير من الأشخاص وبطريقة سهلة
وده من أي مكان وفي أي وقت وكمان خاصية مشاركة الرأي المتاحة على مواقع التواصل الإجتماعي بتساعد علي فتح الأبواب لتبادل الآراء وتوسيع فرص التعبير عن الرأي
3- وسيلة فعالة للترويج
دلوقتي الشركات التجارية بتستخدم الشبكات الإجتماعية كوسيلة كويسة جداً لترويج السلع بتاعتها
في أكتر من Platform مختصة بالترويج لخدمة أو سلعة معينة وبتكلفة أقل وده طبعا بيأدي لزيادة الأرباح وبأقل التكاليف
4- متابعة اخبار العالم
تطور الـ Social Media خلي الشخص مش منتظر يعرف الأخبار من التليفزيون أو يستني نشرة الساعة 6 أو يشتري جريدة
عشان إنت هتقدر تعرف كل الأخبار المعلومات الجديدة عن طريق مواقع التواصل الإجتماعي
5- مساعدة رجال الأعمال والشركات
دلوقتي أي رجل أعمال أو أي منظمة مش بتشتغل غير علي مواقع التواصل الإجتماعي
لأنها بتقدر تخليهم يبيعوا منتجاتهم في أسرع وقت وبدون مجهود وكمان يقدروا يوسعوا نطلق شغلهم و خدماتهم
وفي فعلا رجال اعمال شغلهم بيبان آكتر على مواقع التواصل الإجتماعي ومش بتقدر تشتغل من غيرها
وزي مانتوا شايفين الـ Social Media عامل مهم في حياتنا سواء كانت الشخصية أو العملية وزي ما شوفنا إيجابياتها.. تعالي نشوف سلبيات الـ Social Media
مواقع التواصل الإجتماعي ليها سلبيات كتير لو الشخص أساء استخدامها
سلبيات الـ Social Media
1- مخاطر الاحتيال أو سرقة الهوية
ممكن الوصول للمعلومات الخاصة إللي بتنشر علي مواقع التواصل الإجتماعي من أي شخص
وكمان ممكن سرقة هوية الشخص يعمله مشكله كبيرة جدا عشان ممكن اللي سرقتها يخترق المعلومات بتاعتها بكل سهولة
2- إضاعة وقت الأفراد
وعشان مواقع التواصل الإجتماعي بقت مهمة في حياة أي شخص ممكن يكون سبب كبير جدا لإضاعة الوقت
ممكن يأثر بالسلب علي صاحب العمل أو على أي شخص
لإنه ببساطة هيقضي وقت علي الـ Social Media آكتر من أي وقت تآني ممكن يستغله إنه يعمل حاجة مفيدة
3- ارتكاب الجرائم ضد المستخدمين
ممكن استخدام الشبكات الإجتماعية لتعرض الأشخاص للمضايقة بجميع اشكالها
والموضوع ده في منتهي الخطورة بالنسبة المراهقين و الأطفال الأصغر سناً بشكل خاص
عشان كده لازم الآباء والأمهات يخلوا بالهم من حاجة زي ديه
4- التأثير على العلاقات الأسرية
للأسف مواقع التواصل الإجتماعي بتسبب فشل في العلاقات الأسرة
وده بسبب إن كل شخص في الأسرة بيفضل إنه يقعد وقت أطول مع الـ Social Media أفضل من إنه يقعد مع أهله