Blog
✅ إيه هو التسويق الشفهي ” Word Of Mouth Marketing ” ؟؟
التسويق الشفهي هو التعريف بالمنتج الخاص بيك أو الـ Brand بتاعك بس مش عن طريقك.. عن طريق العميل بتاعك
وده بيتم عن طريق ذكر إسمك أو ذكر مميزاتك خلال الكلام مع ناس تانية
وبيتم التسويق الشفهي من غير تدخل مباشر من طرف الشركة أو الـ Brand
وعشان كده بيخليه آكتر فاعلية بحيث يكون عفوي
وده بيتم عن طريق الرضي عن الخدمة أو طريقة التعامل مع العميل بالإيجاب عنه أو عن الـ Brand
وده هيخلي أي شخص عايز يشتري المنتج بتاعك لما ياخد رأي شخص موثوق فيه أو جربه نسبة شراؤه هتزيد
✅ إيه هما العناصر الأساسية لوضع برنامج تسويق شفهي ؟
في حوالي 5 عناصر أساسية تقدر تعرفها عن التسويق الشفهي
1- الموثوقية : بحيث إن معظم العملاء مش بيثقوا بأساليب التسويق التقليدية الحالية و بيعتقدوا إن الأساليب ديه بتخدعهم وعلى فكرة هما يقدروا يميزوا ده كويس جداً
2- الإجتماعية : لازم تقدم ليهم الأدوات الإجتماعية والقنوات المتاحة واللي تخليهم يتكلموا عن المنتج الخاص بيك بحماس وشغف كبير
3- قابل للإستمرار : حاول تعمل مفاجأة كبيرة يستمر تأثيرها علي المدى البعيد.. وحاول تعمل كده بصفة مستمرة ودورية بدل ما تضيع فلوس علي حملات دعائية مؤقتة
4- قابلة القياس : لازم تقيس الشئ المهم فعلا.. ماتجيش تقيس كام واحد عمل Like.. لا حاول تمس تفاعل العملاء ومشاركتهم اخبار منتجاتك
5- تقدير العملاء : لازم تكون بتحترم خصوصية عملائك ولازم تركز علي نماذج الأعمال الجديدة الموجهة للعملاء بشكل مباشر وهتاخد اللي إنت عايزه
✅ إيه هي مميزات التسويق الشفهي ؟؟
1-بناء الثقة
دايما الناس بتميل لشخص معين يوجههم ويديهم النصيحة اتجاه المنتج أو الخدمة.. لأن النصيحة ديه هتكون مبنية على تجربة كويسة وسعيدة مع المنتج أو الخدمة
واللي بتأكد حاجة زي ديه تقرير من شركة Nielsen’s Global لما قالت إن 92٪ من المستهلكين بيثقوا في الوصية
اللي بتكون جاية من صديق أو من أي فرد في العيلة مثلا أكتر من ثقتهم في الإعلانات والطرق التقليدية
وبناء على كده فالتسويق الشفهي Word Of Mouth Marketing
بيساعدك بشكل كبير من خلال الاعتماد على الناس ديه عشان يقدروا يتكلموا بشغف ومدح
2- علاقة طويلة الأمد
في أبحاث عملها ” مركز التسويق والمبيعات المتكامل ” بجامعة نورث كارولاينا بتقول فيها إن العملاء اللي بيشتروا المنتجات أو الخدمات
بناء على توصية من صديق أو شخص مقرب بيكونوا الاكتر احتمال إنهم يشتروا المنتج من الأشخاص اللي بتلاقي المنتج
من خلال طرق التسويق التقليدية
والناس بتميل دايماً للعلاقة طويلة الأمد مع الشركة أو المنتج بالأخص
3- تكلفة منخفضة
مقارنة بالتكاليف العالية المطلوبة عشان تشغل الإعلانات التقليدية لمنتج معين من خلال التليفزيون أو الراديو أو المطبوعات
فالتسويق الشفهي يعتبر طريق ناجح جداً ومش مكلف إطلاقاً وكمان تقدر تدمجه بينه وبين العروض الترويجية منخفضة التكاليف
عن طريق الـ Mail والـ Social media وبالتالي هتحصل علي عدد كبير جداً من العملاء الجدد وبأقل التكاليف
4- بناء على العلامة التجارية المميزة
من خلال اللي بيوفره التسويق الشفهي من معلومات ونصايح واخبار جديدة على المنتج بتاعك أو شركتك
وكمان عن طريق بناء حالة من المشاعر الإيجابية على الـ Brand الخاص بيك وساعتها هتقدر تبني إسم ليك في السوق بشكل سهل حتي لو في Brands منافسبن ليك
✅ خطوات التسويق الشفهي
1- لازم تفهم المنتج بتاعك
أول حاجة لازم تعملها قبل ما تبدأ في التسويق الشفهي هو إنك تفهم وتعرف منتجك الأول وتعرف إيه اللي بتقدمه للعملاء
وعشان كده لازم تسأل نفسك
1- ماهية منتجك ؟؟
2- ايه القيم اللي بتقدمها عن طريقه ؟؟
3- طبيعة اللي بيقدمه ؟؟
4- ايه الطريقة اللي بتساعد بيها مجتمعك من خلاله ؟؟
لما تعرف إجابات للأسئلة ديه هتتقدر من جمهورك
2- أتعرف علي منافسك
لما تكون على اطلاع واسع باللي بيحصل في السوق ولما تفهم منافسيك واللي يقدروا يقدموا من خدمات أو حلول.. ساعتها هتعرف تكون في المقدمة
وبالتالي تقدر تسأل نفسك
1- عشان تكون أحسن منهم إيه اللي ممكن تعمله.؟؟
2- إزاى يكونوا مختلفين عنك و يكون ده في مصلحتك ؟؟
3- نقطة ضعفك وهل تقدر تتجاوزها ؟؟
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing