Blog
التسويق النفسي أو ( Psychological Marketing ) تعرف إيه عنه ؟
التسويق النفسي هو نوع من أنواع التسويق و إللي بيلعب و بيعتمد علي الجزء النفسي من الجمهور و إزاي يقنعه بالمنتج أو الخدمة عن طريق Tricks
و ده بيحصل عن طريق دراسة المسوق للعميل و لسلوكه و قراراته
الدراسة دي بتبقي دقيقة جداً علشان لازم يكون مُلم بكل حاجة بيعملها العميل و تصرفاته كلها علشان يعرف يخشله من أنهي زاوية بالظبط
و التسويق النفسي يعتبر من أذكي و أكتر أنواع التسويق نجاح و تأثير علي الشركة
طيب .. كده عرفنا إن التسويق النفسي بيعتمد علي سلوك العميل و نفسيته
ليه سلوك العميل و نفسيته مهمة جداً في التسويق النفسي ؟!
دراسة سلوك العميل و معرفة نفسيته و إختياراته و طريقة تفكيره مهمة جداً بالنسبة للتسويق النفسي
و ده علشان يخفف من ضغوط التسويق علي العميل و يحد منها و يريحه و في نفس الوقت يبقي الـ Brand صاحب المنتج ده هو المفضل بالنسبة للعميل
لإنه هو إللي عارف بالظبط إيه إللي هي المشكلة إللي بيواجهها العميل و كمان بيحلها ليه
و أمثلة علي التسويق النفسي :
– السُلطة ( Authority )
السُلطة هي طريقة من طرق التسويق النفسي
و فيها بيعتمد المسوق علي إن الناس ممكن يشتروا منتج معين بس علشان في شخصية معينة خبرة في المجال ده بتستخدمه و بتوصي بيه
زي بالظبط إعلانات معجون الأسنان أو إعلانات الأدوية و إن الأطباء بيوصوا بيه
– الإعجاب ( Liking )
إسلوب الإعجاب شبيه شوية بإسلوب السُلطة
بس هنا بيعتمد المسوق علي إن الناس ممكن شتروا حاجة لمجرد إن في شخصية معروفة و محبوبة و ليها شعبية كبيرة بتعلن عن المنتج ده
بس مش شرط يكون في نفس مجال المنتج
زي مثلاً إعلانات شركات الإتصالات و شركات الموبايلات إللي بتستعين بفنانين كبار و محبوبين و ليهم شعبية كبيرة عالمياً للإعلان عن منتجهم
– حساسية السعر ( Price Sensitivity )
هنا بيعتمد المسوق علي إن السعر ليه حساسية معينة و تأثير علي العميل
بس الأول لازم يدرس السوق إللي حواليه و يعرف كويس جداً الأسعار و كمان يدرس الشريحة المستهدفة من الجمهور و إللي بتتعامل بشكل أحسن مع الأسعار و العروض و يعرف سلوكهم و طريقة تفكيرهم و إزاي بياخدوا قرارتهم و هل الأسعار بتأثر عليهم و لا لأ
– الندرة ( Scarcity )
الإسلوب ده بقي بيعتمد فيه المسوق علي مبدأ إللللحق العرض قبل ما يفوتك
بيلعب علي خلق الرغبة داخل العميل من خلال إنه يعرفه إن العرض أو السعر ده لفترة محدودة و يا تلحقه يا ماتلحقش .. بس لما ماتلحقش بقي ماتجيش تلومني
و العلم النفسي التسويقي أكد في دراسة عملها إن في أشخاص ممكن يشتروا المنتج أو الخدمة لمجرد معرفتهم إن المنتج ده أو الخدمة دي أو العرض ده لفترة محدودة … حتي لو هو في غني عنه الفترة دي … بس إللي هو ” Thanks God إني لحقت العرض ”
– الوحدة ( Unity )
الوحدة هو إسلوب مهم من أساليب التسويق النفسي
لإن فيه المسوق بيحسس العميل إنه واحد من شركته أو جماعته و إنه مهم جداً بالنسبة ليه
و ده من خلال شوية كلمات بيوجهها ليه
زي مثلاً : ” إنضم لفريقنا ، إحجز مكانك وسطنا ، إنضم لينا ” و هكذا
– الأسباب ( Reasons Why )
الأسباب هي برضو واحدة من أهم الأساليب إللي بيتبعها المسوق في التسويق النفسي
لإنه بيعرف العميل إيه هي الأسباب إللي بسببها لازم يشتري المنتج بتاعه
و في نفس الوقت بيعرض إيه هي مميزات منتجه قدام العميل بشكل كويس و لائق
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing