Blog
التسويق علي تويتر يعتبر من أهم الخطوات إللي لازم يعملها أي شخص بيروج لمنتج خاص ليه
تويتر يعتبر من أهم الـ Platforms علي الـ Social Media المهمة لأي Brand مختص ليك
في إحصائيات بتقول إن عدد مستخدمين تويتر حوالي 330 مستخدم شهرياً 500 مستخدم يومياً
وفي إحصائيات تانية بتقول إن 74٪ من مستخدمين تويتر بيتابعوا الشركات الصغيرة عشان ياخدوا المنتج
و 88٪ من الشركات واكتر من 100 موظف بيستخدموا لأغراض التسويق علي تويتر
وهنا هنعرف 5 خطوات تعرفك كيفية التسويق علي تويتر
1- التسويق علي تويتر عن طريق حساب إحترافي
سهل جدا إنك تعمل Account علي تويتر لكن أهم من ده إنك تعمل ده بشكل صحيح واحترافي وده هيساعدك إنك تعمل Brand ويبقي في تسويق علي تويتر بشكل محترف
وحاول تتجنب الأسماء إللي بيبقي فيها أرقام واختصارات حاول تختار إسم سهل وبسيط ويكون سهل يتحفظ ولازم يكون الاسم متداول معاك و بتستخدمه في أكتر من Platform
لما تيجي تضيف صورة للـ Account الخاص بيك للتسويق علي تويتر لازم طبعاً تستخدم الـ Logo الخاص بشركتك ولازم تكون 40 * 40 بكسل ولازم تكون الالوان إللي إنت هتستخدمها في الـ Logo تكون ليها علاقة بشركتك وتكون ألوان تشد بيها عميلك
لازم تضيف سيرة ذاتية وديه هتساعدك في التسويق علي تويتر بتوصف بيها بشكل مختصر وبسيط وبتكتب فيه إنت بتقدم إيه وخدماتك و منتجاتك إيه واعمل الـ Keywords الخاص بيك عشان تساعد جمهورك إنه يلاقيك وده هيفيدك جداً في التسويق علي تويتر
2- تحديد أهداف التسويق على تويتر
لو إنت شخص بتقضي وقت كبير على تويتر يبقي لازم تستغل وقت كبير للتسويق على تويتر عشان تحقق أفضل نتائج ممكنة
ومافيش أي استراتيجيات تسويقية من غير أهداف إنت تكون عايز تحققها
ممكن الأول تبدأ بتحديد أهدافك الأول للتسويق علي تويتر واهداف تكون عايز تحققها في خلال سنة
علي سبيل المثال يعني تزود الوعي بالـ Brand الخاص بيك أو زيادة الإيرادات أو إنك تعمل قاعدة جماهيرية
أو إنك تراقب الـ Brand بتاعك كل فترة وتحسنه وانك ترد علي شكاوي
وبعدين حدد أهدافك اليومية زي مثلا :
التواصل مع الجمهور و التسويق لمنتج جديد و زيادة حجم المبيعات
و زيادة إعداد المتابعين والرد علي شكاوي العملاء
ولازم تتضمن أهدافك كلها مواعيد نهائية ممكن يكون أسبوعيا أو شهريا أو سنويا أياً كان الافضل بالنسبة لمجالك
3- اختار المحتوي إللي هتنشره علي تويتر
في أشكال مختلفة تقدر تشاركها في التسويق علي تويتر ومن الضروري إنك
تشترك في كل الاشكال عشان هتقدم من خلالها المحتوي عالي الجودة
وإللي مناسب لجمهورك وإللي هتعرض من خلاله المنتجات أو الخدمات إللي إنت بتقدمها
تقدر تخطط لحملتك الإعلانية حسب الاحداث المحلية أو العالمية أو الاقليمية وصمم المحتوي الخاص بيك من خلاله زي مثلا موسم الحج أو كأس العالم أو جوايز الأوسكار
الهدف الأكثر أهمية لازم تستغله وتكتب عنه وتستغل بطريقة محترفة بدل من مجرد إنك تبعت تويتات مالهاش معني
4- الأتمتة الكاملة للتسويق علي تويتر ممكن تضر شركتك
من خلال الأتمتة هيكون من السهل أنك تجدول التويتات من غير ما تحتاج إنك تقضي وقت إضافي على تويتر
غير كمان إنها هتوفرلك وقت وجهد كبير جداً
وتنظم عملية النشر بس إنك تستخدم الأتمتة الكاملة للتسويق على تويتر مش فكرة كويسة خالص
ممكن يسبب مشاكل على سبيل المثال:
إنت ممكن تكون بتنزل في توقيت ماينفعش تنزل فيه عشان حصل ثورة أو حصلت مشكلة لازم تتكلم عنها
وعشان كده لازم تشوف إيه إللي بيحصل يخليك تضطر ماتنزلش حاجة احتراما للموقف
5- دور واستكشف على الحلول
من أفضل واحسن الطرق للتسويق على تويتر هي إنك تدور على المشاكل إللي الناس بتتكلم عنها وتحاول تحلها
وايه هما رأيهم في الـ Brand الخاص بيك وفي منافسيك
وإللي بيشغل بالهم وتساعدهم
عشان تظهر مهاراتك وخبراتك إنك تلاقي حلول مناسبة ليهم
والأبحاث هتديك المفتاح إللي من خلاله تقدر تحل مشاكل جمهورك