Blog
سمعت عن الـ PR Marketing
الـ PR Marketing يعتبر من انواع الـ Marketing المجانية و بيتم عن طريق الصحف والمجلات ومصادر الأخبار
طبعاً كلنا عارفين ان اساليب الـ Marketing مختلفة .. بس الأهم اننا نختار الأسلوب المناسب والمربح لينا
تعالوا مع بعض نعرف ايه هو الـ PR Marketing وايه مميزاته
✅ ايه هو الـ PR Marketing
زي ما قولنا هو نوع من انواع التسويق المجاني و هو اختصار لكلمة Public Relation
و بيتم عن طريق مصادر الأخبار والتقارير، و بيتمثل عادةً على هيئة مقال إخباري أو مقابلة تلفزيونية
بحيث يكون الشيء اللي بيتم تسويقه هو الخبر أو موضوع الخبر أو التقرير الصحفي
ولو بصيت على المواقع الإخبارية هتلاقي مقالات بتقوم بشكل غير مباشر بترويج منتج أو خدمة معينة
وده عن طريق انك بتتكلم عنها وعن مميزاتها والعلاقات العامة
أو ممكن نقول التسويق المجاني عن طريق المصادر الإخبارية في الغالب بيكون ليه تأثير أكبر بكتير من أساليب التسويق التانية
خصوصاً اللي بتتطلب استثمار مالي زي مثلاً الإعلان علي اللوحات اللي في الشارع أو في التليفزيون أو عن طريق الإنترنت.
طب ياتري ايه هي مميزات الـ PR Marketing ؟؟
✅ المرونة
زي ماقولنا قبل كده ان العلاقات العامة تعتبر وسيلة تسويق مميزة ممكن النتايج بتاعتها تتفوق علي نتايج الحملات التسويقية المدفوعة
ومش بس كده .. كمان تعتبر أسلوب تسويق مرن ينفع للترويج في اي حاجة تقريبا،
زي الشخصيات السياسية مثلا. لما حد سياسي يترشح عشان يوصل لمنصب مهم
فهو على الأغلب لازم يوظف وكالة علاقات عامة تحسن صورته وتسويقه للناس اللي هيصوتوا ليه عن طريق وسائل الإعلام.
✅ تسويقه مجاني
في أغلب الوقت في ناس كتير بتعاني من أزمة الفلوس عشان تقدر تعمل حملة إعلانية ضخمة وتقدر توصل لجمهورها
غير كمان ان الدولار بيزيد وده اللي خلي الناس تواجه صعوبة اكبر انهم يعملوا اعلانات ممولة
وده الميزة المهمة اللي في الـ PR Marketing
لكن اللي لازم تعرفه عن الخدمات المجانية ديه أنها لمش بتيجي من غير مقابل
وطبعاً هنا انا مش بقصد المقابل المادي .. اقصد خدمات تانية بتقدمها كصاحب الشركة أو المشروع للصحفي اللي هيكتب عن منتجاتك أو خدماتك
✅ العائد أو التأثير الفعال
هقول واعيد تاااااني و خصوصاً بالنسبة للشركات الناشئة أو الصغيرة
العلاقات العامة بالنسبالها موضوع مهم ونتايجه أحياناً بتتفوق علي الإعلانات الممولة اللي ممكن تصرف فيها فلوس كتير اوي
. فرأيي.. مقالة واحد في صحيفة محلية هيوضح ازاي خدماتك ليها تأثير إيجابي في حياة عملائك احسن بكتير من إعلان مدفوع في نفس الصحيفة.
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing