Blog
الـ Video SEO
الـ SEO يعتبر من أهم مراحل نجاح أي مجال وبالأخص علي Google
لانك كل ماتشتغل علي تحسين محركات البحث وانك تختار الـ Keywords بعناية وتشوف ايه اللي عليه منافسة كبيرة
وايه اللي ممكن جمهورك يعمل Search بيه .. كل ما هتنجح وتظهر في أوائل صفحات Google
بس انا هنا انهارده جاي اكلمك على الـ Video SEO
✅ ايه هو الـ Video SEO ؟؟
تقنيات الـ SEO أو تحسين محركات البحث بتعتبر مجموعة من التقنيات والاستراتيجيات اللي بتستخدم لمساعدة المحتوى
عشان يكون معروف اكتر من محركات البحث نفسها ويوصل لمراتب عالية جداً
ولما أي حد بيعمل Search في المواقع زي مثلاً Google أو Bing بيلجأ للكلمات الرئيسية والمعروفة بالـ Keywords
ولازم الـ Keywords تكون متخصصة في المجال الخاص بيك ومش أي كلمة وخلاص
لا انت لازم تكون عارف انت بتكتب ايه بالظبط وبتختار انهي كلمة بالظبط
عشان طبعاً مش كل الكلام المختص بالمجال الخاص بيك ينفع نختاره
لازم نختار تفاصيل التفاصيل .. يعني لازم نختار كلام من كلام كتير جداً يخص مجالك
علي سبيل المثال لو انت رايح تشتري طماطم مثلاً .. هل ينفع تختار اي واحده قدامك .. مع ان كلهم طماطم ؟؟
لا طبعاً انت لازم تختار المميزة بينهم عشان لما تعمل الأكل يكون طعمه حلو
كذلك الـ Keywords لازم تهتم بيها عشان توصل لأعلي المراتب
✅ ايه اهمية استراتيجية الـ Video SEO ؟
استهلاك الفيديوهات على الانترنت مش بيقف أبداً بالعكس هو مستمر
كفاية وانت بتقلب في الـ Feeds هتلاقي قنبلة Videos علي الـ TimeLine مش بتخلص 😂
وفي وقت قصير جداً ادركت الشركات ان استخدامهم للفيديوهات مهم جداً ومميز عن أي محتوي تاني
فـ من خلال استراتيجيات التحسين، هتكون محركات البحث قادرة على تحديد موضوع الفيديو نفسه
ومن خلاله هيتم تصنيفه من خلال أهميته واللي موجود فيه ومن خلال ده هيتم عرضه من ضمن نتائج البحث من أجل المستخدم.
✅ ازاي بيصنف Google الفيديوهات ؟؟
عن طريق انه ياخد اكتر من عامل علي سبيل الإعتبار زي مثلاً
لو الصفحة بتحتوي علي فيديو خاص بالشركة هيبدأ يعرف هل الفيديو ده خاص بالشركة
وهل بيحتوي علي Keywords ولا لأ ؟؟ وهل الـ Keywords متكررة قد ايه ؟؟
ومن خلال الأسئلة ديه لما يعرف أجوبتها بيتم تصنيف الفيديو
وكمان وصف الفيديو نفسه بيساعد علي تصنيف الفيديو أفضل
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing