Blog
الـ Blog مش أي حد يعملها و أي حد يستخدمها و مش كل المجالات مناسبة إنها تستخدم الـ Blog في شغلها
لإن لو إنت من الناس إللي كل إللي يهمك في شغلك إنك تبيع و تجيب فلوس ، الـ Blog بالنسبالك هتبقي عبارة عن مضيعة للوقت و المجهود
لإنك ساعتها مش هيجي في دماغك أصلاً تكتب Articles و تعرضها علي عملائك
لكن إنت لو من الناس إللي مش كل همها إنها تبيع و تجيب فلوس و عايز تزود جمهورك بالمعلومات و الإلهام و تبني ثقافة جديدة في مجالك
و تعمل جمهور مثقف و علي دراية كاملة بمجالك و الـ Tricks إللي فيه … يبقي تعالي أقولك تعمل إيه بالظبط
– إيه الفائدة من إنك تعمل Blog ؟!
في قاعدة مشهورة بتقولك إن إنت المفروض 20% من المحتوي إلي بتقدمه للجمهور يكون بيعي و 80% يكون Value بتقدمها لجمهورك
و ده بيسلط الضوء علي أهمية إنك تزود جمهورك بالمعلومات و تكون إنت سبب إلهامهم و إنت المصدر الموثوق فيه و إللي لو عطلوا في أي حاجة و أي حاجة وقفت قدامهم يرجعلوك إنت
لإن إنت كده بتكسب إللي أهم من الفلوس و البيع … بتكسب ثقة جمهورك و لو كسبت الثقة يبقي إنت كسبت كل حاجة
و مثال علي ده :
مثلاً إنت و صاحبك كل واحد فيكوا قرر يجيب موبايل
فصاحبك قرر يجيب iPhone و إنت قررت تجيب موبايل من شركة تانية غير Apple علشان تكلفته أقل بكتير
طيب إيه الفرق بينك و بين صاحبك ؟!
أكيد صاحبك برضو خايف علي فلوسه و مش مبزر مثلاً و عايز يرمي فلوسه في الأرض
الفكرة إن شركة Apple كسبت ثقة صاحبك و خلته يجيب موبايل بسعر ضعفين ولا 3 أضعاف موبايل من شركة تانية
علشان ريحته و وفرتله مواصفات و إمكانيات مش في موبايل تاني
هي دي بقي الثقة إللي بكلمك عليها و إللي هتخليك تكسب عملائك و جمهورك و هتلاقي أصلاً جمهورك ده بيجيبلك جمهور تاني و بيرشحك لأقرب الناس ليهم
– طيب إزاي تعمل Blog ؟
الـ Blog بتتكون من كذا حاجة كده هقولك عليهم و راجعهم معايا و ماتخليش حاجة ماتعملهاش في إللي هقولهولك دلوقتي
1- الـ Keywords
طالما قولنا Blog يبقي بنتكلم علي Google Search Engine ، و طالما قولنا Google يبقي بتتكلم عن Keywords
الـ Keywords هي الكلمات إللي جمهورك هيلاقيك بيها علي Google
هي إللي أول ما يكتبها في الـ Search إنت هتظهرله
علشان كده لازم تختار Keywords عليها منافسة عالية و تكون Searchable و متداولة بين الناس
شوف أكتر موضوع جمهورك بيتكلم عنه في مجالك أو بيواجههم فيه مشكلة و إبتدي إنت إتكلم عنه و حللهم المشكلة دي
و إستخدمه كـ Keyword
2- الـ Content
محتوي الـ Article إللي هتكتبه و تقدمه لجمهورك لازم يتوفر فيه 4 حاجات
– أول حاجة لازم يكون سهل ، بسيط ، مش معقد
عارف إن الـ 3 كلمات هم هم و نفس المعني بس حبيت أوضحالك بكلام كتير
المهم إنه مايكنش طويل و معقد و تكون مبسطلهم الدنيا خالص
– تاني حاجة يكون فعلاً فيه إضافة إنت بتضيفها ليهم من خلاله
يعني يكون فيه معلومات و حاجة تخليه يحس إنه فعلاً إستفاد لما دخل يقرأ الـ Article إللي إنت قدمتهاله ، مش يحس إنه ضيع وقته معاك
– تالت حاجة إنه مايكنش في أخطاء إملائية كتير ، و ما يكنش في أخطاء إملائية أصلاًَ
– رابع حاجة إنه مايبقاش مسروق من أي حتة أو حد تاني لإن ده هيجيب معاك نتيجة عكسية بحتة و هتلاقي الـ Website بتاعك بيبقي في النازل
3- العنوان
عنوان المقالة لازم يكون بيشد و ملفت و يجبر إللي بيقرأه إنه يخش و يقرأ الـ Article
لازم تثير فضوله و تخليه عايز يعرف و يقرأ عندك أكتر و أكتر
و ده عن طريق عنوان يكون مطرقع كده
بس يا سيدي بكده إنت عرفت أهمية الـ Blog و إزاي تعمل Blog و ليه أصلاً تعمل Blog
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing