Blog
مشروعك صغير ؟ ارشحلك Instagram
زي ما بيقولك كل فولة وليها كيال .. كل Campaign وليها الـ Platform المناسبة
وده عشان تقدر توصل لجمهورك بكل سهولة وعشان تحقق ارباح من غير خساير
مشروعك صغير ؟ ارشحلك Instagram
واختيارك للـ Platform المناسبة يعتبر خطوة أساسية في بداية أي مشروع سواء كان صغير أو كبير
وعشان كده مشروعك صغير ؟ ارشحلك Instagram
الـ Instagram يعتبر من الـ Platform المهمة جداً واللي بيكون ليها دور في نجاح أي Business صغير
واحب ابشرك .. انك لو الميزانية بتاعتك صغيرة أو حتي انت بطولك في المشروع ده ومافيش معاك Team
فالـ Instagram يعتبر الـ Platform المناسبة ليك
فلو انت من اصحاب المشاريع الصغيرة .. ركز معايا كويس في الكلمتين والكام خطوة اللي هكلمك فيهم عشانه ربنا يكرمك 😂
✅ حدد انت عايز ايه بالظبط
مافيش شك ان الـ Instagram زي ماقولنا اعم منصة ليك لو مشروعك صغير وعشان كده .. انت لازم تعرف عايز ايه منه عشان حملتك تنجح
ماينفعش تكون عايز تعمل اعلان عليه وانت مش عارف او مش محدد ايه هو هدفك
لازم تكون عارف انت عايز ايه بالظبط هل عايز
– زيادة مبيعات
– عايز تعلي الـ Traffic بتاع الـ Website بتاعك
– زيادة الوعي بالـ Brand بتاعك
– زيادة التفاعل على صفحتك
بمجرد ما يكون عندك هدف محدد تقدر تستخدم المحتوى المناسب ليه
✅ ظبط الـ profile بتاعك
ينفع لما يكون عندك ضيوف ماتكونش مروق الصالة ؟؟ 😂
أو مش محضر اي حاجة يشربوها .. الناس هتاكل وشك صح ؟؟
ده بالظبط اللي لازم تعمله في صفحتك علي الـ Instagram
انك تظبط الـ profile بتاعك وخصوصاً لو انت فاتح مشروع
طب ليه واشمعنا يعني لو انا فاتح مشروع ؟؟
عشان ببساطة الناس اللي هتشوف اعلانك ده 100% هيدخلوا علي الـ profile بتاعك
عشان يثقوا فيك ويبدأوا يتعاملوا معاك كمحل ثقة
ولو انت مش مظبط صفحتك مش هيكون في ثقة من الجمهور اتجاهك
ولازم تحط الـ Logo الخاص بيك كصورة الـ profile بتاعك عشان يفضل في ذهن كل شخص يشوفك
✅ قدم لهم هدية
اتكلمنا في الموضوع ده قبل كده بس متفتكرش ان الخطوة ديه بتتعمل لأصحاب الشركات الكبيرة بس .. لا بالعكس
أصحاب المشاريع الصغيرة المناسب ليها انها تعمل عروض ومسابقات لجمهورها
عشان تقرب منك اكتر وخصوصاً ان الـ Instagram هيساعدك في كده
لانه بيزود الوعي للـ Brand بتاعك
وبسبب الهدايا ممكن تعزز من مكانتك وسط جمهورك
وكمان هتخلي الناس تسعي انهم يدخلوا الـ Profile بتاعك
✅ الـ Stories يا عزيزي
الـ Story وخصوصاً في الـ Instagram بيكون عليها تفاعل كبير جداً جداً جداً
عشان الجمهور بيكون مهتم بيها أكتر من الـ Posts اللي بتنزل
وعشان كده انت لازم تستغلها في شغلك ومجالك
بمعني .. انك كل يوم تنزل Stories علي صفحتك
ومش بس كده انت اللي هتنزله لازم يكون عروض وخصومات وحاجة تلفت انتباه جمهورك ليها
دايماً دور علي المكان الافضل في صفحتك وأظهر فيها مميزاتك عشان تلاقي مردود كبير عليها
✅ أسلوب المحتوى بتاعك
خلي بالك ان الـ Instagram مش زي أي Platform تانية .. المنصة ديه مش بتحب الكلام الكتير
يعني لو انت بتقدم منتج اكتب عنه سطرين ولو في عروض اظهرها
غير كمان الهاشتاجات بتاعته مش زي الفيس مثلا .. الـ Instagram بيحتاج من 15 لـ 30 هاشتاج يكون ليه علاقة بالمنتج الخاص بيك
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing