10 طرق بسيطة وسهلة لكتابة مقدمات أقوي

10 طرق بسيطة وسهلة لكتابة مقدمات أقوي

في كتير جداً من الخطوات اللي تخلي كتابتك للعناوين ممتازة وتخلي الشخص اللي بيقرأ الـ Posts بتاعتك

إقناع جمهورك إنهم يقروا الـ Post بتاعك يعتبر شكل من اشكال الفن والأبداع

ولو إنت مش بتعرف تعمل حاجة زي ديه فأنت هتواجه معاناة كبيرة للأسف 

مابين كل اللي بيقرأ في منهم 10٪ مش بيكملوا الـ Post 

طب إزاي نقدر نخلي الناس تهتم بالـ Post أكتر من كده ؟؟ 

في طرق كتير ما بينهم إنك تهتم بكتابة العنوان نفسه 

وفي المقالة ديه هنتعرف على 10 طرق بسيطة وسهلة لكتابة مقدمات أقوي 

✅ حافظ على الجملة الأولى القصيرة 

في جمهور كبير جداً بيعجبوا بالجمل القصيرة.. وده معناه إن الناس ديه بتفهم العنوان و مضمونة بسرعة 

في بعض الأحيان الـ Content Creator بينشغل ببداية المقدمة عشان بيكون حريص إنها تكون جملة قصيرة توصل مضمون الـ Post 

لإن كل ما الجملة قصيرة كل ما كانت مريحة بالنسبة للجمهور 

عشان بيكون وصله المعني وفي نفس الوقت ما أخدش وقت في قراءة المقدمة 

ولازم المقدمة يكون كل جملة فيها مضمونة وفي صميم الموضوع 

 علي عكس الجملة الطويلة اللي بتزعج الجمهور

✅ ادخل دخلة مش عادية

ممكن تكون سمعت نصيحة زي ” حاول تجذب إنتباه الشخص اللي بيقرأ “

بس ياتري.. إيه هي الحاجات اللي بتجذب إنتباه الجمهور بيها ؟؟

إنت ممكن تسرح بخيالك وتقعد تفكر في إزاي أعرف أجذب الإنتباه

هتلاقي دماغك بتوديك لحتة ماينفعش تطبقها في الواقع

بس ممكن توصل لنقطة فاصلة بين الخيال والواقع تطلع منها بدخلة مش عادية تقدر تفاجئ بيها جمهورك

حاول تخلي دخلتك غريبة خليهم يقولوا ” اوباااااا إيه ده في إيه ؟؟ ” 

✅ اوعي تكرر العنوان

تكرار العنوان غلطة كبيرة جداً.. افرض شخص خلاص قرأ العنوان بتعيده تاني ليه ؟؟

حاول بدل ما تعيد العنوان صيغه بطريقة تانية بحيث إنك تقدر تمهد الـ Post للجمهور بحيث إنه يكون مؤهل وعارف هو هيقرأ إيه

وطول ما انت بتستخدم الكلام المظبوط واللي عارف من خلاله إنك تقدر تجذب إنتباه الجمهور 

طول ما هتلاقي نفسك بتبتكر حاجات جديدة ومختلفة 

✅ العميل خلقه ضيق 

حاول تحافظ على الخاص صبر العميل وإنت بتكتب الـ Post عشان توصل للمرحلة دي 

حاول تختصر في كلامك دايماً وتكون دقيق في معلوماتك في المقدمة 

ودايما وإنت بتكتب مقدمة أي Post تكون عارف إن العميل صبره قليل 

✅ استخدم كلمة ” أنت” مرة واحدة على الأقل 

كلمة ” انت” تعتبر قوية جداً للي بيقرأ الـ Post عشان بتحسسه بالاهتمام وانك بتتكلم معاه مباشرةً 

ديه تعتبر خدعة بسيطة تخلي جمهورك يهتم بيك ويتشد من المقدمة 

✅ استخدم جملة أو جملتين توضح بيهم الموضوع 

حاول تثبت جملة أو اتنين وإنت بتتكلم مع جمهورك عشان تثبت في ذهنهم ويعرفوا إيه مضمون الموضوع 

يعني على سبيل المثال لو إنت بتتكلم عن الصيف وحددت جملة ” الشواطئ في الصيف ” 

ممكن تقول السنادي ” الشواطئ في الصيف ” بتكون مليانة على آخرها 

عشان الناس بتحب تروح ” الشواطئ في الصيف ” 

و “الشواطئ في الصيف “ الأمواج بتكون فيها عالية….. وهكذا 

✅ خصص جملة أو اتنين توضح فيهم أهمية المحتوى 

ممكن يكون الموضوع بالنسبالك واضح وصريح بس بالنسبة للجمهور لا 

عشان كده في وسط الكلام حاول تشرح للجمهور أهمية المحتوى 

عشان بالطريقة ديه هتجبر الناس إنهم يقروا الـ Post 

✅ حذر الجمهور من أي مشكلة ممكن تقابلهم 

لو تقدر توضح مشكلة بتواجه الجمهور Direct في بداية المقدمة ده يكون افضل بكتير 

لإن خطوة زي ديه تقدر من خلالها تجذب إنتباه الناس اللي بتعاني من المشكلة ديه وتخليها تكمل الموضوع وتكون مهتمة تمهل تكمله للاخر 

ولما توضح المشكلة لازم بعدها توضح حلها على طول عشان ديه بمثابة حتة الكريز اللي بنزين التورتة في الاخر 

✅ خلي بالك من ترتيب أحداث المحتوى 

لازم تكون حريص وإنت بتكتب الـ Content إنك ترتب أحداث الموضوع كويس جداً بحيث إنه يكون فيه جزء من الفضول مش صغير

يشد انتباه الجمهور كل شوية وكل ما يفقد الشغف والفضول تخليه يكون عنده فضول تاني إنه يكمل الموضوع تاني 

✅ أتكلم عن أحداث بتحصل وبتثبت أساس المحتوى 

أي صحفي لما بيبدأ يتكلم عن قصة مثلا بتلاقيه بيجبلك إحصائية بتثبت الكلام اللي بيقوله 

فهتلاقي الناس عندها فضول تعرف الموضوع كله بسبب إنها شافت حاجة بتثبت كلامك كله 

على سبيل المثال لو إنت سباك وبتتكلم عن استبدال الأنابيب.. ممكن توضح إحصائية توضح فيها إيه التوقيتات اللي بتنفجر فيها الأنابيب 

هتلاقي اهتمام من جمهورك كبير عشان ديه مشكلة بتواجه ناس معينة مثلا 

ودول كانوا أهم 10 طرق بسيطة وسهلة لكتابة مقدمات أقوي

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing