Blog
في ناس كتير عايزه تدخل مجال الـ Marketing بس مش عارفين يعملوا إيه.. في ناس بيبقي في دماغها منتج أو فكرة مشروع عايزه تبدأ فيه بس مش عارفه تعمل إيه.. تعالي نتعرف إزاي تقدر تبني عملك الخاص في 30 يوم
✅ في اليوم الأول
بتسأل نفسك.. ابدأ إزاي وعمال تحلم يعالم مليان إبداع ومتحمس جدا عشان كدة في البداية لازم تحدد إيه إللي هاتعمله.. شوف موهبة أو هواية ممكن تعملها بكل سرور مجاناً ومتقدرش تمل منها في يوم من الايام أو تتعب منها
هي ديه الروح إللي لازم تضيفها علي شغلك الإبداعي.. الرغبة في فعل إللي إنت بتحبه حتي لو إنت الشخص الوحيد إللي هايقيم موهبتك ديه.. المهم أبدا
✅ في اليوم التاني
اختبر قابلية تسويقك للمنتج إللي إنت عايز تمشي فيه
في أكتر من طريقة مش بس عشان تختبر قابلية تسويقك ولكن عشان كمان لتحسين الرؤية و القدرة علي البحث علي إيه المنتجات الحالية إللي ممكن تحصل عليها في السوق
فـ لو إنت لسه ما بدأتش في إطلاق واجهة المتجر الخاص بيك.. هتلاقي الأدوات ديه مفيده طول فترة نشاطك
✅ في اليوم التالت
حاول ماتخدش الأمر علي محمل الشخصي بمعني..
لما تيجي تعمل أي هواية ليك زي لو بترسم حاجة لصديقك أو والدتك وتيجي تنزل الرسمة ديه علي الـ Social Media علي سبيل البيع.. هنا بتتحول هوايتك لعمل تجاري.. ومع ذلك معظم الناس إللي بتبيع حاجات يدوية فاشلين في ادراك الموضوع ده
✅ في اليوم الرابع
هتسمي شغلك إيه ؟؟ إفتكر الجملة ديه. أعمل شغلك بنية البيع هتساعدك الجملة ديه بصفتك صاحب الشغل علي التفكير علي المدي الطويل
✅ في اليوم الخامس
قلل من نفقاتك.. من آكتر الأخطاء شيوعاً إللي بيرتكبها أي شخص بيبقي لسه بادئ جديد إنه بيشتري مستلزمات الشحن أو احتياجات عمل بشكل فردي من متجر محلي بدلاً من إنك تشتري من مورد بالجملة علي الـ Enternet
✅ في اليوم السادس
كيفية تسعير المنتج الخاص بيك.. أدرس السوق كويس وشوف منافسيك بينزلوا أسعارهم إزاي واعمل لنفسك سعر يكون متوسط مايكونش غالي آوي و مايكونش رخيص آوي عشان لو عملته غالي طبعا الناس هاتروح للي أرخص ولو عملته رخيص آوي الناس هاتقلق من جوده المنتج ومش هايشتروا برضو وطبعا أهم حاجة لازم جودة المنتج تكون كويسة جدا عشان هاتميزك عن غيرك
✅ في اليوم السابع
التعبئة والتغليف.. الأولوية ورقم واحد هو الحصول على المنتج الخاص بيك للعميل سليمة وتكون معبئة بشكل صحيح.. دايماً إفتكر وتحط في إعتبارك تجاربك مع التسوق علي الـ Enternet لما كان بيوصلك طلبك لحد باب بيتك
وتقيم يأما طريقة وسرعة التوصيل اذهلتك يأما عادي والمتوقع يأما تبقي مستاء من الأسلوب التوصيل
✅ في اليوم الثامن
الشحن.. طبعا زمان كان بيتم الشحن عن طريق البريد دلوقتي الموضوع أتغير وبقي في طرق أسهل وأسرع واكثر أمان وده إللي بيخلي الطلب يوصل من خلاله يبقي كتير عشان كدة لازم تختار الوسيلة إللي هاتبعت فيها المنتج الخاص بيك
✅ في اليوم التاسع
تصوير المنتج.. صورك هي أول حاجة بيلاحظها الجمهور ومش هاينفع تعلم نفسك إنك تصور المنتج وعشان كدة ميزة الـ Photographer إنه قبل ما بيصور حاجة عينه بتلقط الزاوية إللي لو اتلقطت بيها المنتج هايبقي مثير
لازم صور المنتج بتاعتك تكون محترفة وتثير الجمهور
✅ في اليوم العاشر
دور على الموقع إللي هاتنزل فيه المنتج بتاعك ماتختارش مواقع مش معروفة بحيث إنك تقدر تبرز وتظهر المنتج الخاص بيك وعشان كده لازم تختار الموقع المتميز إللي يجقر يوفرلك كل ده
✅ في اليوم الحادي عشر
إنك تألف نصوص كاملة.. Copywriting أو بمعني أصح وصف لشغلك كله عشان العميل لما يدخل علي الـ Page أو الـ Blog الخاص بيك يعرف كل حاجة عنك ويثق فيك آكتر
✅ في اليوم الثاني عشر
خصص Platform لشغلك.. حدد انهي منصة تبرز فيها شغلك بشكل أكبر ولازم تبقي عارف حجم جمهورك علي المنصة ديه قد إيه بحيث إنك تقدر توفرلهم المنتج بتاعك وتحقق ربح كبير
✅ في اليوم الثالث عشر
أعملك Blog لنفسك.. لازم تعمله بشكل منظم بحيث إللي يزوره يكون مرتاح نفسياً وهو جوا
✅ في اليوم الرابع عشر
أساسيات الـ Social Media.. لازم تكون عارف كيفية استخدام الـ Facebook و Twitter و Pinterest و Instagram
✅ في اليوم الخامس عشر
عزز سمعتك علي الـ Social Media.. تتكون سمعتك علي الـ Social Media من التعليقات والثقة إللي بتديها لجمهورك عشان يستفيد منك ومن شغلك
✅ في اليوم السادس عشر
حاول تشوف أصحاب الأعمال إللي مختصة بمجالك بيعملوا إيه وخد الفكرة واعمل منها إنت شكل تآني وصيغة تانية خاصة بيك.. مش عيب لما تكون مبتدئ لسه وتنزل أو تاخد فكرة وتغيرها إنت بأسلوبك
✅ في اليوم السابع عشر
حاول تختار الـ Keywords الخاصة بيك بعناية وبدقة.. إنت في السوق ومعاك منافسين كتير لازم عشان تظهر وتبقي في الـ Top لازم تكون الـ Keywords تكون مدروسة
✅ في اليوم الثامن عشر
أعمل Email list.. عشان تبقي علي اتصال وبإنتظام دائم مع عملائك.. الموضوع ده هايفرق معاك جداً في المجال الخاص بيك
✅ في اليوم التاسع عشر
حاول تثبت وجودك ويكون وجودك قوي ومتماسك.. لازم يكون عملائك مشغولين ومتهمين بيك وبمجالك لان ده هو البيئة الأساسية لجذب زوارك وتحويلهم من عملاء مهتمين لعملاء جادين و مشتركين
✅ في اليوم العشرون
حاول تستهدف الجمهور الصح وتحدد عميلك المثالي لأنك بتدفع فلوس في الإعلانات إللي إنت بتنزلها عشان كده إنت مش مضطر ترمي فلوسك في الارض ومع ناس مش مهتمة بمجالك وعشان كده لازم تختار وتحدد جمهورك المستهدف وإللي فعلا مهتم بمجالك
✅ في اليوم الواحد و العشرون
الـ Branding.. علامتك التجارية القوية بتدي رسالك لعملائك إنك جاد وتزيل أي شكوك في شغلك ومجالك عشان كده لازم تنقل الانطباع الأول لجمهورك عن طريق علامتك التجارية
✅ في اليوم الثاني و العشرون
لازم تدي لنفسك وقت للراحة و الاسترخاء وده فيه مميزات كتير تفيدك إنت شخصياً من حيث الراحة وتفيدك في شغلك بحيث إنك تدي لنفسك مساحة للتفكير العميق في كيفية تطوير شغلك ومجالك
✅ في اليوم الثالث و العشرون
لازم تنظم وقت ومجهودك في إنجاز شغلك وده حاجة مهمة لازم تاخد بالك منها.. ماتضيعش مجهودك ووقتك علي حاجة واحدة عشان تخلصها وأكتشف إن في أكتر من حاجة لسه مأنجزتهاش وللأسف مافيش وقت ليها
✅ في اليوم الرابع والعشرون
كنت قولتلك فوق حافظ علي رأس مالك وماتصرفش كتير عشان تمويلك بس ده مش معناه إنك تهمل تمويل إعلاناتك أو بمعني أصح ماتدفعش المبلغ المطلوب في تمويل إعلانك.. كل لما تصرف علي إعلانك آكتر كل لما يجيلك مردود
✅ في اليوم الخامس والعشرون
لما تيجي تقدم نفسك للجمهور أو للعملاء حاول تبسط المقدمة إللي هاتوجهها ليهم في جملتين ولازم الجملتين دول يكون واضحين وفيهم كل حاجة إنت عايز تقولها.. حاول تكون بسيط
✅ في اليوم السادس والعشرون
حاول دايماً تدور علي إيه إللي يبهر جمهورك بيك.. حاول تخلي أي عميل يتعامل معاك أول مرة يكون دائم معاك مش لمجرد مرة وخلاص
ماتفكرش في أي عملية بيع علي إنها صفقة لمرة واحدة بس حاول تبص علي عملية البيع بمنظور أكبر من كده استغل العميل وحاول تخليه يتعامل معاك مرة و آتنين وتلاتة حاول تخلي عميلك مخلص ليك مدي الحياة
✅ في اليوم السابع والعشرون
حاول تختار الجمهور إللي هاتوجه ليهم الإعلان وتستبعد الجمهور إللي مش عايزه يشوف إعلانك علي سبيل المثال.. إنت بتشتغل في دار مسنين وعايز تستهدف الناس الكبيرة في السن.. ماتجيش تستهدف الدكاترة و المنافسين
✅ في اليوم الثامن والعشرون
حاول لو إنت هاتتعامل مع الـ Social Media وتيجي تنزل Post تختار كتابتك للـ Content بطريقة واضحة وصريحة مع العملاء وحاول ماتعملش Content كبير.. استغل دايماً كل كلمة توضح شغلك ومجالك للعميل بحيث إنه ينجذب ليه عن طريق كتابتك للمحتوي
✅ في اليوم التاسع والعشرون
اختيارك للـ Design مهم جداً لأن أول حاجة العميل بيبص عليها لما يشوف الإعلان هو الـ Design عشان كدة لازم تختاره بدقة وتركيز وتختار الألوان إللي بيها تقدر تجذب عميلك المهتم وتختار الكلام إللي هايكون مكتوب علي الـ Design
✅ في اليوم الأخير
أحب أقولك مبروك إنت كدة عملت شغلك مظبوط وبدقة دلوقتي تقدر تنزل وتنافس في السوق بس أهم حاجة… لو غلطت في حاجة تخص مجالك حاول تشوف مشكلتك إيه وتحلها فوراً ما تيأسش وتقول أنا مش هنجح.. راجع شغلك أول بأول وركز واشتغل علي اخطائك عشان ده هيفيدك إنك تتعلم منها وفي نفس الوقت يخليك قوي في الـ Marketing