Blog
السوشيال ميديا دلوقتي يعتبر مافيش حد في العالم مش بيستخدمها
و ده لإنها مبسطة و مسهلة علي الناس حاجات كتير جداً كانوا بيواجهوا صعوبة أو مجهود أكبر علشان يوصلوا ليها أو ينجزوها
زي مثلاً الأخبار … زمان كانوا يستنوا الأخبار في الراديو علشان يسمعوها الصبح … و إللي كان بيفوته الأخبار الصبح مايعرفش يسمعها تاني و بكده أخبار اليوم ده خلاص سقطت منه
دلوقتي ربنا يخلي لينا اليوم السابع و غيره من Websites الأخبار … تقدر تخش عليه و تعرف أخبار كام شهر فاتوا مش بس أخبار النهارده
و برضو الشغل … علشان الناس يدوروا علي شغل زمان كان لازم الواحد يصحي الصبح بدري و ينزل من أول اليوم لآخره يلف علي المحلات و الشركات و يسأل علي شغل و يرجع آخر اليوم تعبان و مهدود و هكذا تاني يوم برضو
دلوقتي في Websites توظيف بتوصل الشركة إللي طالبة ناس للتوظيف بالناس إللي عايزة تتوظف و هي قاعدة في بيتها من غير أي مجهود ولا هدة حيل
ده غير التواصل و الرسائل بين الأشخاص … زمان كان التواصل عن طريق الرسائل البريدية و تستني وقت معين ساعي البريد يعدي عليك يوصلك رسالة مبعوته ليك من مدة فاتت لسة وصلالك دلوقتي
دلوقتي بقيت بدوسة واحدة تتواصل مع إللي عايز تتواصل معاه و تكلموا فيديو في أقل من ثانية
كل دي أسباب و غيرها كتير كمان خلت الناس ماتعرفش تستغني عن السوشال ميديا في حياتها
علشان كده أنا النهارده جي أكلمك عن أهمية السوشيال ميديا في حياتنا و كانت إيه و بقيت إيه دلوقتي
– أول ظهور للسوشيال ميديا
وفقاً للموقع الأشهر في العالم و المرجع الأصدق Wikipedia
أول ظهور للسوشيال ميديا كان في سنة 1995 و كان Website إسمه Classmates.com و كان الـ Website ده معمول علشان يتم التواصل بين زملاء الدراسة
و بعديه إتعمل Website تاني إسمه SixDegrees.com في سنة 1997 و كان معمول علشان برضو يربط بين الأشخاص
و في المواقع دي كان بيبقي موجود الملفات الشخصية الخاصة بالمستخدمين ( Profiles ) علشان يتعرفوا علي بعض
بس الـ Websites دي ماحققتش الربح المطلوب لمؤسسيها علشان كده إتقفلت
– تطور السوشيال ميديا
ظهرت بعدها تاني Websites في سنة 1999 و سنة 2001 و برضو ماحققتش الربح الكافي و إتقفلت
بس في بداية سنة 2005 ظهر Website جديد حقق شهرة عالية جداً أكتر من Google إسمه MySpace
و ظهر معاه الـ Website المنافس ليه و الشهير و هو الـ Facebook
بس الـ Facebook في سنة 2007 أتاح للمطورين إنهم يعملوا التطبيقات و إللي بسببها زاد عدد مستخدمين الـ Facebook
و فضل في تزايد مستمر لحد وقتنا ده و إللي وصل عدد مستخدمينه لـ 800 مليون مستخدم في العالم كله
بعد كده بقي إبتدي يظهر Websites و Platforms تانية كتير و إللي منهم Twitter إللي ظهر في 2006
و إللي برضو لحد وقتنا هذا في تطور و زيادة مستمرة و إللي بقي ليه جمهوره الخاص بيه
و في الآخر زي ما قولنا .. إن السوشيال ميديا من الأول أخترعت و إتأسست في الأصل لخدمة الناس و التسهيل عليهم
و بالفعل سهلت علي الناس كتير جداً من الحاجات و العادات إللي بتعملها الناس في حياتها اليومية
و زي ما قولنا منها معرفة الأخبار و التواصل بينهم و البحث عن وظائف و غيرهم
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing