Blog
إزاي تبني البراند الخاص بيك
- ديسمبر 29, 2021
- Posted by: admin
- Category: Uncategorized
علشان تعمل Brand ويبقى مشهور والناس تثق فيه لازم تبقي بتقدم للناس حاجة تفيدهم … يعني لازم يبقي Brand هادف
و الكلام ده دلوقتي بقي سهل في وجود الـ Social Media .. بس بيحتاج إستراتيجية علشان تحققه
علشان كده انا جاى النهاردة أعرفك إزاي تبني إستراتيجية سهلة و بسيطة و في نفس الوقت تقدر من خلالها تقدم محتوى هادف لجمهورك و تفيدهم
1- اسأل نفسك ” ليه ”
قبل ما تبدأ تفكر في أي محتوي … إسأل نفسك الأول ليه إختارت الـ Social Media أصلاً إللي تقدم فيها أو من خلالها خدمتك أو منتجك
إسأل نفسك ليه هتضيع وقتك فيها
لما تسأل نفسك و تعرف هدفك من الحاجة دي قبل ما تعملها … هتقدر تبني محتوى هادف و فريد و خاص بيك إنت
2- خليك متناسق مع الـ Brand الخاص بيك
مهم جداً إنك تحدد شكل الـ Brand بتاعك و تختاره بدقة و فكر
لأن تناسقك معاه هيسهل على العملاء إنهم يعرفوا مجالك من بس شكل الـ Logo بتاعك
و مش بس كده … دول كمان ممكن يرتاحوا ليك بسبب تناسق الألوان بتاعة الـ Logo
علشان كده إختيارك للألوان و لشكل الـ Logo مهم جداً و محتاج دقة و فكر
3- إستفز جمهورك
و الإستفزاز هنا المقصود بيه إنك تشوق جمهورك للخطوة التانية إللي ياخدها معاك
و ده بيوضح أهمية الـ Call To Action
لإن الـ Call To Action هي اللي بتطلب فيها من جمهورك يتابعك أو يبعتلك رسالة أو يجاوب علي سؤالك .. أو أياً كان إللي في المحتوى
علشان كده لازم تخلي طريقتك تشويقية مع جمهورك و تخليه عنده فضول ياخد معاك Action
4- قدم Value لجمهورك
قبل ما تبدأ تعرض أي محتوى .. فكر إذا كان المحتوى ده هيفيد جمهورك ولا لأ
و فكر ازاي تفيد جمهورك أكثر من تفكيرك في ازاي تبيع له
في قاعدة في الـ Marketing إسمها “ قاعدة الـ 80% / 20% ” القاعدة دي بتقولك إن علشان تبقي Brand ناجح لازم يبقي شغلك 80% منه عبارة عن Value بتقدمه لجمهورك .. أياً كان نوع الـ Value ده … و 20% من شغلك بتبيع لجمهورك
طبعاً رقم كبير بيوضح لك أهمية القيمة اللي بتقدمها لجمهورك و إن الـ Marketing مش كله بيع
5- ليه إنت ؟ .. ليه مش غيرك ؟
ده أول سؤال بيجي في دماغ العميل لما يشوف منتجك و أسعارك
و علشان تجاوب علي السؤال ده من غير ما تتكلم … بين إيه إللي مختلف فيك مش موجود في غيرك و بيميزك عنه … و خليك فخور بكدة .. لإن ده هيبقي سر نجاحك
و ده إللي هيخلي العميل حتي لو إنت بعيد عنه او أغلي من غيرك في السعر … هيخليك إختياره الأول و هيتعامل معاك مهما كنت فين أو مهما كان سعرك
6- و في الآخر … خليك مهتم بجمهورك
و علشان تبقي مهتم بجمهورك و يشوف منك ده كمان … يبقي تنزل Post كل يوم
طيب مهما عملت هتلاقي الأفكار مع الوقت بتخلص من دماغك
علشان كده أنا جايبلك 30 فكرة Post تنزل كل يوم فكرة .. تقدر تستخدمها كـ Plan لـ Posts الشهر كله
1- إتكلم و شارك جمهورك و قوله ليه إنت بدأت الـ Business بتاعك
2- شارك جمهورك و وريه حاجة كسبتها من الـ Business بتاعك
3- إسأل سؤال …سواء كان في مجالك أو برة مجالك … شوف جمهورك مهتم بإيه و إسأله فيه
4- علم جمهورك حاجة في مجالك .. ضيفلهم معلومات جديدة و مهارات جديدة
5- شاركهم و وريهم مكان عملك بصورة ظريفة و عرفهم المكان إللي بتطلعلهم منه الإبداع بتاعك
6- عرفهم إيه هي الـ Tools إللي بتستخدمها في شغلك .. و عرفهم Tools زيها جديدة تقدر تفيدهم و تساعدهم في شغلهم
7- شاركهم نجاحك في نهاية كل إسبوع … و عرفهم دايماً إنهم أهم سبب من أسباب نجاحك
8- إعمل Post فيه أحسن Quote إنت بتحبها …و Quotes تانية كتير …. الـ Qoutes بتأثر في ناس كتير و بتوصل ليهم المعلومة أسرع
9- وريهم إيه إللي بيحصل ورا الكاميرا … يعني لو في عمل معين عملته و عجبهم .. وريهم إحتاجت إيه علشان تعمله و إيه إللي حصل و إنت بتعمله
10- شارك جمهورك إيه إللي بيحفزك
11- نزل Comic أو Meme … الناس بتحب برضو إللي بيهزر مش كل الـ Posts بتاعته جد
12- إعمل عرض مغري لجمهورك علي منتجك أو خدمتك إللي بتقدمها
13- نزل Post إتكلم فيه عن آخر أعمالك أو إنجازاتك و إشرح لجمهورك إيه إللي عملته علشان تنجز الإنجاز ده
14- شارك جمهورك روتينك الصباحي
15- إعمل فقرة ثابتة كل إسبوع تبقي عبارة عن Lesson تعلم جمهورك فيه حاجة جديدة في مجالك
16- شارك جمهورك بنصيحة سريعة في مجالك
17- عرف جمهورك إيه هو كتابك المفضل أو نوع الكتب إللي بتحب تقرأها .. و إسألهم عن نوع الكتب إللي بيحبوا يقرأوها
18- إعمل Promote لمنتجك او الخدمة إللي بتقدمها
19- شارك جمهورك بحقيقة شخصية فيك او في مواضيع تانية
20- نزل Quote ملهمة .. و خلي الـ Post ده ثابت في كل شهر … Post خفيف و سريع و فيه معاني كتير و ناس كتير بتحبه
21- إعمل Promote للـ Email list بتاعتك
22- شارك جمهورك حاجة إنت بتكافح علشان توصلها .. عرفهم إنك ليك أهداف و طموحات و عرفهم إيه هي
23- إعمل Promote لـ Platform تانية و إطلب من جمهورك إنه يتفاعل معاك عليها
24- شارك جمهورك و عرفهم إيه هي أكتر Business Tool بتستخدمها
25- إعمل Promote لعرض إنت بتقدمه لجمهورك
26- إعرض لجمهورك آراء عملائك فيك و الـ Review List بتاعتك
27- إعمل Tag لـ Resource معين و قولهم ليه إنت إختارت الـ Resource ده بالذات
28- قول لجمهورك و عرفهم إنت كنت إيه و بعد شغلك و تعبك بقيت إيه
29- قول لجمهورك إنت ليه بتحب إللي إنت بتعمله أو ليه بتحب شغلك
30- إعمل Blog Post و إعرضه لجمهورك
و دول كانوا أهم خطوات تمشي عليها علشان تبقي Brand مميز و هادف و موثوق فيه
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ تسويق إلكتروني