Blog
استضافة قطر لكأس العالم سنة 2022 تعتبر من أفضل الخطوات اللي اخدتها دولة قطر
واللي عملته من شغل عشان تكون قادرة انها تستضيف بطولة زي ديه فهي بتثبت للعالم كله
إن العرب يقدروا يعملوا اي حاجة وان مافيش حد احسن من حد بل بالعكس
استضافة قطر لكأس العالم سنة 2022 تعتبر الأفضل في تاريخ بطولة كأس العالم
وده ليه .. هنعرفه مع بعض في المقالة ديه
✅ أغاني كأس العالم
هلا هلا هلا يلا حيهم ارحبو .. هلا هلا هلا يلا حيهم ارحبو
تعتبر أغاني كأس العالم من اهم الحاجات وأجملها على الإطلاق في البطولة والكل بيستناها من بطولة لبطولة
كلنا عارفين المغنية العالمية Shakira
تعتبر Shakira شعار كأس العالم الأساسي 😂 اول ما تسمعها تفتكر كاس العالم علي طول
وده في حد ذاته تسويق قوي لكأس العالم .. ولكن المرادي الأغنية العربية ( ارحبو ) غناء القطري ناصر الكبيسي
والسعودي عايض يوسف والكويتية حنين حسين هي اغنية كأس العالم واللي بتعبر فيها قطر عن ترحيبها الشديد لكل دول العالم
✅ البنية التحتية للملاعب
قطر قدرت تصرف أكثر من 220 ملياااار دولااار وده رقم محدش قدر يوصله قبل كده
و يعتبر عشرات الأضعاف اللي اتصرف على البطولة في النسخ اللي فاتت
وده اللي كانت بتشتغل عليه قطر من حوالي 12 سنة عشان تقدر تستضيف البطولة بالقوة ديه وفعلاً كانت قد المسؤولية
غير كمان ان قطر وفرت 8 ملاعب على اعلي مستوى وبأحدث التقنيات العاملية واللي بيها هتقدر توفر الراحة للجمهور والفرق
انت متخيل انه تم العمل على الملاعب وعلي المشروع كله من سنة 2010 !!!
ومن المتوقع انه يتم زيارة قطر حوالي 1.5 مليون مشجع لحضور الحدث التاريخى ده و ده اللي هيطور من السياحة في قطر
✅ خطوة ودفعة قوية للشركات
تعتبر خطوة استضافة بطولة كأس العالم في قطر خطوة إيجابية من حيث قدوم مشجعي المنتخبات من جميع البلاد لقطر
ده هيعزز الشركات في المنطقة
وبتقول نائب الرئيس التنفيذي ومديرة الأعمال في مركز قطر للمال إن تقديم نسخة كأس عالم قوية
ده هيثبت للعالم أن دولة قطر عندها الصناعة الرياضية قوية جداً وإن قطر عندها فرصة انها تحط نفسها
في مكانة كويسة جداًفي الخريطة الرياضية وسط بلاد قوية في المجال ده وعلي خريطة الأعمال التجارية
والإقتصادية الدولية
كمان قطر قدرت تدي فرصة لشركات ناشئة انها تبرز خدماتها للعالم كله وبالأخص الشركات المهتمة بالتكنولوجيا الرياضية
وتعتبر Sponix Tech إحدى الشركات القطرية اللي أثبتت فعلاً جدارتها في تغطية مباريات كأس العالم بأحدث التقنيات
في إدارة المباريات وإعادة اللقطات
✅ عائدات ومكاسب الـ FIFA
في بطولة كأس العالم سنة 2018 حققت FIFA حوالي 5.1 مليار دولار كمكاسب وهي بتزيد بنسبة 16% عن النسخة اللي فاتت
واللي كانت سنة 2014
غير أنها حققت اكثر من 3 مليار دولار من عائدات حقوق البث التليفزيوني خلال كأس العالم اللي فات
لسه هنشوف بقي النسخة ديه هتكون حققت كام
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing