Blog
اضرار السوشيال ميديا
لو إنت من الأشخاص اللي بتتعامل مع السوشيال ميديا كتير تحب اقولك خلي بالك
مش معني إن السوشيال ميديا بتقدملك حاجات كتير كويسة وممتعة ليك
ده غير لو إنت Marketer بتقدر تستخدم السوشيال ميديا فى شغلك عشان تحسن دخلك من خلالها
و التسويق علي السوشيال ميديا بالأخص يعتبر من أمتع الطرق التسويقية
لإنك مش بتبذل مجهود بدني في تسويق المنتج
بس هرجع واقولك إن قصاد كل المميزات ديه السوشيال ميديا فى العموم آبها اضرار كتير وخطيرة جداً
الإفراط في استخدام السوشيال ميديا أو إستخدامها بشكل غلط ممكن يتسبب في اضرار كتير منها نفسية واجتماعية وصحية منها
✅ قلة النوم
معظم الناس إذا مكانش كلهم أكتر وقت ليه بيستخدم فيه السوشيال ميديا بيكون بليل و بالأخص قبل ما بينام وده بيأثر على جودة النوم نفسها
بمعني انك مش بتعرف تاخد كفايتك في الراحة والنوم وخصوصاً لو إنت شخص المطلوب منك تصحي بدري عشان الشغل
وحتي لو مش بتشتغل فخطوة زي ديه بتخلي اليوم بتاعك مش منتظم وبتصحي بليل وبتنام بالنهار
ده غير إن في ناس عملت أبحاث علمية بتقول فيه إن الضوء اللي خارج من الموبايلات بيؤثر على هرمون الميلاتونين وده الهرمون اللي بيكون مسؤول على النوم
وعشان كده الافضل والاحسن ليك إنك تبعد عن الموبايل وقت النوم
والأفضل إنك تبعت عنه فترة طويلة شوية طول اليوم
✅ التأثير على المخ
في دراسة اتعملت في جامعة نيويورك علي مستخدمين الـ Facebook بالأخص
لقوا إن 76٪ منهم بيستخدموا الـ Application وهما ماشيين و 40٪ وهما سايقين و 63٪ وهما بيتكلموا مع الناس
وده معناه إن الناس بتستخدمه بطريقة مجنونة ويومياً وبقي جزء من حياتهم و الدراسة أكدت
إن زيادة معدل إستخدام مواقع التواصل الإجتماعي بيزيد من عدم التوازن في النظام السلوكي والنظام المعرفي في المخ وإن الإفراط في إستخدام السوشيال ميديا هيسبب خلل في وظائف المخ
✅ الإكتئاب
مستخدمين الـ Social Media بيبقوا أكتر عرضة للاكتئاب لأنه بيخليه منعزل دايما عن التواصل مع البشر في العموم
والعزلة ديه اللي بتسبب الإكتئاب
غير إنه بيفتح لك عوالم تانية ماتعرفش حاجة عنها وتبدأ تقارن نفسك بيهم وتلوم نفسك
إنك مش عايش زيهم ليه أو تبدأ تنتقد حياتك والعيشة اللي إنت عايشها
غير أن في دراسة اتعملت بتقول إن المراهقين اللي بيستخدموا السوشيال ميديا لأكتر من 3 ساعات يومياً ليهم أعراض اكتئاب وقلق وميل للعدوانية والعزلة عن الناس
✅ قلة تركيز
الإدمان على الـ Social media بيسبب مشاكل كتير زي قلة النوم والاجهاد الذهني وده اللي بيسبب قلة التركيز
وحاجة زي دي بتأثر على حياتك وشغلك وتخليك دايماً مش مركز في كل حاجة وبتنسى المعلومة في أسرع وقت
✅ قلة الإنتاجية في الشغل
بسبب قلة النوم واللي بيسبب قلة تركيز ده بيخلي إنتاجية الشغل تقل
بسبب إدمان الـ Social Media واستخدامه أثناء الشغل
✅ العزلة الإجتماعية
رغم إنه بيتواصل مع الناس عن طريق الـ Social Media إلا إنه يعتبر كل ده عالم افتراضي
وبيفقد ناس كتير حقيقية وده اللي بيسبب عزبة حقيقية وعدم تواصل مع الناس وعدم الاندماج في الأنشطة الاجتماعية المختلفة
وهنا بيميل مستخدم الـ Social Media العزلة والوحدة عن التواصل الإجتماعي الحقيقي بين الأسرة والأصدقاء
✅ تأثير على الحالة المزاجية
بسبب كثرة استخدام الـ Social Media بقت بتأثر على الحالة المزاجية للشخص عن طريق الـ Posts اللي بتنزل سواء بالسلب أو الايجاب
✅ التأثير على الصحة
في دراسة اتعملت في إيطاليا على أنك لما تقضي فترة طويلة على الـ Social media ده بيأثر بالسلب على جهازك المناعي وده اللي بيسبب سهولة عرضك للأمراض
ومجلة “ journal of school nursing “ ان اللي بيستخدم السوشيال ميديا أكتر من 14 ساعة يومياً ممكن يتعرض لارتفاع ضغط الدم
غير إن الـ Social Media أتاحت للعالم كله الحرية الشخصية
في كتابة أي محتوى أو عرض أي Videos سواء كان بيقدم محتوي كويس أو سئ
وده بيكون عرضة للناس إنها تشوفه وده اللي بيخلينا نشوف جيل من الشباب بيقدم محتويات ” فاضية” بل ومؤذية للناس وممكن تأثر على الجيل بالكامل.. الموضوع في غاية الخطورة