Blog
✅ التسويق الخفي ” Undercover Marketing ”
التسويق الخفي هو نوع من أنواع التسويق أو ما يسمي بالـ Undercover Marketing
دلوقتي الوصول للعميل المهتم بمجالك أياً كان هو إيه بقت حاجة رئيسية ومهمة جداً عشان تعرف تستمر في السوق
وعشان كده ابتكروا آكتر من طريقة لجذب الجمهور
و الـUndercover Marketing هو أسلوب بيستخدم في تسويق المنتجات والخدمات
وبتكون بطريقة غير مباشرة.. بحيث إن جمهورك مايدركش إنه من ضمن
العملية التسويقية
والاسلوب ده هدفه إنه يعمل ضجة علي المنتج أو خدمة معينة
وبالتالي تفضل الناس تتكلم عنه وبكده تتم عملية التسويق الخفي
بتستخدم معظم الشركات أسلوب الـUndercover Marketing
عشان الناس بقت بتنزعج مؤخرا من الإعلانات ومابقيتش حابه إنها تشوفها
وعشان كده بتحاول اغلى الشركات تطبيق أسلوب الـUndercover Marketing بحث إنهم يقربوا من الجمهور آكتر وفي نفس الوقت الجمهور مايحسش بملل
✅ آليات إستخدام الـUndercover Marketing
بتستعين بعض الشركات بالأشخاص المشهورين والنجوم للإعلان عن منتجاتها وده بيكون من خلال ذكر إسم الشركة وإظهار منتجاتها من خلاله
وبالتالي يبدأوا المتابعين للشخص ده إنهم يشوفوا المنتج ده ويعرفوا تفاصيله وياخدوا Action مع المنتج
غير كده المستهلكين نفسهم ممكن يكونوا بيروجوا للمنتج عن طريق الـ Social Media لأصحابهم على أساس إنهم يجربوا
وده ممكن يحصل أحياناً عن طريق إنه يظهر في فيلم أو مسلسل تلفزيوني وممكن كمان يظهر في الألعاب كمان
علي سبيل المثال.. استخدمت شركة ” Sony Ericsson ” أسلوب التسويق الخفي من 2002 تقريبا.. إزاي ؟؟
اتعقدت مع 60 ممثل في عشر مدن مختلفة رئيسية وطلبت منهم سؤال أشخاص من عامة الناس
عشان ياخدوا صور ليهم بحيث إنهم ياخدوا الموبايل و يتصوروا بيه ويتكلموا عن مزايا الموبايل
✅ أنواع الـUndercover Marketing
التسويق الخفي بيكون نوعين
1- تسويق السلع الصناعية : بيعتمد النوع ده من التسويق الخفي على السلع الصناعية عادة علي إصدار بيان صحفي أو اخباري علي السلعة
بحيث إنه يضيف المصداقية العلامة التجارية ويعزز من قيمتها
2- تسويق السلع الاستهلاكية : والنوع ده من التسويق الخفي بيعتمد على الاستعانة بالنجوم أو الإعلاميين
بحيث يتم الاستعانة بيهم عشان يتكلموا عن تجربة المنتج وبالتالي يتأثروا متابعين النجوم بالمنتج وياخدوا Action معاه
✅ مزايا الـUndercover Marketing
1- بيتطلب أسلوب التسويق الخفي تخطيط مسبق.. بس بيوفر فلوس كتير ويعتبر أقل تكلفة واكتر فاعلية من أي نوع تسويق تآني
2- بيساهم التسويق الخفي في الوصول لأكبر عدد من العملاء.. ففي أشخاص كتير مش بتحب تسمع أو تشوف إعلانات ولكن التسويق الخفي بيكون محبوب أكتر
3- بيساعد العملاء على إنهم يكتشفوا منتجات لو خدمات قيّمة
✅ مساوئ الـUndercover Marketing
وزي مافي مميزات للتسويق الخفي في كمان مساوئ.. ممكن يفشل السوق في بعض الحالات أن يخفي الحملة التسويقية
وده هيضايق ناس كتير من المنتج وهايضطروا مايتعاملوش مع المنتج تاني وبالتالي هتفقد الشركة عدد كبير من عملائها
طب إيه الفرق بين التسويق المباشر والغير مباشر ؟؟
✅ التسويق المباشر ” Direct Marketing ”
يعتبر شكل من اشكال التسويق واللي بتقوم بيه الشركة من خلاله بالترويج لمنتجاتهم أو خدماتهم بشكل مباشر ومن غير ما يحتاجوا لوسيط
بحيث إنهم بيقوموا بالتواصل نغ العميل مباشرة من خلال رسائل أو كاتالوجات
✅ التسويق الغير مباشر ” Indirect Marketing ”
وهو يعتبر أسلوب التسويق المخالف للتسويق المباشر بحيث بتركز إستراتيجية التسويق الغير مباشر على القنوات
اللي مش بيبقي موجود اتصال مباشر بينها وبين العملاء من قبل الشركات وعشان كده بتستخدم أساساً للإحتفاظ بالعملاء وزيادة ولائهم
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ تسويق إلكتروني