Blog
الفرق بين التسويق و المبيعات
- يوليو 31, 2022
- Posted by: admin
- Category: Uncategorized
التسويق و المبيعات … في فرق بينهم ؟
التسويق و المبيعات هم قسمين مهمين جداً في أي شركة
و مافيش شركة تقدر تستغني عن أي قسم فيهم
بالرغم من إن دلوقتي التسويق أخد شكل تاني خالص و بقي منتشر أكتر
لدرجة إن في شركات دلوقتي بتستغني عن قسم المبيعات
و تعتمد بس علي قسم التسويق من كتر أهميته في الفترة دي
و ده لأن التسويق بدأ يتوسع و يكبر بشكل كبير جداً و يتطور و بقي مهم أكتر كمان في وجود الـ Social Media
أنا بقي النهارده جي أقولك علي الفرق بين التسويق و المبيعات بشكل دقيق شوية
– إيه هو قسم المبيعات ؟
قسم المبيعات هو القسم إللي بيبقي مسؤول عن إنشاء خطة بيتحدد من خلالها موارد الشركة و أدواتها و إجراءاتها و أهداف المبيعات
بيهتم فريق المبيعات بتحويل الناس إللي بس عندهم فكرة بالـ Brand أو الشركة ، بيحولهم لعملاء للشركة دي و يبتدوا ياخدوا Action معاها و يشتروا منها و تبتدي الشركة تكسب و تربح منهم
و يبتدوا يتفاعلوا معاهم و يجاوبوا علي أسئلتهم و يضيفوا ليهم معلومات عن المنتج أو الشركة
و الإستراتيجية الخاصة بقسم المبيعات بتبقي قائمة علي تواصل فريق المبيعات مع العملاء المحتملين و إللي هم بس عندهم فكرة بالمنتج أو الشركة و يتكلموا معاهم و يجاوبوا علي أسئلتهم و يحولوهم لعملاء للشركة
بيحصل الكلام ده من الأول عن طريق إتصال فرد من فريق المبيعات بالعميل المحتمل و بعد كده بيتحول لمقابلة بينهم و هدف المقابلة دي هي إتمام عملية البيع بنجاح
– إيه هو قسم التسويق ؟
قسم التسويق هو القسم إللي مسؤول عن زيادة وعي الناس بالـ Brand أو الشركة
ده بيتم عن طريق إستراتيجيات و حملات إعلانية بيخططها و بينفزها فريق التسويق و بيوضح فيها المنتج بالتفصيل
و فريق التسويق بيستهدف فيها العملاء إللي مهتمين بالمنتج أو بمجال الشركة المنتجة عن طريق طرق دقيقة و حديثة
بالنسبة بقي لأهداف قسم التسويق .. فهي بتعتمد علي زيادة وعي الناس بالمنتج أو بالشركة زي ماقولنا
و عملية زيادة وعي الناس بالعلامة التجارية دي مش سهلة
لإنها بتم عن طريق إستراتيجيات و خطط بتدرس و بتتناقش من فريق التسويق لحد ما بيتفقوا علي إستراتيجية واحدة و يطبقوها
و الهدف الأساسي من الإستراتيجية دي هو عرض الصورة الكبيرة للمنتج
كمان و حفره في عقول الناس علشان يحفظوا شكله و يبتدوا يسألوا هم بنفسهم عليه … و هنا بقي بيجي دور قسم المبيعات المعروف
– إزاي بيتم دمج القسمين مع بعض ؟
بالرغم من الإختلاف إللي بين قسم التسويق و قسم المبيعات ، إلا إن في شركات كتير بتدمج الإتنين مع بعض
و ده بيكون عن طريق عقد إتفاقية شراكة بين القسمين
و الإتفاقية دي بتبقي مهمة جداً و بتفيد القسمين بشكل كبير و بتفيد الشركة كلها بشكل أكبر
لإنها بتكون شراكات و تعاون بين القسمين و ده بيخليهم يشتغلوا بالطريقة الصح و كمان بيحدد بوضوح إيه إللي متوقع من كل قسم فيهم
و زي ما إحنا عارفين إن القسمين يعتبر بيكملوا بعض و ماينفعش قسم يستغني عن التاني أو يحل محل التاني
و خطوة الدمج بينهم أكيد هتبقي خطوة كويسة و مفيدة جداً للشركة
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ تسويق إلكتروني