Blog
تحليل المنافسين تعتبر أول خطوة بناخدها لما نبدأ أي مشروع
وتعتبر أهم خطوة لازم تاخدها لو عايز تدخل منافسة شرسة في المجال بتاعك
لإنك من غير الخطوة ديه مش هتعرف مميزات وعيوب كل منافسيك أو هما بيشتغلوا إزاي
وده هيشكل عليك خطر كبير جداً طول مانت مش عارف المنافس بتاعك بيشتغل إزاي
مش هتعرف تتقدم خطوة وتتفاجئ إن المنافس بتاعك دارس شغلك كويس أوي وعارف إنت بتشتغل إزاي
وعشان كده هو قادر يتحرك بمرونة وبيتحكم في أسعاره بحيث إنه يكون ليه الأفضلية في جذب الناس ليه
✅ طب إزاي بنحلل المنافسين في السوق ؟؟
حدد المنتجات اللي بيقدمها المنافس بتاعك وانك تحلل خط الإنتاج الكامل المنافس وانك تعرف جودة المنتجات أو الخدمات اللي بيقدمها ومعرفة سعرها
وكمان تدور على الأساليب اللي بيستخدموها في البيع ومن خلال الخطوة ديه هتفتحلك سكك كتير جداً في المنافسة في السوق
كمان حاول تحلل طريقة المنافسين في تسويق منتجاتهم عن طريق الـ Posts اللي بينزلوها شوف طريقة كلامهم واسلوبهم مع العملاء وإنت هتكتسب خبرة بعيدا عن تحليل المنافسين
حلل مستوى التفاعل مع محتوى المنافس ماتجيش تدخل على منافس ضعيف ومش بيجيب مردود لشغله وتحاول تقلده مثلا إنت كمان هتقع زيه
حاول تدور على المنافس القوي فعلا وتشوف أسلوبه مع العميل عامل إزاي
وشوف مدى تفاعل العملاء معاه.. هل بيتفاعلوا معاه بإستمرار أو لا
و النقطة ديه اللي هتحدد مدى قوة أو ضعف المنافس ده
كمان لازم تدرس استراتيجيات التسويق المنافس بتاعك لازم تعرف إزاي المنافس بتاعك بيروج لشغله أو المحتوى التسويقي بتاعه
لازم تختبر مدي تواجدهم علي مواقع الـ Social Media وهل بيتواجدوا على كل الـ Platforms أو لا
ومن أهم الحاجات برضو انك تحدد مين المنافس بتاعك ومكانه فين وهل بيستهدف نفس العملاء بس ولا لا ؟
✅ طب ليه الموضوع مهم آوي كده ؟؟
عملية تحليل المنافسين ليها اهميات كتير آوي بتعود للمؤسسة أو حتى للمنتج أو الخدمة اللي بتقدمها زي مثلا أنك بتحدد شكل دخول المؤسسة للسوق
ومنع دخولها و هيتم تحديد الوقت المناسب لدخولك في السوق وكمان هتعرف إبداعات كتير و اختلافات كتير في المجال
بتحدد الفرصة اللي من خلالها تقدر تتفوق على منافسيك وتغطي الفجوة اللي بين العرض والطلب و ترسم اللي الطريق اللي تقدر تتغلب عليهم فيه
✅ أدوات تحليل المنافسين
في Tools كتير تقدر من خلالها تحلل منافسيك بكل سهولة زي
1- ” Sprout Social.”
2- ” Buzzsumo ”
3- ” Social Blade ”
4- ” Similarweb “
5- ” Mozbar ”
6- ” Ahrefs ”
✅ طب ياتري إيه هما أنواع المنافسين ؟؟
بشكل عام المنافسين بيقسموا لـ 3 أجزاء
المنافس المباشر : وديه الشركات اللي بتبقي في نفس مواقع الشركة بتاعتك وبيستهدفوا نفس الجمهور بتاعك و بيقدموا نفس الخدمات اللي انت بتقدمها
الغير مباشر : وديه بتبقي شركات بتبقي موجودة في نفس المكان برضو اللي شركتك بتبقي فيه ولكن بتستهدف جمهور مختلف نسبياً عن جمهورك و خدماتهم مختلفة نسبياً عن خدماتك
البديل : وديه شركات بتبقي في نفس المنطقة ولكن بتقدم خدمات مختلفة عن خدماتك بس لنفس العميل اللي إنت بتستهدفه
✅ طب إزاي يتم التعامل مع المنافسين ؟؟
في خطوات هتساعدك إنك إزاي تتغلب علي منافسيك وتكون دايماً المختلف والأفضل في مجالك ومتخليش حد يوصلك
هو إنك تبدع وتبتكر أفكار مختلفة ومتميزة عن المنافس بتاعك وانك طبعا لازم تحلل المنافس بتاعك وتعرف كل حاجة عنه بيشتغل إزاي وإزاي بيتعامل مع العملاء وايه هي العروض اللي بيقدمها
لازم تزاكر العميل كويس جداً لأن إنت مش بتشتغل في المجال بتاعك لوحدك
لا ليك آكتر من منافس سواء متواجد معاك في نفس المنطقة أو متواجد في مناطق تانية
وانك كمان تصبر و تستمر في شغلك مش معني إنك لو وقعت أو ماجبتش المردود المطلوب يبقي إنت فاشل.. لا طبعا إنت لازم تجرب مرة و اتنين وتلاتة
مافيش حد بينجح من يوم وليلة لازم أكيد هتيجي عليك فترة مش هيكون في مردود وده طبيعي ممكن يكون بأسباب تقدر تتدخل فيها وتحلها وأمور خارجة عن إرادتك ماتقدرش تعمل فيها حاجة
وانك كمان تزود العملاء بعروض ومميزات تلفت إنتباههم واكون مميز بين منافسيك
وحاول تكون مختلف دايماً عن منافسيك عشان حتي لو مش بتقدم حاجة أفضل من المنافس على الاقل تكون مختلف عنه
دايماً تطور من الـ Team وتعلمه بإستمرار عشتن يكون علي دراية بالشغل آكتر من أي حد ويكتسب الخبرة في إنه يطلع أفكار جديدة مختلفة
وفي الأخر حاول إنك تقرب من المنافس بتاعك أفضل من إنك تكون منافس ليه عشان كده لازم تحدد مين المنافس بتاعك
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ تسويق إلكتروني