Blog
تعرف إيه هو الـ ROI ؟
الـ ROI ببساطة هو عائد الإستثمار التسويقي
ماجمعتهاش صح ؟
طيب نتكلم ببساطة أكتر من كده
إنت دلوقتي بتسوق لشركتك ، الفلوس بقي أو المردود إللي جايلك من ورا التسويق ده هو ده بقي الـ ROI
تعالي بقي أقولك إيه هي أهميته و بيستخدم في إيه و ليه
– أهمية الـ ROI
زي ما قولتلك إن الـ ROI هو العائد المادي الناتج من الحملات التسويقية
و ده حاجة مهمة جداً بالنسبة للشركات لأنها بتقيس نجاحهم أو فشلهم من خلاله
و علي أساس الـ ROI بياخدوا قرارتهم التسويقية و بيعملوا خطط تسويقية سواء علشان يزودوا نجاحهم التسويقي لو ناجحين تسويقياً
أو يشوفوا خطة بديلة لو بيفشلوا تسويقياً
– الـ ROI بيستخدم في إيه ؟
طبعاً بيستخدموه الشركات كمبرر للصرف علي الحملات و الخطط التسويقية للشركات
و كمان بيستخدموه علشان يعرفوا يصرفوا علي أنهي حملات بالتحديد
يعني مثلاً ، الشركة عاملة أكتر من حملة إعلانية و كلهم مختلفين في النوع
يشوفوا أنهي حملة منهم جايبة مردود أعلي و ناجحة و يزودوا الصرف عليها عن غيرها من الحملات
لأنها هي دي إللي مأثرة معاهم في المردود و هي دي أكتر حملة ناجحة و بتفيدهم
– إزاي تحسب الـ ROI ؟
بكل بساطة كده … تعالي أقولك مثال هيبسطها عليك
دلوقتي إنت عامل حملة إعلانية صارف عليها 15 ألف جنيه
دخلتلك مردود قيمته 25 ألف جنيه
يبقي كده أكيد الـ ROI بتاعك 10 ألآف جنيه
بس كده … يبقي لما تعوز تحسب الـ ROI بتطرح المردود – المصروف = الـ ROI … و إضربه في % علشان تحوله لنسبة مئوية
– إيه هي نسبة الـ ROI إللي محتاج أوصلها ؟
في نسبتين في الـ ROI ماينفعش تقل عنهم
لأن لو قليت عنهم يبقي إنت العائد الإستثماري التسويقي الخاص بيك فيه مشكلة و مش إنت يعتبر مابتكسبش إنت بتخسر
أول نسبة و هي النسبة الممتازة ( 10 لكل 1 )
و هي إنك لو صرفت جنيه أو دولار علي الحملة يجيلك قصاده 10 جنيه أو 10 دولار
كده إنت جامد جداً و ناجح و إستمر في إللي بتعمله
و النسبة التانية هي النسبة الجيدة ( 5 لكل 1 )
و هنا إنت لو صرفت جنيه أو دولار علي الحملة يجيلك قصاده 5 جنيه أو 5 دولار
كده إنت مش أحسن حاجة بس برضو مش وحش و إستمر و حاول توصل للمتاز
إنما أقل من كده إنت كده ماوصلتش للعادي حتي و كده هتكون بتخسر
– إيه هي الصعوبات إللي ممكن تواجك و إنت بتحسب الـ ROI ؟
خلال رحلتك مع العائد الإستثماري التسويقي هتواجه صعوبات و إنت بتحسبه
لأنه هيحتاج دقة عالية في حسبانه لأن ماتزعلش مني دي فلوس ناس برضو !
و بالنسبة للمشاكل أو التحديات إللي هتواجهك فهم 3 :
1- نقاط الإتصال
و هي الطيرقة أو النقطة إللي عدها و بسببها العميل حولك الفلوس أو اشتري
ماتعرفش بقي العميل ده إقتنع و حول بسبب الـ Content إللي مكتوب مثلاً ولا بسبب طريقة الـ Sales و إقناعهم ليه ولا بسبب إيه بالظبط
2- الوقت المناسب
من ضمن المشاكل إللي هتقابلك و إنت بتحسب الـ ROI هو إنك تحسبه في الوقت المناسب
زي ما صوابعك مش زي بعضها … عملائك برضو مش زي بعضهم
لأن مش كلهم بيشتروا و يحولوا الفلوس في وقت واحد
في شوية بيحولوها بسرعة و شوية بياخدوا وقت أطول علي ما يحولوا الفلوس و يشتروا
3- إختلاف التأثير
مش كل الحملات مؤثرة أو متساوية في التأثير
هتلاقي برضو شوية من جمهورك يشوف إعلانك و يتخطاه عادي جداً و ماليفتش نظره بجنيه
و هتلاقي برضو العكس
ده كان الـ ROI و حكايته كلها معاك في رحلتك مع الـ Marketing
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ تسويق إلكتروني