Blog
طرق تقدر تجيب منها أفكار جديدة للمحتوي
- يونيو 28, 2022
- Posted by: admin
- Category: Uncategorized
بتدور علي طرق تقدر تجيب منها أفكار جديدة للمحتوي ؟؟
خلاص أفكارك خلصت ؟؟
مفيش شك طبعا إن الموقف ده حصل معاك ولو علي الاقل مره واحدة خلال مسيرتك المهنية كـ Content Creator
أكيد مر عليك سنين وأنا بتشتغل في المجال ده ولقيت إنك استهلكت كل المواضيع اللي تقدر تتكلم عليها
وممكن كمان تكون لسه في المجال جديد وماعداش عليك شهور وتلاقي نفسك استنفذت كل أفكارك
تعالي بقي أعرفك طرق تقدر تجيب منها أفكار جديدة للمحتوي
✅ ما تقراش بس وحاول تحلل
الطرق اللي بتقرأ بيها الأخبار في مجال شغلك مش بيعتمد على إنك تدور في Google وخلاص عشان مش هتاخد معلومات كاملة
حاول تجمع معلومات من صفحات اخبار تهمك وتهم شغلك وتحدد أهم أسماء المواقع المعروفة والـ Brands في مجالك
ولما تعرف أسماء الشخصيات المؤثرة في مجالك تابعهم علي كل الـ Platforms مش بس عشان تعرف هما بينزلوا إيه كمان عشان تعرف إيه اللي بيقرأوا و بيشاركوا
متابعتك ليهم هتعرفك إيه اللي بيدور في عقولهم وتتعرف على طريقة تفكيرهم وده اللي هيخليك أكثر قدرة على توقع أخبار المستقبل
وديه تعتبر من أسهل الطرق اللي تقدر تجيب منها أفكار جديدة للمحتوي
✅ تابع اللي بيحصل على جميع الـ Platforms
تعرف إن جزء كبير جدا من الامريكيين بيعرفوا الأخبار من خلال الـ Platforms زي الـ Facebook و Twitter و Instagram بدل من مواقع الأخبار المتخصصة
وبعدين تصفح المواقع مش كفاية للخروج بأفكار جديدة… ليه ؟
عشان في أفكار مش بتنتشر علي الـ Platforms
صحيح آه إن الـ Platforms مش المكان الأنسب إنك تعرف منها أخبار صحيحة 100٪ بس بتضم أفكار مثيرة جداً للأهتمام وممكن تاخدها طريقة من طرق تقدر تجيب منها أفكار جديدة للمحتوي
وبلاش تكتفي بس بقراءة الـ Posts.. بص علي تعليقات المستخدمين هتتفاجئ بكم أفكار تقدر تجيبها من الـ Comments
حاول تطرح أسئلة علي جمهورك زي مثلا
1- ليه الـ Post ده اثر معاك ؟
2- إيه إللي خلي الناس تتفاعل مع الـ Post ده. ؟
3- إيه القضية إللي بيتكلموا عنها الناس في الـ Comments.. ؟
4- إيه هي نتائج الـ Post ده علي المدى البعيد. ؟
5- إيه اللي بيظهره الـ Post ده في كيفية تغيير سلوك الناس على موضوع معين وفي فترة زمنية قد إيه. ؟
إجابات الأسئلة ديه وقراءة الـ Comments هتكشفلك أفكار كتير جداً وتجيبلك طرق تقدر تجيب منها أفكار جديدة للمحتوي
✅ زور مواقع الأسئلة واستفيد من الاسئلة المطروحة
تعتبر معظم الأسئلة المطروحة في مواقع الأسئلة والمنتديات تقدر تستعيرها وتجاوب عليها وهنا هتكون اجابتك قيمة للغاية وتقدر بثمن
أعتاد الجيل الحالي إنه يطرح أسئلة ويعرف إجاباتها في أقل من 30 ثانية
ولما بيطرحوا اسئلة ليها علاقة بمجالك هيكون من المستبعد إنهم يزوروا الموقع الخاص بيك مباشرة
وهنا لازم تزور مواقع أسئلة زي Yahoo Answers أو Quora أو غيرها من مواقع أسئلة اللي بتناقش آلاف الأسئلة في مختلف المجالات واللي إنت ممكن تطلع عليها
✅ أعمل قاعدة البيانات الخاصة من تساؤلات عملائك واقتراحاتهم
لو إنت كنت صاحب خبرة في مجال الـ Content Creator مافيش شك إن المحتوي اللي بتقدمه أو الخدمة اللي بتعرضها وصلت لآلاف من المستخدمين أو أكتر وده معناه إنك عندك الحالات اللي تقدر تدرسها وترجع ليها عشان تخرج بفكره جديدة
– قالوا إيه عملائك في الـ Reviews. ؟
– إيه الأسئلة اللي طرحوها. ؟
– ياتري إيه الاقتراحات اللي قدموها ؟؟ أو الجوانب اللي ماعجبتهومش ؟؟
الرجوع لرأي العملاء واقتراحاتهم المرسلة من خلال الـ Reviews أو عن طريق الـ E – Mail أو استطلاعات الرأي تعتبر وسيلة للتعرف على مدي رضاهم على اللي بتقدمه ومكان مناسب إنك تلاقي فيه أفكار جديدة
✅ بص على اللي بيقدموا منافسيك في مجالك
مش عيب إنك تتعلم من غيرك من الناس اللي عندها نفس طموحك
حط قائمة بأهم منافسيك اللي على مستوي مجال شغلك وبص علي شغلهم واللي بيكتبوا وحاول تعرف غايتهم إيه
أكيد إنت مش هتنسخ المحتوي بتاعهم وتعيد نشره ولكن تقدر تحلل المحتوي وتعرف الفكره بتاعته وتطوره بأسلوبك أنت
ولو الموضوع واسع عليك تقدر تخصصه آكتر وتكتب عن جانب معين فيه وفي حال لو كان معقد ومش قادر تطور منه أو تحسنه ممكن تتكلم عنه بطريقة عامة
وإفتكر دايما إنك تخرج بأفكار جديدة ده بيعتمد علي جزء منه علي الإطلاع على اللي بيقدموا غيرك والجزء التاني بيكون عليك في إنك تبتكر وتطور منه
✅ دور في مجال شغلك “بعيد عن الـ Internet ”
إنت ممكن تتفاجئ بمعرفتك بكم المعلومات في الكتب العادية أكبر بكتير من اللي بيكون موجود على الـ Internet.. هو صحيح إنك تدور على الـ Internet أسهل بكتير من الكتب بس مش بيكون شامل من المعلومات زي مانت متخيل
بحيث تعتبر المكتبات مكان مهم لأستكشاف الدراسات والحاجات اللي ممكن تخص مجالك
ومش بس كده ده كمان جودة المعلومات اللي هتعرفها من الكتب أميز بكتير من الـ Internet اللي بيقدم لك معلومات ممكن ماتكونش كاملة عكس الكتب
فكر في الكم بس.. في دراسة تقديرية من Google Books ان في أكتر من 130 مليون كتاب على مستوي العالم وممكن يكون العدد أكبر بكتير
وفي المقابل بتعتبر الكتب اللي موجودة على موقع Amazon المصدر الرئيسي لأي كتاب من الـ Internet وعددهم مش متجاوز 1.8 مليون كتاب مطبوع للبيع
فلو كنت عايز تكتب Content مميز ممكن تدور في الكتب هتستفيد منها وتطلع أفكار كتير عن اللي موجودة في الـ Internet
✅ أعمل مقابلات مع ناس خبرة في المجال
للأسف ناس كتي. في المجال ده بتنسي إنهم يقدروا يعملوا مقابلة مع خبراء في المجال ده هيخليهم يقتبسوا بيانات أسهل وأقل إستهلاك للوقت
لكن لو إنت فعلا عايز مجموعة كبيرة من المقالات الممتعة و الجذابة تقدر تروح وتقابل ناس خبرة في المجال وتعرف منهم أفكار جديدة تساعدك في شغلك
وعلى فكره في ناس كتير منهم هيوافقوا إنهم يقابلوك ومن غير فلوس لو إنت Blogger معروف
وممكن تقابلهم عن طريق الـ Internet
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ تسويق إلكتروني