Blog
تعرف تعمل Brainstorming ؟
لو إنت ماتعرفش إيه هو الـ Brainstorming
فأحب أقولك إن الـ Brainstorming هو عبارة عن طريقة عملية جماعية بتقدر من خلالها إنك تنشط دماغك و تفكيرك من تاني علشان تعرف تطلع أفكار و حلول Creative لمواقف و مشاكل كتير في حياتك سواء كانت ليها علاقة بالشغل أو بحاجة تانية
يعني مجموعة من الناس بتقعد مع بعض تفكر في حل مشكلة معينة و كل واحد بيطلع بفكرة و كل واحد بيفتح للتاني باب تفكير من ناحية ممكن مايكونش واخد باله منها
و لو إنت عارف إيه هو الـ Brainstorming بس ماتعرفش تطبقه إزاي ، أنا النهارده جي أقولك علي شوية خطوات تقدر من خلالهم تعمل Brainstorming بكل سهولة
خطوات الـ Brainstorming
1- لازم يكون في Leader
لازم القاعدة إللي إنت و زمايلك قاعدينها و بتفكروا في حل Creative للمشكلة دي يكون ليها Leader هو إللي ينظم عملية الـ Brainstorming
و طبعاً مش أي حد ينفع يكون Leader … و مش محتاج أقولك إن الـ Leader ده لازم يكون أكتر واحد دماغه شغالة في الناس دي و مابتعطلش و بيطلع بأفكار Creative في وقت قليل
2- دَوّن الأفكار
في القاعدة دي هيبقي في أفكار كتير بتقترح و بتتقال و كل واحد بيقترح حاجة
هنا بقي لازم يكون في حد يسجل الأفكار دي أول بأول و يكتبها ، لإن أكيد .. أكيد هتحتاجوا تراجعوا عليها أو ترجعوا لفكرة إتقالت قبل كده
و ممكن فكرة تكون إتقالت قبل كده ماتنفعش كحل في الوقت الحالي … بس تنفع في مشكلة ممكن تقابلكوا بعدين
3- ماتنتقدش فكرة من الأفكار
قاعدة الـ Brainstorming إللي إنتوا عاملينها دي هدفها الأساسي زيادة عدد الأفكار أياً كانت
يعني كل واحد فيكوا بيقول فكرة و بتسجلوها علشان تطلعوا بعدد أفكار كبير يفيدكوا دلوقتي و بعدين
فممنوع منعاً تاماً إن حد فيكوا ينتقد فكرة إتقالت مهما كانت لإن ده عكس فكرة الـ Brainstorming
4- إختلاف التخصصات
حاجة حلوة و مفيدة جداً للـ Brainstorming
و هيخلي كل واحد فيكم يعمله بالطريقة الصح إن كل واحد فيكوا يكون ليه تخصص مختلف عن التاني
لإن ده بيفتح أبواب تفكير كتيرة و بيخلي عدد الأفكار أكبر و أكتر
5- إختار البيئة إللي تعمل فيها الـ Brainstorming
من العوامل المهمة و يمكن أهم عامل في القاعدة دي هي البيئة المحيطة بيك و بالـ Team بتاعك
لإن الجو لازم يكون هادي و كل واحد فيكوا يكون Relaxed كده
و مصفي دماغه من أي ضغط علشان يعرف يستغل كل مساحة في تفكيره
6- إبدأ بـ Keywords
الـ Keywords هتساعدك جداً و هتساعد الـ Team كله إنه يبدأ الـ Brainstorming صح و بسهوله
بس يا سيدي ، 6 خطوات إمشي عليهم إنت و الـ Team بتاعك هتلاقوا نفسكوا بتعملوا Brainstorming بكل سهولة و بتطلعوا بأفكار Creative و حلول لكل مشكلة بتقابلكوا
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing