Blog
الـ Content Marketing Ideas ساعات كتير بتخلص من دماغنا و بنبقي مش عارفين حتي نكتب إيه في Post ترحيبي مثلاً
ساعات كده دماغ الواحد بتقف و بتبقي حالفة ماتشتغل تاني
و ده مش ساعات ، دي بفضل كده لأيام و ممكن لأسابيع كمان
و دي بتبقي أكتر حاجة تضايقك في شغلك لأنك مابتعرفش تخرج من الحالة دي غير بصعوبة
كمان غير كده بتبقي عايز تجدد من شغلك بس للأسف مابتبقاش عارف لأنك ماعندكش Content Marketing Ideas جديدة تبهر بيها جمهورك و تخرجك من الحالة دي و تشيل بيها التراب إللي علي شغلك
علشان كده انا النهارده جي أقولك علي شوية Content Marketing Ideas تقدر تعملها و تخرج بيها من حالة الـ Mind Block دي
1- إستخدم الـ Video Content
الـ Video عامةً ليه تأثير أكبر و أحسن من الـ Text
لو فرضنا إنك قرأت Post بيتكلم عن إزاي تعمل إعلان علي الـ Facebook
و بعديه إتفرجت علي Video بيقولك إزاي تعمل إعلان علي الـ Facebook
هتلاقي إن إنت فهمت أكتر من الـ Video و طبقت عملي بطريقة أسهل
و ده لأن الـ Video بيأثر علي إللي بيشوفه بنسبة 65% علي عكس الـ Text إللي نسبة تأثيره 10% بس علي إللي يبقرأه
و سواء الـ Content ده هدفه البيع أو إنك تزود جمهورك بمعلومات سواء عن خدمتك أو منتجك
فالـ Video Content هيبقي مؤثر أكتر بكتير جداً من الـ Text
2- تنبأ ( و العياذ بالله ) بالمستقبل
طبعاً مش قصدي أي حاجة حرام !
بس التنبؤ بالمستقبل هنا معناه إنك تتوقع إيه إللي ممكن يحصل و يجد في مجالك و تتجنبه لو كان مشكلة ممكن تحصلك
أو تعمله و تسبق بيه سواء حاجة كويسة و هتفيدك في شغلك
3- إسر.ق بشياكة
برضو هيبانلك إننا ناس مش كويسة و بنحرضك تعمل حاجات مش كويسة
قبل بس ماتقول كده إصبر و إفهم قصدي
مش قصدي تبقي حرامي والله لأن السر.قة حرام
قصدي إنك تدور عند منافسينك و في مواقع تانية علي Subject في مجالك تتكلم عنه
أو علي عرض مثلاً عاملينه تعمل إنت أحسن منه
كل ده مش عيب ، لأني مش بقولك خد الحاجة Copy Paste ، لأ ، أنا بقولك إعمل إنت بطريقتك إنت و علّي علي غيرك
4- إعمل الـ Top 10 List
بص إحنا شعب بطبعنا بنحب نبقي الأول في كل حاجة و نبقي مميزين
حتي لو مش الأول في كل حاجة ، بس أدينا بنحب
علشان كده ممكن تعمل قائمة الـ Top 10
و خليها بخصوص أي حاجة مش لازم حاجة معينة
يعني مثلاً إعمل قائمة أفضل 10 منتجات شبيهة لمنتجك
أو أفضل 10 مواقع يضيفوا لجمهورك Value في مجالك
أو أفضل 10 Tools جمهورك ممكن يستخدمهم في مجالك و هتساعدهم كتير
و هكذا
5- إستخدم Social Proof
عارف إنت الإعلانات إللي بتجيبلك شخصية مشهورة جداً و يقولك أنا بنصح بإستخدام ( إسم المنتج ) و ده لأنه كذا و كذا و كذا و يبتدي يشكر فيه و قد إيه هو لما إستخدمه غير حياته 180 درجة ؟
بالظبط .. ماتعملهاش بقي
أنا بقولك تعمل حاجة زيها أو شبيهة ليها
مثلاً لو إنت بتقدم منتج للناس تسألهم بعد مايجربوا منتجك إيه رأيهم فيه ، و هل إستفادوا منه ولا لأ ، و هل بيرشحوه ولا لأ
و إعرض الكلام ده قدام الناس و عرفهم
بس كده ، دول كانوا 5 Content Marketing Ideas تقدر تستخدمهم لو إنت دخلت في حالة الـ Mind Block و مش لاقي حاجة تكتبها ولا تقدمها لجمهورك
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing