Blog
تسمع عن الـ Guerrilla Marketing ؟
لو إنت ماتعرفش إيه هو الـ Guerrilla Marketing يبقي إنت للأسف فايتك كتير
و ده لإن الـ Guerrilla Marketing هو طريقة من أهم طرق التسويق و إللي بتبقي مؤثرة جدأ مع الناس و بتعمل فرقفي المبيعات و إعجاب الناس بالفكرة
و الـ Guerrilla Marketing هو إستخدام أفكار تسويقية غريبة و جديدة و مفاجئة و غير تقليدية لجذب إنتباه العميل للمنتج أو للخدمة و للترويج ليهم
طيب إيه الفرق بين الـ Guerrilla Marketing عن التسويق العادي ؟
الـ Guerrilla Marketing بيتميز أو بيختلف عن التسويق العادي في إنه بيعتمد علي التفاعل الشخصي و تكلفته كمان و ميزانيته بتبقي قليلة مش كبيرة
و كمان بيركز علي مجموعة أصغر من المروجين و مش بيحتاج لحملات إعلانية واسعة المجال و في كذا موقع .. هو بيبقي في موقع واحد
الشركات إللي بتستخدم النوع ده من التسويق بتعتمد علي عروضها الترويجية المباشرة علشان توصل لعدد أكبر للجمهور مجاناً .. و ده لإن مفتاح تسويق الـ Guerriilla Marketing هو إرتباط المشاعر
علشان كده لازم الشركات إللي بتستخدم النوع ده من التسويق تبقي عارفة ترتبط بمشاعر الجمهور كويس و تعرف توصل لفكرهم و تعرض منتجاتها أو خدماتها بطريقة مفاجئة و مميزة
الإسلوب ده من التسويق مافيش حد إستخدمه لجميع السلع .. لإن في سلع مايمشيش معاها الإسلوب ده من التسويق
و كمان الـ Guerrilla Marketing بيستهدف الأشخاص الأصغر سناً ده بسبب إنهم من المرجح إنهم يستجيبوا بشكل إيجابي أكتر
و طريقة التسويق دي بتكون طبعاً في الأماكن العامة إللي بيبقي فيها ناس كتير لإن كل ما زاد عدد المتفرجين علي الإعلان كل ما زاد نسبة البيع .. لإنه نفس مبدئ الـ Outbound Marketing
علشان كده دايماً هتلاقيه في الشوارع و الحفلات و الشواطئ و مراكز التسوق
طيب إمتي نشئ الـ Guerrilla Marketing ؟
نشئ نتيجة التحول من طريقة التسويق العادية للوسائط الإلكترونية
كان هدف إنشائه برضو هو إثارة الضجة و تسليط الضوء علي منتج معين أو علي خدمة معينة أو علي Brand معين لزيادة إحتمالية نسبة البيع للـ Brand ده
و ده هيجي عن طريق إن الجمهور إللي يشوف الإعلان ده يشتري المنتج ..و حتي لو ماشتراش .. ممكن يتكلم في المنتج ده مع مشتريين محتملين غيره
و ده يبين لينا إن الخطة التسويقية في الـ Guerrilla Marketing بتبقي خطة طويلة المدي
زيه زي أي نوع من التسويق بيبقي فيه غلطات و مخاطر لازم تبعد عنها … تعالي أعرفك علي غلطات حصلت قبل كده مع ناس كتير
– في 2017 شركة ” Cartoon Network “ روجت لعرض عن طريق إنها حطت لافتات LED شبه شخصية من العرض
و ده سبب حالة زعر لناس كتير و سبب للشركة الأم للشبكة غرامة قيمتها 2 مليون دولار
– في 2005 شركة إسمها Snapple عملت إعلان لمصاصة بحجم 25 قدم بحديقة مدينة نيويورك
و كانت النتيجة إن المصاصة ساحت و غرقت الحديقة لزوجة و كلفتهم كتير علشان يصلحوا إللي عملوه في الحديقة
و في النهاية .. الـ Guerrilla Marketing إسلوب من أساليب التسويق هدفه هو ترويج المنتج من خلال شد إنتباه المشتري بطريقة مفاجئة و غريبة
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ تسويق إلكتروني