Case Study

الـ Case Study أو دراسة الحالة هي خطوة مهمة و ناس كتير في مجالات كتير بتاخدها لإنها مفيدة ليهم جداً 

لإن في حياتنا كتير من الشخصيات و الـ Brands الناجحة و إللي قصة نجاحهم مؤثرة و كلنا بنتعلم منهم 

زي أحمد زويل و نجيب محفوظ و Henry Ford و Oprah و غيرهم من الشخصيات إللي ليهم قصة نجاح طويلة و شيقة و مليانة بالأحداث و المعوقات إللي حاولت تمنعهم من النجاح و الإستمرار لكن إصرارهم كان أقوي منها و قدروا يتغلبوا عليها و يعدوها علشان يوصلوا لهدفهم و يبقوا الشخصيات إللي بتدرس حتي الأن و إللي بنتعلم منهم و من قصتهم كلنا لحد دلوقتي 

و الـ Case Study مش شرط تكون علي شخصيات … ممكن تكون علي منتج أو حدث حصل 

انا النهارده جي أقولك إيه هي الـ Case Study و أنواعها و إزاي تعمل Case Study لشخص أو لـ Brand أو أياً كان الشئ إللي هتدرس حالته 

– يعني إيه Case Study ؟

الـ Case Study أو دراسة الحالة هي عبارة عن عملية بحث بتعملها عن شخص أو Brand 

و في العملية دي بتدرس الشخصية دي من كل الجوانب ، و تعرف قصتها من أول ولادت الشخصية دي مروراً يأبرز المواقف إللي مرت بيها في حياتها و إنجازاتها و العوائق إللي مرت بيها لحد ما توفت ( إذا كانت الشخصية متوفية ) 

و بيبقي الهدف من الـ Case Study هو معرفة الأسباب المحيطة بالشخص ده و إللي أدت لوصوله للنجاح إللي هو فيه 

– إزاي تعمل الـ Case Study ؟

أي Case Study بتعملها لازم تمر بخطوات و أهداف و أسئلة معينة تسألها لنفسك علشان تسهل علي نفسك عملية البحث 

– أول حاجة لازم تسأل نفسك إيه الغرض من دراسة الحالة إللي إنت بتعملها 

يعني مثلاً لو بتعمل دراسة حالة عن منتج معين مثلاً إنتشر .. إسأل نفسك الأسئلة دي :

إزاي المنتج ده إنتشر في السوق ؟

و ليه المنتج ده إتشهر الشهرة دي و إزاي ؟

– تاني حاجة إن إنت تعرف الطريقة إللي هتجمع بيها معلومات عن المنتج ده 

– تالت حاجة هي تحلل و تنظم المعلومات إللي إنت جمعتها عن المنتج ده 

– رابع حاجة هي النتيجة النهائية أو التقرير النهائي لدراسة الحالة إللي عملتها عن المنتج ده 

– طيب إيه هي أنواع الـ Case Study ؟

زي ما قولنا قبل كده إن دراسة الحالة  مش شرط تتعمل علي شخص 

– ممكن تعملها عن Brand ناجح و ليه قصة من وراها أصلاً ظهر الـ Brand ده و نجح النجاح إللي هو في لحد وقتنا ده

زي مثلاً Nescafe و Pepsi و Ford و Honda و غيرهم 

– ممكن تتعمل علي منتج معين ظهر جديد و ناجح نجاح كبير و مستمر لحد دلوقتي في النجاح … و ممكن منتج من زمان موجود و لحد دلوقتي ناجح و مافشلش 

– ممكن تتعمل علي حدث حصل و أثر في ناس كتير جداً 

إنما الـ Case Study مش شرط نكون علي شخص بس 

ده كان مفهوم الـ Case Study و أنواعها و إزاي تعمل Case Study بنفسك 

تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing