Blog
Chat GPT
تخيل لما تكون Designer أو Developer أو Content Creator قد الدنيا ومفيش حد قدك في مجالك
وتكون بتكسب كويس أوي من شغلك علي الـ Internet وحابب شغلك جداً
وفي الآخر يطلع حتة برنامج لا راح ولا جيه يقعدك في البيت 😂
أيوة .. زي ما قولتلك كده
من فترة نزل برنامج اسمه Chat GPT واللي مصنوع من شركة Open AI وعمل جدل كبير جداً
بسبب القدرات اللي بيقدمها زي انه بيعمل محادثات وبيرد على استفسارات ومشاكل
طبعا انت هتقولي طب ما أي Chatbot بيعمل كده .. هقولك ده مش زي أي Chatbot انت شوفته
عشان ببساطة Chat GPT متفوق على أي Chatbot لغوياً
بمعنى أصح أنه يقدر يكلمك بلغتك كأنك بتكلم واحد صاحبك
تعالي نعرف مع بعض بأدق .. ايه هو Chat GPT ؟؟
✅ ايه هو Chat GPT ؟؟
زي ما قولتلك كده ان Chat GPT واللي مصنوع من شركة Open AI يقدر يعمل وظائف كتير جداً
زي انه يقدر يعملك Designs أو يكتب أكواد أو يكتب لك محتوى يخص المنتج بتاعك ومش بس كده
ده كمان يقدر يكتبه بالـ Context اللي انت عايزها واللي تناسب جمهورك
واللي خلاه متميز كده انه بيقدر يرد علي الاستفسارات بطريقة أشبه للبشر أكتر
ووضحت شركة Open AI انها طورت Chat GPT علي ايد مدربين علي أعلي مستوي
بحيث انه يوصل لكفاءة عالية جداً ويكون مميز بين أي روبوت تاني
✅ القدرات
بعيداً عن القدرات اللي وضحتها لك .. إلا انه يقدر يعمل اكتر من كده
يقدر كمان انه يعمل مقالات بجميع اللغات وبالطريقة والأسلوب اللي انت محتاجها
غير كمان انه يقدر يرد علي أي سؤال بيواجهك .. أي سؤال انت متخيل !!
حتى بقي يحل محل Google Assistant و SIRI
✅ المشكلات
ماتفتكرش انه عشان جامد جداً يبقي خالي من العيوب لا .. هتواجه معاه مشاكل
1- أحياناً بيكتب لك اجوبة ممكن تبان قدامك منطقية بس هي ممكن تكون مش صحيحة
2- في الغالب هتلاقيه بيعلق على كلام معين زي مثلاً كلمة .. انه تدريب لغوي مصمم بواسطة Open AI
3- ساعات بيخمن انت عايز تقول ايه وده ممكن يأثر عليك عشان ممكن ما يكون قصدك التخمين اللي كتبه
4- بالرغم من أن الشركة بذلت مجهود في تصميمه بس هو معرض انه يستجيب لطلبات غير ملائمة
5- انه للأسف غير متاح في الدول العربية
✅ ايه الفرق بينه و SIRI أو Alexa
ما يقدرش انه يتعامل تعامل مادي مع الناس علي عكس SIRI أو Alexa يقدروا يعملوا كده
وده عشان مصمم انه شات يقدر يرد علي الناس بامتياز على عكس SIRI أو Alexa برضو
تقدر SIRI أو Alexa انهم يعملوا حاجات فعلية زي مثلاً انهم يبعتوا رسائل على عكس Chat GPT
و في الأمان وأنه يحافظ على بياناتك أفضل من SIRI أو Alexa
✅ ياتري ايه الخطر اللي ممكن يسببه ؟؟
للأسف علي قد ما Chat GPT مهم جداً في حياتنا التسويقية .. علي قد ما هو مضرب علي البشرية قدام
عشان بسببه ممكن يحصل بطاله بسبب أن الشركات هتفضل انهم يستخدموا علي انهم يعينوا شخص
وده بالنسبالهم هيوفر كتير من الناحية المادية
في وظائف كتير هتتلغي زي الـ Designer أو Developer أو Content Creator
لسه مش عارفين ايه اللي هيحصل 🙂
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing
Jop