Facebook Marketing

تعرف إن الـ Facebook Marketing مهم جداً ليك .. و ده لإن الـ Facebook بيدخله 1.56 بليون مستخدم يومياً و ده معناه إنك لو بتدور علي جمهورك هتلاقي جزء كبير منه علي الـ Facebook 

و ده إللي خلي الـ Facebook Marketing هي خطوة أساسية بالنسبة لشركات كتير 

علشان كده النهارده هقولك علي أهم الخطوات إللي تعملها علشان تبقي ناجح في الـ Facebook Marketing 

1- إعمل Business Page علي الـ Facebook 

و ده لإن الـ Business Page بتمثل الشركة الخاصة بيك 

  إللي من خلالها بتعرض لجمهورك معلومات عنك و بتعرضلهم منتجاتك أو خدماتك إللي بتقدمها ليهم 

 و ماينفعش تبدأ Business علي الـ Facebook من غير ما تكون عامل Business Page 

 أو تكون بتبدأ الـ Business بتاعك من خلال Personal Account .. و ده لإن الـ Facebook بيرفض ده تماماً و ممكن كمان يقفلهولك 

و علشان تعمل Business Page .. بتروح علي Create و من خلالها بتدوس Create Page 

و بعد كده بتختار Business or Brand و بتبتدي تدخل بيانات شركتك .. و هي الإسم و الـ Category 

بس .. إنت كده بقي عندك صفحتك الخاصة بيك و بشغلك 

بس طبعاً صفحتك مش هتبقي مهيئة إنها تظهر للعملاء لإنها فاضية تماماً 

و هنا إنت محتاج تظبط حاجات كتير أولهم طبعاً إنك تضيف Profile Picture و إللي بتبقي دايماً الـ Logo الخاص بشركتك  و الـ Cover Picture 

و تظبط حاجات كتير في الـ Settings و الـ About بتاع الصفحة 

لإن ده بيخلي الصفحة مهيئة بالنسبة للـ Facebook إنها تظهر للعملاء 

2- جمع Likes للـ Facebook Business Page بتاعتك 

طيب إنت بعد ما ظبط كل حاجة في الصفحة .. و نزلت Posts و الصفحة دلوقتي مهيئة إنها تظهر للعملاء … فين بقي العملاء ؟! 

في الخطوة دي إنت محتاج تزود عدد الـ Likes علي الصفحة 

و لازم تكون الـ Likes دي من جمهور مهتم بمجالك مش من ناس بتجاملك مثلاً 

لإن الـ Facebook هيقتنع إن إللي عاملين Like لصفحتك دول هم جمهورك .. و لما يعرض صفحتك علي الجمهور .. هيعرضها علي الشريحة دي 

علشان كده لازم تبقي حريص جداً إن صفحتك توصل للجمهور الصح إللي مهتم بمجالك 

و علشان تعمل كده يبقي لازم الأول تبتدي إنك تعمل إعلان Page Like و تستهدف فيه ناس مهتمة بمجالك و تكون حريص جداً و دقيق في إستهدافك 

3- إعمل Marketing Strategy 

و علشان تعمل Marketing Strategy لازم تمشي علي Model مهم جداً و هيسهل الخطوة دي عليك  و هو SOSTAC Model

و الـ Model ده و الخطوة دي هتلاقيها مشروحة بالتفصيل في الـ Blog Post دي 

4- إستخدم تحليلات الـ Facebook 

بعد ما ظبطت الصفحة و نزلت Posts عليها و زودت عدد الناس فيها .. محتاج تقيم صفحتك و تحلل أدائها و تعرف إذا كانت في نجاح ولا بتفشل 

و علشان تعمل ده يبقي إنت محتاج تستخدم Tool بيقدمهالك الـ Facebook علشان تساعدك في ده .. و هي الـ Page Insights 

علشان تستخدمها .. هتروح علي Tab مكتوب عليها Insights في الـ Menu إللي فوق 

و منها هتدوس علي Overviwe  و إللي هتوريك نظرة تحليلة عامة للصفحة خلال الـ 7 أيام إللي فاتت

و Tab تانية للـ Likes  و إللي بتعرفك عدد الـ Likes إللي إكتسبتها و إللي خسرتها كل يوم 

ده غير الـ Reach  إللي بتعرفك عدد الأشخاص إللي الـ Posts بتاعتك بتوصلهم  سواء كانت Posts ممولة أو كانت مش ممولة 

و Tabs غيرها كتير هتفيدك في تحليلك للصفحة و لجمهورك علي الـ Facebook

5- إبدء إعلانات علي الـ Facebook 

لازم بعد كل ده تبدأ تعمل Campaigns علي الـ Facebook علشان تجيب تفاعل أكتر و تبيع منتجاتك أو خدماتك أكتر و تزود عدد جمهورك 

بس لازم تبقي عارف إيه هو هدفك من الـ Campaign قبل ما تبدأ فيها .. هل هدفك بيع ولا تفاعل ولا Views ولا توعية للناس بالـ Brand بتاعك 

و ده لإن الـ Facebook بيقدملك 11 نوع للحملة الإعلانية بتاعتك و كل نوع بهدف معين