Blog
عمرك سمعت عن الـ Relationship Marketing ؟
الـ Relationship Marketing أو التسويق بالعلاقات هو نوع من أنواع التسويق بيهتم بجوانب إدارة علاقات العملاء و إللي بطلق عليها ( CRM ) و إللي هي Customer Relationship Management
و الهدف منه هو خلق علاقة قوية و عاطفية كمان بين العملاء و العلامة التجارية و علي أساسها يتم عمليات بيع مستمرة
أنا بقي النهارده جي أعرفك أكتر عن الـ Relationship Marketing و أقولك أهميته و المنافع الخاصة بيه
– أهمية الـ Relationship Marketing
التسويق بالعلاقات ليه أهمية كبيرة جداً خصوصاً إنه عكس التسويق التقليدي و إللي بيهتم بس بزيادة عمليات البيع الفردية أكتر من علاقة العميل بالعلامة التجارية
لإن العميل ممكن يقتنع بالمنتج أو العلامة التجارية مرة واحدة
بس من غير تحسين و زيادة علاقته بالمنتج ده مش هيقتنع تاني بيه و ممكن مايشتريش المنتج ده تاني أصلاً
علشان كده الـ Relationship Marketing بقي مهم جداً و بيُستخدم كتير من شركات كتيرة لإن هدفه بيبقي علي المدي البعيد
علي عكس التسويق التقليدي و إللي هدفه بس هو زيادة عمليات البيع و مابيهتمش بعلاقة العميل بالمنتج
و إللي مترتب عليها رجوع العميل تاني للمنتج ده بعدين و في أي وقت
يعني بيهتم أكتر بولاء العملاء للمنتج بدل ما يشتروا المنتج مرة واحدة بس
و ده لإنه بيقتنع بصعوبة فكرة إنك تجيب عميل جديد .. علشان كده بيخلي في ولاء من العملاء الحاليين للمنتج
– إزاي تطبق إستراتيجية الـ Relationship Marketing
زي ما قولنا إن التسويق بالعلاقات بيهتم بعلاقة العملاء مع المنتج أكتر من إن المنتج يتباع
و ده لإنه بيعتمد علي إستراتيجية طويلة الأجل بالنسبة لعلاقة العملاء بالمنتج
الإستراتيجية دي بتكون من خلال إن الشركة المنتجة للمنتج ده تتواصل مع العميل و سوء من خلال الموبايل أو Face To Face
و تعرفه الأول طريقة التعامل مع المنتج و تسأله عن رأيه في المنتج سواء كان سلبي
تعرف إيه هي المشاكل إللي بيواجهها مع المنتج و تحاول تعالجها و تعتذر ليه عن تجربته السيئة مع المنتج
و لو كان رأيه إيجابي و تجربته كانت كويسة تشكره علي رأيه و تحاول تكتر من الإيجابيات و تنقل التجربة دي لغيره من العملاء
كمان دلوقتي في ظل وجود الـ Social Media و الموبايل و التطور إللي بنشهده في الفترة دي
معرفة رأي العملاء و الوصول إليهم بقي حاجة سهلة جداً و مابتاخدش وقت ولا مجهود زي زمان
و علي سبيل المثال :
الـ E-Commerce Site ممكن يتتبع نشاط العميل عن طريق إنه يخلي العميل يعمل Profile أو يعمل Sign In علي الـ Site و يسجل بياناته عليه
و بكده يبقي قادر إنه يتتبع حركاته و يعرف إهتماماته و يستغلها لصالحه علشان يكسب العميل ده
– إيه هي فايدة الـ Relationship Marketing
أول حاجة طبعاً إنه بيعلي من حاجة إسمها CLV و إللي هي Customer Lifetime Value
و الـ CLV هي القيمة العمرية للعميل
هي نسبة إن العميل ده يفضل عميل للشركة أو للمنتج ده و يفضل المنتج ده يبقي المفضل ليه و يفضل من جمهوره و تتكرر عملية الشراء
و كمان بيقلل من مصاريف الإعلانات
و ده لإن مصاريف الإعلانات الممولة بتبقي عالية علشان تجيبلك عملاء جداد
علشان كده هو بيهتم بزيادة ولاء العملاء الحالية أكتر من إنه يجيب عملاء جداد
و ده بيخلي العملاء هم إللي يسوقوا للمنتج بنفسهم و ده بيبقي إسمه الـ Buzz Marketing
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing