Blog
تعرف إيه هو الـ Branding ؟
الـ Branding هو خطوة من أهم خطوات الـ تسويق إلكتروني لإنها تعتبر السبب في شراء المنتج
و الـ Branding هو إن مثلاً لما تجيب سيرة حاجة معينة بيجي في دماغك منتج معين .. و العكس
يعني في منتجات ليها خصائص أو مميزات معينة و إشتهرت بيها .. علشان كده بمجرد ما يتذكر إسمها الناس بتتخيل الميزة دي
زي مثلاً لما تتكلم عن الأناقة في العربيات أول حاجة بتيجي في دماغك هي شركة مرسيدس
و ده لإنها إشتهرت من زمان بإنها أكثر الشركات أناقة في شكرات السيارات
و غير كده هم لعبوا علي الحتة دي و أظهروها مش بس في العربية لا كمان في الإعلانات بتاعتهم بقوا يركزوا و يشدوا إنتباه الناس للحتة دي .. لإنهم عايزين يثبتوا في دماغ الناس إن الأناقة يعني مرسيدس … و بالفعل ده إللي نجحوا فيه و بقوا شركة مرسيدس إللي العالم كله عارفها و بيشهد بأناقتها و شياكتها
طيب هم علشان يعملوا كده عملوا إيه ؟
قبل ما أقولك تعالي أعرفك ليه الـ Branding مهم لكل شركة و إزاي تعمله
– حدد الـ Brand Identity
أول حاجة إنت محتاجها هي إنك تحدد الـ Brand Identity و هي كل حاجة بتدل علي الـ Brand بتاعك زي إسمه و الـ Logo بتاعه و كل ما يتعلق بيه
و لازم تحدد إسمه و تبقي دقيق في إختيار الإسم علشان ده الإسم إللي هيتبني عليه حاجات كتير من ضمنهم صورتك في أذهان الناس لما يتذكر إسمك بس
و كذلك الـ Logo .. لإن الـ Logo برضوا لا يقل أهمية عن الإسم … و برضو لإن هو الصورة إللي هتفضل في عقول الناس إللي هتسمع إسمك و تفتكرك بيه بعد كده
و كمان الشعار بتاعك ده مهم جداً … لإن برضو ده إللي هيثبت في عقول الناس و هيعرفوك بيه و من خلاله
زي مثلاً لما تسمع إسم فودافون علي طول بتفكر في الـ Logo الأحمر بتاعهم لإنهم نجحوا يثبتوه في دماغك و كمان بتفكر في شعارهم و إللي هو القوة بين إيديك
– حدد شخصية الـ Brand بتاعك
شخصية الـ Brand بتاعك هي بقي إللي بتعرفك إنت قبل جمهورك إنت مين و عايز تعمل إيه .. يعني بمعني أصح إنت محتاج تحددها و تعرفها أكتر من جمهورك
و ده لإنها عبارة عن أسئلة مهمة لازم قبل أي حاجة تقولها لنفسك و تعرفها و تعرف إجاباتها .. زي مثلاً
1- إنت مين ؟ .. كيانك إيه و هتقدم إيه للناس ؟
2- مين هو جمهورك المستهدف أصلاً ؟ … و فين هي أماكن تواجده ؟ و هل جمهورك سنه صغير ولا كبير .. سيدات و لا رجالة ولا الإتنين مع بعض بتقدملهم خدمة معينة ؟
3- إيه هي خطتك إللي ناوي تمشي عليها و أهدافك إيه ؟ … إيه هي القيمة المضافة إللي هتضيفها للجمهور ؟ و هكذا
كام سؤال مهمين لازم تمسك ورقة و قلم و تقعد تفكر و تتكتك و تعرف إجاباتهم كلهم قبل ما تبدأ في أي خطوة
– إدرس السوق و منافسينك
لازم تكون عارف السوق كويس جداً و تعرف تتعامل معاه إزاي و تعرف إزاي تعمل إستراتيجية معينة علشان تعرف تبيع فيه
و لازم كمان تبقي عارف كل حاجة عن منافسينك و تدرسهم كويس جداً .. و دي حاجة مش عيب في التسويق .. لإنك لازم هتتعلم منهم و يجيلك أفكار تكبر من خلالها الـ Brand بتاعك و هتعرف نقاط ضعفهم و إللي ممكن تستغلها و تحولها لنقاط قوة ليك إنت
و الخطوة دي من أهم الخطوات في الـ Branding
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ تسويق إلكتروني